Mkanatande kulijiganya ni mundu

1. 1. Akosecheleje chenene. Pakukosechela, aganichisyeje yakusosechela jwakulijiganyajo, mwayiŵelele yindu paumi wakwe soni yindu yakusakulupilila. Aganichisyeje ya yindu yampaka yimsawusye kuyipikanichisya soni kuyikamulichisya masengo. Aganichisyeje yindu yayikusimanikwa pa mbali jakuti “Yakulinga Yinesoni” soni mwampaka yimkamuchisye jwakulijiganya jwawo. Aŵeje ŵakoseka kukamulichisya masengo mbali jeleji pakumjiganya.

Pakumjiganya mundu

1. 2. Atandeje soni kumalisya ni lipopelo, naga jwakulijiganya jwawo akundile kutenda yeleyo.

2. 3. Akatupiyaga yakuŵecheta. Agombelechesyeje mnope yindu yayikusimanikwa mu lijiganyolyo soni ampeje ndaŵi jakwanila jwakulijiganya jwawo kuti asaleje nganisyo syakwe.

3. 4. Pakutanda kulijiganya mbali jasambano, aŵalanjeje yayikusimanikwa mu mbali jelejo soni asaleje mitwe jine jachalijiganye mu mbali jelejo.

4. 5. Pamalisisye kulijiganya mbali jilijose, akambilaneje ni jwakulijiganya jwawo mbali jakuwilisya kuti amkamuchisye kukumbuchila yindu yalijiganyisye.

5. 6. Yampaka atende pakukambilana ni jwakulijiganya jwawo lijiganyo lililyose:

   1. Aŵalanjeje yayikusimanikwa mu lijiganyolyo.

   2. Aŵalanjeje malemba gosope galembile kuti “Aŵalanje.”

   3. Naga yili yakusosekwa aŵalanjeje malemba gane gagakusimanikwa mu lijiganyolyo.

   4. Aloleleje mafidiyo gosope galembile kuti “Alolele” (naga akwete).

   5. Amwusyeje jwakulijiganya jwawo yiwusyo yosope yayikusimanikwa mulijiganyolyo.

   6. Amsalileje jwakulijiganyajo kuti alole chiwulili chachikusimanikwa pa mbali jakuti “Kulijiganya Yejinji” soni amsalileje kuti alondesye yakuyiwona pachiwulilipo.

   7. Akamulichisyeje masengo libokosi lyakuti “Akole Chakulinga Achi” pakumkamuchisya jwakulijiganya jwawo kuti amanyilile mwakwawulila pasogolo mwausimu. Amlimbikasyeje kuti akole chakulinga chachikusasimanikwa pa mbali jeleji champaka chimkamuchisye kuti nombe najo akole yakulinga yine.

   8. Amwusye jwakulijiganya jwawo naga pana ngani kapena fidiyo pambali ja “Yakulinga Yinesoni” yayamkamuchisye mnope pandaŵi jaŵakosechelaga lijiganyolo.

   9. Naga yili yakomboleka alolechesyeje kuti amalisisye kulijiganya lijiganyo lyosope pandaŵi jilijose jakumjiganya mundu.

Pamalisisye kumjiganya mundu

1. 7. Apitilisye kuganichisya ya jwakulijiganya jwawojo. Amŵendeje Yehofa kuti apitilisye kumkamuchisya jwakulijiganyajo kwawula pasogolo mwausimu. Nambosoni kuti ŵakamuchisye wawojo kumanyilila yampaka atendeje kuti amkamuchisyeje jwakulijiganyajo.