BENIBILEYE Benibile dọụmịnị otumọ bọlọụ bọọ emi kasịmọ ka petimi mịnị. Benibile dọụemi otumọ petimi dẹkị benibile ẹrẹegberi bị Saturday pekei bọọ koro mịẹmụ ifie laa. Kịmịsẹ angọkụọ bịdẹ má agbẹị-emi benibiri bịdẹ kọn bo.

FA EMI YEAMA ẸRỊMỤ YỌ Naá bo akịgha ikpesemọsẹ akị Fa Emi Yeama Ẹrịmụ Yọ bọọ ghọ mú. Iné ye faa emiaba, bịsẹ yọ bọọ mú dá iné ikpesemọ lelei akị. Daụ mọ yin mọ duo ụwọụbụọ fadẹ awọụmọ akị bịsẹ yọ bọọ mú. Mọabịkpọ, kịmị ghọ bụụdọọnghamụ yọ duonị, sisei ánị awọụmọ dii ebimọ má ifiemọsẹ a mọ mọ́ timi.

FIRST AID Sisei bei yọbị mịẹ akị bei bẹnịị bọọ vurudu bara dọọn anịghakpọ ye paamọ otu bẹtịbị kị pịrị wẹrịemi bara nimi.

KỊMỊ KỊẸN-OTU Baratụa ị́ pịrịmụ kịmị kịẹn otuama sẹlẹ wẹrịemi. Car park bọọ fịrịwẹnịmịnị otubo mọ, wẹnịmịnị kịmịbo dimịnị otubo mọ, tịtẹmịnị yọbo dimịnị otubo mọ, bá zịnị fịrịwẹnịmịnị otubo gbaa bara kị dimịẹ.

ỌNGỌPAAMỌ ODUBO Ị́mịnị baratụa opubẹnịị bọọ fịrịwẹnị dọụ emiaba, sisei Information and Volunteer Service Department bọọ mú.

OTUOYEMỌ Bei opubẹnịị bị mịẹ ịmbẹlẹmọ, má baratụa wó pịrị Jehovah mọ paalịị dẹịnmụ yọ duonị biin okobo ka kị bei tịtẹyebo mọ, farịyebo mọ bá televisionbo mọ mịẹpaamọ wẹrịemi. Ánị otuoyemọ kị duo beiyemọsẹ mịẹpaamọ mị, bá baratụa akị akpọyọrẹị fịrị kpọ pịrị mịnị. Ánị ghọ bụụdọọnghamụ yọ duonị, otuoye ekpediama akị yọmọsẹ ghọ tịẹmọ wẹrịemi. Iné bara ghọ paadọyọsẹ seigha. Ị́mịnị laa online bọọ donate.pr418.com kpọ duo otuoye mịẹ a paaemi. Ánị otuoyebo wo tọrụkẹrị mị. Governing Body ánị baratụa Ọkpọnanaowei Daabụọ pịrịemi yemọ ghọ ụmbana akị á kule mị.

TỊTẸYỌ Sisei zịnịotu tụa iroro. Ukie, tịtẹyọama kẹrị ị́ mọ mọ́ kẹnị arụ duo bo, ị́ mọ mọ́ kẹnị warị ghọ emi, anịghakpọ tịẹkiri bọọ ị́ mọ mọ́ Bible tolumọemi otu bẹtịbịkị pịrị. Yeama akị iné tịtẹgha kasịị ghọ wẹrị kụmọ.

YỌTỌLỌMỌ WIKI Yọtọlọmọ wiki a koro bẹnịịbo, bracketbo emi ifiebo kị diwẹrị Saturday erein bẹnịị mịẹ. Bịsẹ wikibo Saturday ereintịbị bọọ emi “Ebiegberi Bị Akị Sei-egberi Dẹịnmọ” dịẹmọẹrẹegberi bị akị Friday pekei ka mịẹ mịnị.