ბიბლიაშ გურაფაშ დოჭყაფაშახ

1. 1. ჯგირო მემზად. მომზადებაშ დროს დეფიქრ ბიბლიაშ მაგურაფალიშ საჭიროებეფშე, სიტუაციაშე დო შეხედულებეფშე. ქეცად, წინასწარ ქენანჭე, მუშ გაგებაქ დო გიმორნაფაქ შილებე გუჭირდას არძაშ უმოსო. დეფიქრ, მუჭო შილებე მეხვარას „დამატებით მასალას“ მოჩამილ ინფორმაციაქ დო საჭიროქ ქიჸუ-და, გარჩი თინა გურაფაშ დროს.

ბიბლიაშ გურაფაშ დროს

1. 2. მაგურაფალ წინააღმდეგ ვა რენ-და, ბიბლიაშ გურაფა ქიდიჭყ დო გათე ლოცვათ.

2. 3. დუდ არიდ ბრელ ჩიებას. ყურადღება პუბლიკაციას მოჩამილ მასალაშა გეგნიღ დო ქიმეჩ ბიბლიაშ მაგურაფალს საშვალება, გეგმოხანტას მუშ აზრეფ.

3. 4. ონდო ახალ ნაწილშა გინილენდე, წეკითხ თე ნაწილიშ თემა დო ქიმიშინე ნამთინე დუდიშ სათაურ.

4. 5. კონკრეტულ ნაწილიშ თებაშ უკულ, მაგურაფალწკუმა ართო გარჩი ბოლოს მოჩამილ გამეორებელ კითხვეფ. თენა მეხვარებ ბიბლიაშ მაგურაფალს თი ირფელიშ ჯგირო დამახსოვრებას, მუთ დიგურუ.

5. 6. თითოულ დუდიშ გარჩიებაშ დროს:

   1. წეკითხით ტექსტ.

   2. წეკითხით არძა ბიბლიურ მუხლ, ნამდგას მეუჭარ „წეკითხით“.

   3. საჭირო ქორენ-და, წეკითხით აბზაცეფს მოჩამილ შხვა ბიბლიურ მუხლეფ ხოლო.

   4. ქუჯინით არძა ვიდეოს, ნამდგას მეუჭარ „ქოძირით“ (შეიოლებერ ქორენ-და).

   5. ვეგშეტუა გარჩიებელ დუდის მოჩამილ ნამთინ კითხვა.

   6. მაგურაფალს ყურადღება გუმახვილ თი სურათეფშა, ნამუთ მოჩამილ რე პუნქტის „ქიგეგით უმოს“ დო ქოთხი, მუშ აზრ გეგმოხანტას თინეფშე.

   7. გეგმირინე ჩარჩო „მიზან“, ნამდა ქიმეხვარე ბიბლიაშ მაგურაფალს, ქოძირას, მუჭო მეურს ჭიჭე-ჭიჭეთ წიმი სულიერო. თის შეილებ ელუჩე დესახას თექ მოჩამილ მიზან, შხვა მიზან ვარდა ჟირხოლო ართო.

   8. ქოკითხ ბიბლიაშ მაგურაფალს, ნამ ვიდეოქ ვარდა სტატიაქ მეწონ ჩარჩოშე „დამატებით მასალა“, გარჩიებელ დუდიშ მომზადებაშ დროს.

   9. ქეცად, გურაფაშ დროს დუდშე ბოლოშა გარჩუე ართ დუდ.

ᲑᲘᲑᲚᲘᲐᲨ ᲒᲣᲠᲐᲤᲐᲨ ᲣᲙᲣᲚ

1. 7. გაგრძელ ფიქრ სქან ბიბლიაშ მაგურაფალშე. იეჰოვას ლოცვას ქოთხი, ქიმეხვარას თის სულიერო წიმი ულას დო ქიმეჩას სიბრძნე ნაგურეფუშ ინანჭაფალო.