ABUỌ OPHAMHAGHẠN Ongọ buọ ophamhaghạn phọ oḍighi olhoghonhaạn anạ ḍighaạgh. Seseeny kuamhị adaphạn iiḅakiọm mọ abidị idị egbolhomaam riisi osereghi asimoto, r’eten oogo oḍigh r’oḍuạ omite esi phọ isiẹn, r’ilọ oseerean esi orọl ude, ḅilhẹ r’inhọn araraạr.

ARIISI OROLHOGHỤ Ka/lẹ ḍeenhaan ni ogbolhomaam bunhọn awe. Legheri mọ, nạ katue ni aseenhaan esi orọl oginha abuọ eghunotu anạ, bulọ r’anạ eḍigh oniin amoto, bulọ r’anạ erugh eniin esi, obobọ bulọ nạ ratughemhị ghan Baibul. Seseeny u/ḅamaghị ghan raraạr riisi orolhoghụ lọ nạ u/seenhaan oye.

ASATODEE OPHOGH AKITONOM Asimem mọ oghir bọ okitonom eḍighi ilọ arookpomhoghan eephugh dị kopạm eekunha awiki dị kopogh akitonom ḍio aSatodee. Wiki phọ opọ phọ, mosighẹ oghaạph ibadị awe phọ “Sighẹ Ghan Iiḅi Iinhaghạn Kụ Akpạr Apuom Ikarạph Iinhaghạn” odi bọ edeọm ootaany aSatodee oḅarạm ḍiroọr aFraidee.

IḄẸL AROOKONHOM Ka/lẹ legheri mọ iphẹn phọ ilọ ekperenhom e/moon bịn.

IISOGH Amubogorọ amalheom ni kụ edị olheom bọ ookolhobian omiteom ariisi orolhoghụ dị ekasiạn, ikpamhaghinheẹn eḍọgh, sitelevisọn phọ, ḅilhẹ r’inhọn odọ arukumuan dị keḍighi idị yira kokelhọm ookpomhoghan phọ ophọn phọ yira oru bọ, olhoghonhaạn ayira ḍighaạgh oḍuraan otumhan aZihova. Iisogh phọ anạ nyinhạ u/kpaariọm bọ keloghonhaạn ni ḍighaạgh ookpereghi amaleom mọ amuẹn phọ, eḅilhẹ eloghonhaạn ḍighaạgh oḍighi oomo aḅirinhi phọ. Obọ edughanhaan nyinhạ, osereghi yogh ni igbe iisogh dị odoghoḍi relhegh dị eegholhaan oomo esi phọ isiẹn. Nạ katue ni kẹn asogh siphẹ osoph intanẹt phọ donate.pr418.com. Omaghamhị ni maạr oomo iisogh. Aloor Phọ Repogh Bọ rosereghiạn ni inmo phọ anạ ilọ olhoghonhaạn aḍighaạgh oḍighi Omhạr phọ.

IPHE NI KỤ MOMHIỊN Eḍighi maạr dị nạ amhiịn iyaạr oye lọ ephe pọ sighẹ aghị otu oḍighi phọ oghol bọ mọ Iphe Ni Kụ Momhiịn. Eḍighi maạr dị iyaạr anạ ephe, pọ kiạ epẹ otu-oḍighi phọ ophọn phọ amaaghị ipẹ iyaạr phọ anạ erọl bọ. Omhiịn ibạm anmụny lọ mophe ḍighaạgh odẹ r’onhiin abidị, pọ osighẹ oghị epẹ otu oḍighi phọ ophọn phọ. Toroboiperolbọ, dị kebilhẹ i/ḍighi dool i/ngọ we, pọ seseeny maạr aphogh ibạm-anmụny phọ anạ, aseere bidị esi phọ nạ odi bọ.

OḌIINY AMUỤM Ariisi orolhoghụ phọ esomhan bọ eegbolhom mọ epẹ ogbotu phọ koseenhaan buọ oḍiiny amuụm mọ, epel lọ oḅilhẹ oghaạph inhọn. Abuọ oḍiiny amuụm mọ orolhoghụ pạ phọ kụ egbi oteẹny amem dị oghaạph oḍiiny amuụm mọ kamiigh ḍiroọr aSatodee phọ. Torobọ onyọ abidị aphạm arumom towẹl r’iinmenhan dị esooran obobọ amuụm ateẹny ke/ḍeenhaan loor.

OMITEOM ALOOR OKUMUAN Eḍighi maạr dị eḅeraạn nyinhạ olhoghonhaạn aani aḍighaạgh rukumuan ookpomhoghan phọ ophọn, pọ ka/lẹ kiạ ateẹny buọ otu oḍighi phọ oghol bọ mọ Omiteom Aloor Okumuan.