AKOMODADORKUÉRA Umi akomodadór oĩ ñanepytyvõ hag̃ua ha tuichaiterei ñaipytyvõta chupekuéra jajapóramo la heʼíva ñandéve, por ehémplo pe estasionamiéntope, heʼíramo ñandéve moõrupipa jaguata vaʼerã, moõpa ikatu jaguapy térã oimeraẽ ótra kósa.

VAUTÍSMO Umi ojevautisátava ikatúta oguapy pe platafórma renondépe, ndojeʼéima guive ótra kósa. Umi ojevautisátava oguapýma vaʼerã pe lugár ojerreservahápe chupekuéra, oñepyrũ mboyve pe diskúrso de vautísmo ojejapótava sábado pyhareve. Enterovéva ogueru vaʼerã peteĩ toálla ha peteĩ ao idesénteva oike hag̃ua pe ýpe.

KONTRIVUSIÓN Heta ningo ojegasta ojejapo hag̃ua ko aty guasu ñanepytyvõtava ñañemoag̃uive hag̃ua Jehováre. Por ehémplo, oñekonsegi vaʼerã umi asiénto, ekípo de sonído ha vidéo, ha hetave mbaʼe. Umi kontrivusión voluntária oñemeʼẽva ojepurúta ojepaga hag̃ua umi gástore ha avei ojepredika hag̃ua opárupi. Ifasilve hag̃ua enterovévape, ko aty guasúpe oñemoĩ heta káha ikatutahápe ñamoĩ ñane kontrivusión. Ikatu avei jajapo ñane kontrivusión ko páhinape: donate.pr418.com. Oñemombaʼeterei pendepojera haguére ha pe Kuérpo Governánte oagradeseterei peẽme pekontrivui haguére pe Rréino rehehápe.

PRIMEROS AUXILIOS Ñanemanduʼa vaʼerã ko departaménto oĩha oñatende hag̃ua umi emerhénsiarente.

OBJETOS PERDIDOS Petopáramo peteĩ mbaʼe ahéno okañy vaʼekue, pegueraha vaʼerã ko departaméntope. Ha okañýramo pendehegui peteĩ mbaʼe, ikatu peho peheka upépe. Pehechakuaárõ peteĩ mitã okañyha ha ndotopaveiha ituakuérare ikatu avei pegueraha upépe. Oiko jave koʼãicha mbaʼe ningo jajepyʼapy ha ñañemondýi, upévare ani hag̃ua voi oiko, tuakuéra oñangareko vaʼerã ifamiliakuérare.

ASIENTOKUÉRA Ñanembaʼerechakuaákena ñande rapichándi. Ñanemanduʼa sólamente ikatuha jarreserva asiénto ñane famíliape, umi oúvape ñanendive ñande veíkulope, umi oikóvape ñande rógape térã ñane estudiántepe g̃uarãnte. Ani jaheja reínte oimeraẽ mbaʼe umi sílla ári, péicha umi ótro ikatúta ohecha oĩha lívre umi asiénto.

VOLUNTÁRIO Reipytyvõséramo ko aty guasúpe, rehokuaa reñeʼẽ umi ombaʼapóvandi Departamento de Información y Servicio Voluntáriope.