ACOCƐHƆ Acocɛhɔ a yɔ kéē ta uwɔ abɔ. Kōōcō yuklɔ tɔha mla uwa, ŋma lɛ ō yɛce ɔdā néē da uwɔ lɛyikwu ɛga ō je umoto ku uwɔ kwu, ɛga nɛ ɛwa cika ō yɛ, ō kwu ɛga ō yaajɛ lɛ ɔcɛ, mla aɔdā ɔhá.

ƐGA Ō YAAJƐ Kōōcō bi ācɛ ɔhá ɔtu. Le jé ku ācɛ nɛ a lɔfu kwu ɛga ō yaajɛ lɛ uwa a, wɛ ācɛ nɛ aa ŋma apɔlɛ ekponu, ācɛ nɛ awɔ mla uwa wa tɔha ipu umoto éyi, ācɛ nɛ awɔ mla uwa lā tɔha, amāŋ ācɛ nɛ a gē klɔcɛ ku Ubáyíbu mla uwa. Kōōcō a je ɔdā duuma ce ɛyi ɔci nɛ á yɔ i kwu lɛ ɔcɛ ŋ.

ƐHI Ō JE Alɔ gē ŋmo ije nɛhi tu aɔdā nōo gē ya ku alɔ po ɛlā lɔhi, ɔcí ō yaajɛ, aɔdā nɛ alɔ i bi le má uvidio mla aɔdā alɛwa ɔhá, o ya ɛɛ ku ojileyi nɛhi nyā kóō lɔɔnyɛ tu alɔ klla ta alɔ abɔ tubla Ujehofa. Ɛhi nɛ a gē je ŋma ɔtu a, gē ta alɔ abɔ ya aɔdā nōo ba nyā klla gē tabɔ ipu uklɔ nɛ alɔ géē ya ipu oduudu ɛcɛ a. O ya ɛɛ kóō tɔɔtɛ gā uwɔ, ikpati néē gē je ɛhi ta ipu nu a yɔ ɛga alɛwa ipu agbla nyā. A kē lɔfu je ɛhi o bu ipu donate.pr418.com. Ɛhi duuma nɛ a je a jɛ alɔ eyī nɛhi. Ígwu Nōo Gē Leyi Kwu Ɔwa ku alɔ a yɔ i ta uwɔ ahinya ku otabɔ nɛ a gē je ŋma ɔtu lɛyikwu ɛlā ku Ajɔɔcɛ a.

Ɛ̄CÍ Ō MIYƐ Kōōcō le jé ku ɛnyā lɛ ō ya mla ōcē nōo gbɔɔ acigili foofunu.

ƆDĀ NŌO GEBI NÉĒ PIYƐ Lɛ ɔdā duuma nɛ a piyɛ nɛ á jé ondu nu ŋ ma bi gā ɛga néē gē kpo aɔdā nōo gebi néē piyɛ ba a. Ɔdaŋ ku odee ku uwɔ gebi, nyɔ gā aya nyā ku a nyɔ i dɔka nu. É cika ō lɛ ayipɛ nōo gebi ŋma abɔ adā amāŋ ɛ́nɛ́ uwa bi gā aya nyā. Amáŋ, ɛnyā kē wɛ uklɔ nɛhi. O ya ɛɛ kóō kē hii ya ŋ ma a, kōōcō leyi taajɛ ku a jé ɔdā nɛ ayipɛ ɔlɛ uwɔ yɔ i ya, kéē klla yɔ pi uwɔ eko doodu.

UBATISIM Ɔdaŋ kéē da ācɛ nōo gáā ya ubatisim a kéē yaajɛ ɛga ɔhá ŋ, é géē habɔ ɛga ō cice nōo yɔ iyɔbu ɛyi ede a ta lɛ uwa. Ācɛ nōo gáā ya ubatisim a cika ō yaajɛ abɔɔ gbɔbu ɛɛ ku ɛlā ō kā tɛɛcɛ ku ubatisim a kóō gbɔɔ ɔcɔɔci ku Ɛ̄cī Usati. Ɔnyɔɔnyɛ cika ō bi utɔwɛlu mla ili nōo cika nɛ ó géē le wiiye eko néē dɔka ō ya ɔ ubatisim a.

UKLƆ Ō YA ŊMA ƆTU Ɔdaŋ ku a dɔka ō ta abɔ, o ya ɛɛ ku ojileyi nɛhi nyā kóō nyɔ mɛɛlɛ, kōōcō nyɔ gā aya ku Information and Volunteer Service Department.

USATI AMOOMƐ KU ƆYA Eko néē ta ipu ikpati a wɛ aku ojileyi nɛhi nōo géē yɔ alaadi amoomɛ ku ɔya, néē gē ya ō tubi ɛ̄cī Usati a. Ipu ojileyi nɛhi ɛgɔɔma, é géē ya ocē kpiikpii nōo kahinii: “Bi Ɔkoolɔhi A Le Ya Unwalu Lé” ɔcɔɔci ku ɛ̄cī Ajuma, ikɔkɔ ō ya ɔ ɔlɛɛnɔ ku ɛ̄cī Usati a.