BATƐMU Ma kun mɔ ba gari gɛɛ gerua baasi, ba kitanu sɔɔru kuawa be ba koo batɛmu ko n sɔ̃ samaan gari dion wuswaaɔ. Batɛmun samaan gari yu sere tore asibiti sɔ̃nu bururu, n weenɛ be ba koo batɛmu ko bu na bu sina mi ba bu yĩreru kua mi. Tilasiwa ben baawure u ka win wasin sunkutia ka yãa ni u koo doke u ka batɛmu ko na, yãa ni nun sãa bɛɛrɛginu.

BE BA RA TƆMBU DAM KOOSIE Ba dam koosiobu swĩi bu ka nu somiwa. Sa nun kanamɔ a ka ben gere sɔmburu koowo: kɛkɛ ka kpookpoonun yii yerɔ, mi n weenɛ tɔmbu bu ka du ka mìn di n weenɛ bu yari, sin yeru yiibu sɔɔ, ǹ kun mɛ ye ba de gesi nun sɔ̃ɔwa kpuro.

GÃANU NÙ N KƆ̃ƆRA Ǹ KUN MƐ NÙ N WAARA Goo ù n gãanu doba ma goo kun bikie n weenɛ bu ka nu da “Gãanu nù n kɔ̃ɔra ǹ kun mɛ nù n waaran” ayerɔ. À n maa gãanu bia kaa kpĩa a da mi kpa a bikia. Bii be ba kɔ̃ɔra ma ba ǹ ben mɔwɔbu wa ba koo kpĩ bu ka be da mi .Sa nun kanamɔ a n wunɛn bibun nɔni do ba n ka wãa wunɛn bɔkuɔ a ku ra ka be bia.

KƐ̃NU Ba gobi di too ba ka aye teni sɔɔru kua, gari gerubun yirikisi ya n ka daamɔ dee dee, fideon yirikisiba ka gãa dabinu mɛnnɔ bɔkɔ geni gu ka sun nuku dobu kɛ̃ kpa gu maa ka sun somi su ka Yehofa susi su sosi. Nuku tian kɛ̃ te kaa ko, ta koo sun somi su ka gobi dii bi wunana kpa su maa ka handunia giran waasun sɔmbu te wuswaa daasia. Yu ku ka nun sɛ̃sia, ba kɛ̃nun kpakororu yi baama kpuro. Kaa maa kpĩ a kɛ̃nu ko intɛɛnɛtin di donate.pr418.com sɔɔ. Sa kɛ̃ɛ ni tɔmba mɔ̀ kpuro siaramɔ. Sina asakpɔra nun siaramɔ wunɛn nuku tian somiru te a ka bandun sɔmburu naawammɛn sɔ̃.

SIN YERU Sa nun kanamɔ an be ba tien laakari mɔ. À n kitanu gɔsimɔ a yaayo ma kaa kpĩ a nu gɔsiwa be ba ka nun kannɛn sɔ̃, nge wunɛn dusibu, ka be i gbaburu mɔ̀ sannu, ka be ba sãa wunɛn yɛnugibu n kun mɛ ka be ba ka nun Bibelin keu mɔ̀. Sa nun kanamɔ a ku gãanu sɔndi kita te a ǹ gɔsan wɔllɔ.

SOMI GBIIKIRU A n yɛ̃ ma yeni tilasin saa sɔɔ tɔnawa.

SOMIOBU À n kĩ a tii wɛ̃ mɛnnɔ bɔkɔ gen sɔma sɔɔ, sa nun kanamɔ a doo mi ba yorua “Somiobu”.