Before you conduct the study

1. 1. Prepare well. As you de prepare, think about the things wey your Bible student need, im condition, and the things wey e believe. Try think about points wey fit hard for-am to understand or to do. Think about how the points under the part “Learn Other Things” fit help your student, and dey ready to use-am as una de study, if una go need-am.

When you de conduct the study

1. 2. Start and end the study with prayer, unless the student no gree.

2. 3. Dey careful make you no talk too much. Put your mind for the things wey them write for the book, and allow your student make e talk im mind.

3. 4. When you de start new part for the book, read the “Wetin You Go Learn for This Part” and talk small about some topics for the lesson.

4.  5. When you don finish the main part, use the “Wetin We Learn” part to help your student remember the truth wey e don learn.

5. 6. As you de study each lesson with your student:

   1. Read the things wey them write for there.

   2. Read all the scriptures wey them write “Read.”

   3. Read other scriptures wey dey the place if una go need-am.

   4. Play all the videos wey them write “Play” (if you get the videos).

   5. Ask the student each question.

   6. Tell your student to look the picture for the part “Learn More Things,” and ask the student to talk about the picture.

   7. Use the part “Wetin You Fit Plan to Do” to help your student know how e don grow reach. You fit advice-am make e use the example for the part “Wetin You Fit Plan to Do,” or make e think of other things wey e fit plan to do, or make e use the two of them.

   8. Ask your student if any particular article or video dey wey e really enjoy from the part “Learn Other Things” when e prepare the lesson.

   9. Try to finish each lesson each time wey you study with the student.

After you don conduct the study finish

1. 7. Continue to think about your student. Pray make Jehovah bless your student to grow and make e give you sense to know how you fit help your student.