BAHÔLA BÔLÔ Ibale u gwé ngôñ i yoñ ngaba munu bôlô i likoda li ndôn, soho ti jôl joñ i homa bahôla bôlô.

BALEEGE BÔT Baleege bôt ba yé ha inyu hôla we. Soho, noñ maéba ba nti we inyu yi homa ba ntééda matôa ni bikei, ni inyu yi njel majôp ni njel mapam i ndap likoda, i tééda biyééne inyu bôt bape, ni mam mape ki.

BIYÉÉNE Soho tôñ bôt bape ngéda u mpohol biyééne. U hôya bañ le biyééne u ntééda bi nlama ndik ba inyu bôt we ni bo ni nlo ntôñ tole bôt we ni bo ni yii ndap yada, tole i bet we ni bo ni nigil Bibel. Soho, u tek bañ yom to yada i ngii biyééne w’a gwélél bé.

MAKÉBLA Inyu boñ le likoda li ndôn lini li tagbe loñge kayéle li hôla bés i kôôge Yéhôva bebee, moni mi mpam ngandak inyu kôôba biyééne, nkuu mahop, nkuu biliñgeliñge, ni ngandak mam ipe. Makébla ma njômbi ñem u nti, ma nhôla i timbis moni mi mpam, ni inyu nit nson u ñañ nlam ni nkoñ ’isi wonsôna. Ibale u nsômbôl ti likébla, w’a léba dikukuu di yé bahoma bahoma mu ndap likoda. U nla ki ti likébla ni njel internet ibale u nke i donate.pr418.com. Di yé maséé i leege to limbe likébla. Juu li bakena ntôñ li nti mayéga ngandak inyu mahôla u nti inyu nit gwéñe bi Ane.

MATIBLA MA BISU Soho tééda le, matibla ba mpôdôl hana ma yé ndigi inyu kon tole kuu i u bemek bé.

MINIMLAK MI GWOM Minimlak mi gwom mi yé ntéédaga homa wada. U nla ke nyoo homa nu ibale u nimis yom. Ibale u nléba mañge nu a mbagla ni bagwal bé tole a nimil, soho kena nye i homa minimlak mi gwom mi yé. Jon inyu keñgle ini nduña le bebek mañge a nimil, di nsoohe bagwal le ba tat bon bap loñge, ba tééda ki bo ipañ yap.

SÔBLE Handugi biniigana bipe, biyééne i bisu bi hikôma bi yé inyu bakôs sôble. Bakôs sôble ba nlama yén mu biyééne bi ilole nkwel u sôble u mbôdôl i kegla i ngwa jôn. Hiki wada wap a nlama lona wédé, ni mbot i kôli inyu sôble.