DÌÌA MÚÚ Bàé kpóògè dee ló kpòté e gbò e bàé diìa múú é ĩ́ìtẽ́ boo sẹlẹ́ deèsĩ́, kuló ketõ̀ò ge tõo nè lòbèl, sõò be bà náa náa vó, bàé náa kọ ó nyimá. Gbò e bàé diia múú á ĩitẽ́ kĩá besĩ́ì lòbèl dììa múú kalá dààà togó boo lọ̀ọ̀le deè Saturday. Buù nen á fáálá báà kàn ge fã̀àmà ló nè kọ̀là ló gè bìlmà múú ea bọ́ló.

GBÒ GE BUGI NEN A beè dú gè noo kọọ̀ gbò ge bugi nen á nvèè bá nè ni. Sóo sóo palàge gbàntṍ ló ba tùle ea kil ló ketõ̀ò ge sẹlẹ faà, ketõ̀ò ge kyã̀à tení, gè kpoogè dee ló kpòté sẹ̀ẹ̀ nen, nè dõona kà gbò tùle.

GBÒ TÀ SẸ̀ EA DỌ́ DEÈ KPÁLÌ KẼ: Gbò tṍó e bà kugi nu tenmá lóá dì nè gbò pọ̀bkà bõ̀ònaló ea é sẹẹa tà sè e deè Saturday dọ́ Deè Kpálì Kẽ. Kọ̀láá kà tà sè ea meà naa vó, à dú gè tú lòbèl ea di mm̀ kpò-kpò ea togó bel kọ́ọ̀, “Tú Lé Kpẹ̀a Èlmà Bá Pọ́lọ́ Kpẹ̀a” ea di boo fèèbeè Saturday kilma boo lọ̀ọ̀leè Friday

GE NÈ NU LỌA BÙLÀ Gã́bug kpègè bãaa mm̀ ge kpoogè dee ló kpòté gè ĩìtẽ́ boo ea é gbõoma, gbò nú ea é náa kọ é dã́ nú e bà gé kọ́ leevè, nu gè bìlà vídiò tenmá boo, nè dõona kà gbò nú ea é náa kọ é dé kpéè ló nakà pọ̀bkà bõ̀ònalóí vaá naa kọọ̀ é tõo bã kpàn Jìhóvà. O gè nè nu lọa bùlà é nveè bá naa kọ é láá kpẽ́ kpègè ló dénè gbò nuí vaá à nveè nàgé bá nè sìtóm kọ̀ kpẹ̀a beeá ló bàlà booí. Kọbé à váli ní ló, ba beè emí nu ló gbò kpó lọ̀là-lọ̀là e bà sẹlẹ́ gã́bug ketõ̀ò ea dì beeá ló boo beí. Òó láá nè nàgé lọ̀là-lọ̀là tenmá boo íntanèt tení dú ló gè sí boo donate.pr418.com. Gbò Ge Tulè Tóm palàge nvèè ka ló kọ̀láá kà bọọ lọ̀là-lọ̀là vaá bà ṍái zaa ló bé eo gé nveenii sãa kúm sìtóm Boǹ Méné naa.

GE TÚ O LÓÓ NÈ GE SÍ TÓM Be à tan ni gè tú o lóó nè ge sí tóm mm̀ nakà bõ̀ònalóí, sóo sóo sí tọọ̀ tóm ea kọlà Information and Volunteer Service.

KETÕ̀Ò GE ĨÌTẼ́ Sóo sóo bùlà nu ea kil ló dõòna gbò. Kẽ̀èa boo kọọ̀, áá gbò e ba beè zọ̀ ni bã faà àbèè ge tõó tẽ̀ènè kà tọ, àbèè nen ea ólò zọ̀ ni noá Kpá Káí ní eo é láá kpoogè dee ló kpòté sẹ̀ẹ̀ẹ. Sóo sóo ó gá dõogẽ sẹlẹgi nú boo kpòté e nóo gé kpóògè dee ló sẹ̀ẹ̀ dõòna nèn.

KETÕ̀Ò GE NÈ BIÈ Sóo sóo sẹ̀ẹ̀a nyíe kọọ̀ kĩí dì nè áá bùló nu.

NÚ EA BEÈ PÈ VAÁ BÀ MÒN Kọ̀láá kà nú ea beè pè vaá ò mòn, á dú gè tú kilma kĩée bà ólò kpoogè dee ló Nú Ea Beè Pè Vaá Bà Mòn. Be o nu beè pè, àà sí nakà tọọ̀ tómí vaá ò kol béè o nú ea beè pè nè va. Á dú gè tú gbò pá nvín e bà dágí vaá pè aa ló ba tẹ̀ nè ba kà tẹlẹ nakà tọọ̀ tómí. Sõò, kọbé íb gbò nuá náa nááá, sóo sóo palàge ẹ̀b nú ea kil ló pá o nvín, vaá ò tú va sẹ̀ẹ̀a ló.