AKPA USỌBỌ Mbọk ti ete ke ẹnam itie emi ẹnọ mbabuat n̄kpọntịbe kpọt.

BAPTISM Ẹyenịm n̄kpọitie ẹnọ mbon baptism ke iso itie edinam. Edieke ẹnamde ukpụhọde ekededi, ẹyenam mbufo ẹfiọk. Mbon oro ẹyomde ndina baptism ẹkpenyene nditie ke ebiet oro ẹnịmde ẹnọ mmọ mbemiso utịn̄ikọ baptism ọtọn̄ọde ke usenubọk Saturday. Owo kiet kiet ekpenyene ndida ọfọn̄ ukwọhọde idem ye ọfọn̄ uyere mmọn̄ esie oro owụtde iso o-bụt ndi.

ENỌ IMAESỊT Ẹbiat ekese okụk ẹnam ndutịm man ẹnyene n̄kpọitie oro ekemde, ẹnyene n̄kpọ utịn̄ikọ, mme TV, n̄kpọ usio vidio, ye ediwak n̄kpọ eken oro anamde mbono emi enem, onyụn̄ an̄wam nnyịn inen̄ede ikpere Jehovah. Enọ imaesịt fo ayan̄wam ẹkeme ndinyene okụk nda nnịm mbono emi mma, onyụn̄ an̄wam ke utom Abasi emi inamde ke ofụri ererimbot. Oyokụt mme ekebe emi afo ekemede ndisịn enọ imaesịt fo ke ofụri an̄wa mbono emi. Edieke ekemede, da donate.pr418.com nọ enọ imaesịt fo. Imenen̄ede idara se ededi oro afo editịpde. Otu Emi Ẹsede Ẹban̄a Utom Mme Ntiense Jehovah ẹkọm fi ke nte atatde ubọk an̄wam man ẹnam utom Abasi.

MBONO UTỊTURUA SANITATION: Mme ini emi ẹdude ke idiọn̄ọ emi [ ] ke ẹdinịm mbono Saturday ke urua emi ẹnamde sanitation ke n̄kan̄kụk oro. Ntre ke utịturua oro, ẹyemen utịn̄ikọ eke ikpehe ke ikpehe Saturday uwemeyo emi enyenede ibuotikọ emi: “Da Eti Mbụk Kan Mfịna” ẹdian ẹneme ke usenubọk Friday.

MME ADAIDAHA Ẹnịm mme adaidaha man ẹn̄wam fi. Mbọk kop se mmọ ẹtịn̄de. Nịm n̄kpọisan̄ ke ebiet emi mmọ ẹdọhọde, san̄a ke ebiet emi mmọ ẹwụtde fi, tie ke ebiet emi mmọ ẹnọde fi, nyụn̄ menede n̄kpọ fep ke n̄kpọitie edieke mmọ ẹdọhọde anam ntre, ye mme ntre ntre eken.

N̄KPỌITIE Mbọk kere ban̄a mbon en̄wen. Ti ete ke n̄kukụre mbon oro ekemede ndinịm itie nnọ ẹdi mbonubon mbufo, mbon oro ẹsan̄ade ye afo ke ubomisọn̄ mbufo, mbon oro ẹdụn̄de ye mbufo, m̀mê mbon oro afo esikpepde Bible. Mbọk kûdori n̄kpọ ke n̄kpọitie emi mûnịmke unọ owo ndomokiet.

N̄KPỌ ORO ẸFIỌHỌDE Ẹkpenyene ndida kpukpru n̄kpọ oro ẹfiọhọde n̄ka Lost and Found. Edieke n̄kpọ ekededi ọbọhọde fi osop, ka itieutom emi koyom. Ẹkpenyene ndida nditọwọn̄ oro ẹbọhọde mme ete ye eka ẹsop n̄ka itieutom emi. Mme ete ye eka, mbọk ẹtịm ẹse nditọ mbufo enyịn, ẹdiọn̄ọ ebiet emi mmọ ẹkade, man mmọ idinam esịt ọduọ mbufo m̀mê ndisịn mbon en̄wen ke utom.

UTOM IMAESỊT Edieke oyomde ndin̄wam ke utom ke mbono emi, mbọk ka Information and Volunteer Service Department.