ANYITANI ŨGENI Wĩra wa anyitani ũgeni nĩ gũgũteithĩrĩria. Tũgũkũũria wĩtĩkĩre ũtongoria wao na njĩra ya gwĩka ũrĩa marakwĩra igũrũ rĩgiĩ harĩa ũkũiga ngaari yaku, harĩa ũkũingĩrĩra kana kuumĩra, kũigĩra arĩa angĩ itĩ, na maũndũ mangĩ.

KŨBATITHIO Itĩ cia arĩa mekũbatithio igaakorũo ingʼethanĩire na mwaria o tiga kũbangirũo ũndũ ũngĩ. Arĩa mekũbatithio magĩrĩirũo gũgaakorũo maikarĩte thĩ hau, mbere ya mĩario ya kũbatithio kwambĩrĩria mũthenya wa Njuuma rũcinĩ. O mũndũ agĩrĩirũo gũka na taurũ na nguo iria ciagĩrĩire cia kũbatithio nacio.

MĨHOTHI Nĩ kũhũthĩkĩte mbeca nyingĩ nĩguo gũkorũo na itĩ cia kũigana, macini cia mĩgambo, mĩtambo ya video, na maũndũ mangĩ maingĩ magũtũhotithia gũkenera kĩgomano gĩkĩ nĩguo tũkuhĩrĩrie Jehova makĩria. Mĩhothi yaku ya kwĩyendera nĩ ĩteithagĩrĩria kũrĩhĩra maũndũ macio na ningĩ ĩgateithĩrĩria wĩra wa kũhunjia wa thĩ yothe. Kũrĩ na mathandũkũ ma mĩhothi maigĩtwo kũndũ kũingĩ kĩgomano-inĩ gĩkĩ nĩ ũndũ wa mũndũ ũngĩenda kũhotha. O na kũrĩ ũguo, kũngĩhoteka tũrakũũria ũhothe kũgerera donate.pr418.com. Mĩhothi yothe nĩ ĩkwamũkĩrũo na ngatho nyingĩ. Kĩama Kĩrĩa Gĩtongoragia nĩ kĩramũcokeria ngatho nĩ ũndũ wa kũhotha mwĩyendeire nĩguo mũnyite mbaru maũndũ ma Ũthamaki.

ŨRIGITANI WA MBERE Ririkana atĩ ũrigitani wa mbere nĩ wa gũteithĩrĩria o arĩa tu mangĩnyitwo nĩ ũndũ ũterĩgĩrĩirũo.

INDO IRIA CIŨRĨTE NA IKONEKA Indo ciothe ciũrĩte na ikoneka ciagĩrĩirũo gũtwarũo rũhonge-inĩ rwa Indo Iria Ciũrĩte na Ikoneka. Angĩkorũo harĩ kĩndũ gĩaku kĩũrĩte, thiĩ ũrore kana nĩ gĩtwarĩtwo rũhonge-inĩ rũu. Ciana iria ciũrĩte na itiramenya kũrĩa aciari a cio marĩ, ciagĩrĩirũo gũtwarũo rũhonge-inĩ rũu. O na kũrĩ ũguo, nĩguo wĩ mũciari wĩtheme mathĩna macio, rora ciana ciaku, na ũikare nacio.

KŨIGA ITĨ Tũgũkũũria wĩcirie ũhoro wa andũ arĩa angĩ. Ririkana atĩ andũ arĩa mũrathiĩ nao ngaari ĩmwe, arĩa mũraikara nao, arĩa ũreruta nao Bibilia, kana andũ a famĩlĩ a hakuhĩ no o tu ũngĩigĩra itĩ. Ndũkaigĩrĩre indo itĩ-inĩ angĩkorũo ti kũigĩra ũraigĩra andũ angĩ itĩ icio.

KWĨRUTĨRA Angĩkorũo no wende gũteithĩrĩria wĩra-inĩ o wothe thĩinĩ wa kĩgomano, tũgũkũũria ũthiĩ harĩ Rũhonge rwa Ũhoro na Wĩra wa Kwĩrutĩra.