ATTENDANT Tumkam modot korunk attendant nemlole asat. Te tumkam parking korunk, bhair-bhitor soronk, tumchi boska samballunk ani her vostum vixim sangtat tednam, upkar korun tanchem aikat.

BAUTIZM Bautizm gheunchim asat tankam manchie-chea fuddem, poilea row-ant boska samballun dovorloleo astoleo. Hea manddavollint kitem-i bodol asa zalear tumkam kolloitole. Bautizmachea umedvaramnim, Sonvara sokallim bautizmachem bhaxonn suru zaunchea adim thoim apli boska gheunchi. Zonn-eklean aplo tuvalo ani moriadiche kopdde haddop gorjechem.

DENNGIM Hea odhivexonak hajir asloleank bori boska, boro sound system, video sadhon ani her suvidha mellonk favo to khorch kela. Hea udexim hanga hajir zaunk amkam sontos bhogta ani Jehovak lagim soronk amkam modot zata. Ap-khuxen kelolea tumchea denngeam udexim ho khorch bagounk adar zata. Toxench sonvsarbhor porgottnnechea kamakui adar melltta. Tumkam sompem zaunk, hea holant veg-vegllea zagear dan-petteo dovorleat. Tumi donate.pr418.com website-ir vochun online pasun denngim diunk zata. Tumchea ap-khuxen dilʼlea denngeank lagon ami khub upkari asat. Tumi Rajeachea kamank adar korunk, udar monan kelolea denngeam pasot Sonchalon Monddoll tumche upkar attoita.

FIRST AID Upkar korun, ugddas dovrat hem fokot akantachea ghoddiekuch asa.

LOST AND FOUND Konnakui sanddloleo vostu mellʼlleo zalear, teo Lost and Found Khateant vhoron diuncheo. Tumchem kitem-i sanddlam zalear, hea khateant vochon tumcheo vostu vollkhon gheuncheo. Avoi-bapai thaun tanchim bhurgim sanddleant zalear, tankam hea khateant vhoron diunchim. Punn ugddas dovrat, oxi poristhiti iena zaunk avoi-bapaimnim aplea bhurgeancher dhean dovrop ani tim aplea borabor asat mhunn khatri korop gorjechem.

BOSKA Upkar korun eka-meka vixim chintat. Ugddas dovrat, fokot tumche familik, tumchea sangata provas kortoleank, tumchea ghorant ravtoleank vo tumchea sangata Bible xiktat tankanch boska samballchi. Tumkam goroz na tea boskancher vostu dovorcheo nhoi.

VOLUNTEER SERVICE Zor tumkam odhivexonachea kamant ap-khuxen modot korpachi khuxi asa zalear, upkar korun Volunteer Service Khateak kolloiat.