এটে’নডেণ্টসকল আপোনাৰ সহায়ৰ বাবে এটে’নডেণ্টসকলৰ ব্যৱস্থা কৰা হৈছে। গাড়ী ৰখা স্থান, অধিৱেশন গৃহত ওলোৱা-সোমোৱা, আসন সংৰক্ষণ আৰু অন্যান্য বিষয়ৰ বাবে এটে’নডেণ্টসকলে দিয়া নিৰ্দেশনাবোৰ অনুগ্ৰহ কৰি পালন কৰক।

বাপ্তিষ্মা বাপ্তিষ্মাৰ প্ৰাৰ্থীসকলৰ বাবে মঞ্চৰ প্ৰথম শাৰীৰ আসনত বহাৰ ব্যৱস্থা কৰা হʼব। শনিবাৰে ৰাতিপুৱা বাপ্তিষ্মাৰ ভাষণ আৰম্ভ হোৱাৰ আগতেই বাপ্তিষ্মাৰ প্ৰাৰ্থীসকলে ইয়াত বহা উচিত। প্ৰতিজনে নিজৰ লগত টাৱেল, শালীন আৰু এই উপলক্ষ্যৰ বাবে সঠিক কাপোৰ অনা উচিত।

দান-বৰঙণি অধিৱেশনৰ কাৰ্য্যক্ৰমৰপৰা আনন্দ লাভ কৰিবলৈ আৰু যিহোৱা ঈশ্বৰৰ লগত সম্পৰ্ক দৃঢ় কৰিবলৈ বিভিন্ন ধৰণৰ ব্যৱস্থা কৰা হয়। শ্ৰোতাসকলে ভালদৰে বহিবলৈ, শুনিবলৈ, ভিডিঅ’ চাবলৈ সা-সৰঞ্জাম আৰু অন্যান্য সেৱাৰ ব্যৱস্থা কৰিবলৈ যথেষ্ট পৰিমাণৰ খৰচ কৰা হয়। আপোনালোকৰ স্ব-ইচ্ছাৰে দিয়া দান-বৰঙণিয়ে এই অধিৱেশনৰ খৰচ-পাতি আৰু লগতে গোটেই বিশ্বজুৰি হৈ থকা ঘোষণা কাৰ্য্যত সহায় আগবঢ়াব। আপোনাৰ সুবিধাৰ বাবে অধিৱেশন গৃহৰ বিভিন্ন ঠাইত দান-পাত্ৰ ৰখা হৈছে। আপুনি donate.pr418.com-ৰ যোগেদিও অনলাইন দান কৰিব পাৰে। আপোনালোকে আগবঢ়োৱা দান-বৰঙণিৰ মূল্যাংকন কৰা হয়। বিশ্বজুৰি হৈ থকা ঘোষণা কাৰ্য্যত আগবঢ়োৱা সহায়ৰ বাবে প্ৰশাসন গোষ্ঠীয়ে আপোনালোকক ধন্যবাদ জনাইছে।

প্ৰাথমিক চিকিৎসা অনুগ্ৰহ কৰি মনত ৰাখিব যে এই ব্যৱস্থা কেৱল আপাতকালীন সময়ৰ বাবে হয়।

হেৰুৱা আৰু পোৱা সকলো গৰাকীহীন বস্তু হেৰুৱা আৰু পোৱা বিভাগত জমা কৰা উচিত। যদি আপোনাৰ কিবা বস্তু হেৰাইছে, তেনেহ’লে এই বিভাগক সোধ-পোছ কৰিব পাৰে। যদি পিতৃ-মাতৃৰপৰা হেৰাই যোৱা কোনো সন্তানক আপুনি পায়, তেনেহ’লে সেই সন্তানক হেৰুৱা আৰু পোৱা বিভাগক গতাই দিয়া উচিত। কিন্তু অযথা চিন্তা কৰাতকৈ অনুগ্ৰহ কৰি আপোনালোকে নিজৰ সন্তানৰ চোৱা-চিতা নিজেই কৰক আৰু সিহঁতক লগতে ৰাখক।

আসন ব্যৱস্থা অনুগ্ৰহ কৰি আনৰ বাবে চিন্তা কৰিব। মনত ৰাখিব যে কেৱল আপোনাৰ সৈতে একেখন গাড়ীতে যাত্ৰা কৰা, নিজৰ পৰিয়াল বা বৰ্তমান সময়ত অধ্যয়ন কৰি থকা বাইবেল বিদ্যাৰ্থীৰ বাবে আসন সংৰক্ষণ কৰিব পাৰে। অনুগ্ৰহ কৰি খালী আসনবোৰত একো বস্তু নাৰাখিব।

স্বেচ্ছাসেৱক যদি আপুনি অধিৱেশনৰ কোনো কামত সহায়-সহযোগিতা আগবঢ়াব বিচাৰে, তেনেহ’লে তথ্য আৰু স্বেচ্ছাসেৱক বিভাগত আপোনাৰ নাম দিব পাৰে।