Ante gudiiluʼ estudiu

1. 1. Guca preparar chaahuiʼ. Guníʼ ique xi caquiiñeʼ estudiante stiluʼ, ximodo nuube ne xi runi crebe. ¿Ñee nuu xiixa ni zándaca gaca nagana para laabe guiénebe o gúnibe la? Biʼniʼ estudiar ca artículo ni zeeda lu sección ni láʼ «Biiyaʼ xiruʼ zanda guiziidiluʼ» ne guníʼ ique ximodo zanda gacaneni estudiante stiluʼ. Pa gúniluʼ nga la? maʼ nánnaluʼ ximodo iquiiñeluʼ ni ora maʼ cudiiluʼ estudiu.

Ora maʼ cudiiluʼ estudiu

1. 2. Pa naʼ estudiante ca la? biʼniʼ ti oración ora guzulutu ne ora guilúxetu.

2. 3. Cadi puru lii guiniʼluʼ. Biiyaʼ guiénebe ni ná información ca ne bidii lugar guiníʼ estudiante ca.

3. 4. Ora chiguzulutu ti sección, biindaʼ ca diidxaʼ ni cusiene xi chiguiziiditu lu sección ca ne bizeeteʼ título stiʼ chupa chonna lección.

4. 5. Ora guilúxetu ti sección, biʼniʼ ca pregunta ni zeeda lu últimu yaza stiʼ sección ca ti guietenalaʼdxiʼ estudiante ca ni biziidiʼ.

5. 6. Ora guni estudiartu cada lección:

   1. Laguundaʼ ca párrafo ni zeeda ra ruzulú ni.

   2. Laguundaʼ guiráʼ textu ra cá diidxaʼ «Laguundaʼ».

   3. Laguundaʼ xcaadxi textu ni zeeda lu lección ca, pa caquiiñeʼ peʼ.

   4. Laguuyaʼ guiráʼ videu ra cá diidxaʼ «Laguuyaʼ» (pa nápaluʼ ra gúʼyabe ni).

   5. Biʼniʼ guiráʼ pregunta zeeda luni.

   6. Laiquiiñeʼ ca imagen ni zeeda lu sección «Guizíʼdirunu jma» para güitu diidxaʼ.

   7. Biquiiñeʼ cuadru ni láʼ «Biʼniʼ stipa gúniluʼ ndiʼ» ti guʼyaʼ estudiante ca pabiáʼ ziyuni progresar. Guluu gana laabe quíxhebe meta. Zanda gácani ni zeeda lu cuadru ca o stobi.

   8. Gunabadiidxaʼ laabe pa guyuuláʼdxibe xiixa artículo o videu ni zeeda lu sección ni láʼ «Biiyaʼ xiruʼ zanda guiziidiluʼ» ora guca prepararbe para estudiu ca.

   9. Biʼniʼ stipa gúʼndatu ti lección cada biaje gudiiluʼ laabe estudiu.

Despué de gudiiluʼ estudiu

1. 7. Guníʼ ique xiruʼ caquiiñeʼ estudiante stiluʼ. Gunabaʼ Jehová cuʼ ndaayaʼ laabe pur cayuni progresarbe ne gudii lii guendabiaaniʼ para ganda gacaneluʼ laabe.