ATHOKANYʼA Athokanyʼa manengetwe wĩa wa kũũtetheesya. Nũũkũlwʼa ũmethukĩĩsye ĩla meũkũelesya ĩũlũ wa kũkwata ivĩla, vala waĩle kwia ngalĩ, vala waĩle kũlikĩla kana kumaalĩla, na maũndũ angĩ.

ŨVATISO Ivĩla ila inyuvĩwe ala meũvatiswa ikeethĩwa mbee wa ngyukwaa, ĩndĩ veethĩwa moalyũku, mũkamanyĩthwʼa. Ala meũvatiswa nĩmeũkũlwʼa mekale ivĩlanĩ ila manyuvĩwe ũvoo wa ũvatiso ũtanambĩĩa Wathanthatũ kwakya. Kĩla ũmwe woo nĩwaĩle kũka na taũlo na ngũa syaĩle kwondũ wa ũvatiso.

MĨVOTHI Mbesa mbingĩ nitũmĩĩtwe, na mĩvango ĩkekwa nĩ kana vethĩwe na ivĩla itoetye, mĩtambo ya wasya, na maũndũ angĩ maingĩ nĩ kana tũtanĩe ũmbano na tũitetheewʼa kũmũthengeea Yeova mũnango. Mĩvothi yaku ya ngoo ya kwenda nĩtetheeasya kũĩvĩa ngalama isu na ĩitetheesya wĩa wa kũtavanyʼa nthĩ yonthe. Twĩ na masandũkũ maiĩtwe kĩla vandũ kwondũ wa ũla ũkwenda kumya mĩvothi. O na no umye mĩvothi kwĩsĩla kĩsese kya donate.pr418.com. Mĩvothi yenyu nĩ ya vata mũno. Nzama Ĩla Ĩtongoesye nĩkũmũtũngĩa mũvea nũndũ wa ũlau wenyu wa kũtetheesya wĩa wa Ũsumbĩ.

ŨIITI WA MBEE Lilikanai kana mũvĩa ũũ nĩ kwondũ wa kũtetheesya ala maũmĩa kana ala mekwenda ũtethyo wa mĩtũkĩ.

SYĨNDŨ ILA SYAĨTE Syĩndũ syonthe ila syaĩte syaĩle kũtwawa Mũvĩanĩ wa Syĩndũ Ila Syaĩte. Ethĩwa nĩwaasya kĩndũ, no ũsisye mũvĩanĩ ũũ. Syana ila syaĩte syaĩle kũtwawa mũvĩanĩ ũũ. Ĩndĩ, nĩ kana ana-a-asa ala me mũvĩanĩ ũsu maikathĩnĩke mũno, o vamwe na asyai ala maĩtye syana, nũũkũlwʼa ũsũvĩe syana syaku, na ũyĩkala vamwe nasyo.

IVĨLA Nũũkũlwʼa ũsũanĩe ala angĩ. Lilikana kana ethĩwa nũũkwata ivĩla, waĩle kũkwatĩa o andũ ma mũsyĩ, ala mũkũka ũmbanonĩ vamwe, ala wĩkalaa namo, kana ala wĩmanyĩasya Mbivilia namo. Ĩngĩ, nũũkũlwʼa ndũkaie syĩndũ ivĩlanĩ ila ũtakwatĩe andũ.

ŨTHŨKŨMI WA KWĨYUMYA Ethĩwa nũkwenda kũtetheesya wĩa ũmbanonĩ ũũ, nũũkũlwʼa ũvike Mũvĩanĩ wa Ũthũkũmi wa Kwĩyumya.