ÐƖJAƔYƐ Ðitendi-ŋ, ŋŋñɩnɩɣ ɖɩjaɣyɛ lɛ, maɣzɩ lalaa yɔɔ. Tɔzɩ se mba ña nɛ wɛ ɩsʋ lɔɔɖɩyɛ kʋɖʋmɖɩyɛ nɛ ɩkɔɔ kigbeɣluu, mba ña nɛ wɛ ɩwɛ ɖɩɣa kʋɖʋmaɣ taa, yaa mba ña nɛ wɛ iɖiɣni kpɛlɩkʋʋ Bibl yɔ, pe-ɖeke pɩwɛɛ se ŋñɩnɩ ɖɩjaɣyɛ. Ðitendi-ŋ, taasɩɩ ño-wondu ɖɩjaɣyɛ nɖɩ ɖɩtɩkɛ ña-ñɩnɖɛ yɔ ɖɩ-taa.

ƐYAA MƲƲ TƲMƖYƐ ÐƆKƖYAA Paɖʋ ɛyaa mʋʋ tʋmɩyɛ ɖɔkɩyaa se pasɩnɩ-ŋ. Ðitendiɣ-ŋ se ŋnɩɩnɩ-wɛ camɩyɛ nɛ ŋɖɔ tɔm ndʋ peheyiɣ-ŋ yɔ tɩ-yɔɔ; ɛzɩ ɖenɖe ŋsɩɩ ñɔ-lɔɔɖɩyɛ, ño-kpokpo yaa ñɛ-cɛɛcɛ yɔ; ɖenɖe pɩmʋnaa se ŋɖɔ yaa ŋtaaɖɔ yɔ, ɖɩjaɣyɛ ñɩnʋʋ lalaa nɛ hɔɔlɩŋ lɛɛŋ taa.

HAÐƐ Pɩpɔzɩ liidiye sakɩyɛ pʋcɔ nɛ papɩzɩ nɛ pɔñɔɔzɩ lone ɖɩnɛ nɛ ɖɩpɩsɩ ɖɩjaɣyɛ kɩbanɖɛ, menziiniwaa mba peyeki se ɖɩnɩɣ ɛyaa nɔsɩ camɩyɛ yɔ, video menziiniwaa, nɛ tʋma ndɩ ndɩ lɛɛna wena ayeki se kigbeɣluu kʋnɛ kɩla leleŋ camɩyɛ nɛ piyele nɛ ɖɩñɔtɩnɩ Yehowa nɛ pɩkɩlɩ yɔ.Sɔɔlɩm haɖɛ nɖɩ ŋlakɩ yɔ, ɖɩsɩɣna se papɩzɩ nɛ pɛhɛyɩ kɩmɩyɛ nɖɩ, nɛ pɩsɩnɩ ɖɔɖɔ ɛjaɖɛ kpeekpe yɔɔ tɔm susuu tʋmɩyɛ. Pʋyɔɔ pasɩ haɖɛ aɖakasɩ lona ndɩ ndɩ taa kigbeɣluu ɖɩlaɖɛ cɩnɛ se paa weyi ɛpɩzɩ nɛ ɛha mbʋ ɛsɔɔlaa yɔ. Ɛlɛ ye pɩsaŋ yɔ, ɖitendi-ŋ ŋpɩzɩɣ nɛ ŋtɩŋnɩ donate.pr418.com yɔɔ nɛ ŋla ña-haɖɛ. Haɖɛ nɖɩ ɖɩ-tɩŋa payɩ ɩlakɩ yɔ, ɖɩkɛdɩnɩ-ɖʋ. Nɔɔɖɛyaa Ɛgbɛyɛ sɛɣ-mɩ sɔɔlɩm haɖɛ nɖɩ ɩlakɩ nɛ ɩɖʋʋnɩ nesi Kewiyaɣ tʋma yɔ ɖɩ-yɔɔ.

KƆYƐ ÐƖLAÐƐ Ðitendi-ŋ, tɩlɩ se mba pɔtɔlɩ kʋdɔŋ tuda yɔ, pe-ɖeke tʋmɩyɛ ɖɩnɛ ɖɩsɩɣna.

LƖM MƖYƖSƲƲ Pakaɣ ñɔɔzʋʋ lone naɖɩyɛ ɛsɩndaa kpelisi yɔɔ se mba pakaɣ-wɛ lɩm mɩyɩsʋʋ yɔ pacaɣ peeɖe, ye peheyi-wɛ se pataacaɣ lone nɖɩ ɖɩ-taa yɔ kalɩpiyeke; pɩwɛɛ se pacaɣ peeɖe pʋcɔ nɛ papaɣzɩ lɩm mɩyɩsʋʋ tɔm yɔɔdʋʋ Mazaɣ tanaŋ tɛɛ. Pɩpɔzʋʋ se pa-taa paa anɩ ɛɖɔkɩ pɔbɔʋ nɛ wondu ndʋ tɩmʋnaa se ɛpɩzɩɣ nɛ esuu nɛ pamɩyɩsɩ-ɩ lɩm yɔ.

SƆƆLƖM TƲMƖYƐ Ye ŋsɔɔlaa se ŋha ña-tɩ faaa nɛ ŋɖʋ nesi kigbeɣluu tʋma naayɛ yɔ, wolo tʋmɩyɛ ɖɩnɛ ɖɩ-taa nɛ pawɩlɩ-ŋ ɖenɖe pañɩnɩɣ tʋmlaɖaa yɔ.

WONDU NDƲ TILEBA NƐ PEHIƔ-TƲ YƆ Wondu ndʋ tɩ-tɩŋa payɩ tileba nɛ pehiɣ-tʋ yɔ, pɩpɔzʋʋ se powoni-tʋ tʋmɩyɛ ɖɩnɛ ɖɩ-taa. Ye ño-wonuu nakʋyʋ eleba yɔ, wolo tʋmɩyɛ ɖɩnɛ ɖɩ-taa ɖɔɖɔ nɛ ŋpɔzɩ kɩ-yɔɔ. Pɩpɔzʋʋ se powoni piya nzɩ sileba yɔ tʋmɩyɛ ɖɩnɛ ɖɩ-taa ɖɔɖɔ. Ɛlɛ pɩfɛyɩ se ɖɩmaɣzɩ se tʋmɩyɛ nɖɩ ɖɩkɛ piya yɔɔ cɔnʋʋ tʋmɩyɛ. Ðitendiɣ-mɩ se ɩɖɔkɩ mi-piya camɩyɛ nɛ sɩcaɣ mɩ-cɔlɔ.