OVAYAKULI Ovayakuli ova tulwa po, opo ve tu kwafele. Longela kumwe navo, eshi tava wilike nghee ovanhu ve na okupaakinga, okuya mo nokupita mo monhele yoshoongalele, okuvaleka oipundi nosho yo eshi tava unganeke oinima ikwao.

ENINGINIFO Oipundi ye litulilwa yaava tava ka ninginifwa otai ka kala komesho elela molupale loshoongalele; ngeenge ope na elunduluko lonhumba shi na sha naasho, otali ka shiivifwa. Ava tava ka ninginifwa ove na okukala omutumba ponhele oyo va longekidilwa, ofimbo oshipopiwa sheninginifo inashi hovela Olomakaya ongula. Keshe umwe oku na okweetelela oshihaduku shaye noikutu oyo tai wapalele okuninginifwa nayo.

OMAYAMBIDIDO Osha pula oshimaliwa shihapu, opo ku longekidwe oipundi ya wana, omambako, omashina okuulika ouvidio noikwanoipangifo ihapu, oyo tai ningifa oshoongalele shi kale tashi shambula notashi tu kwafele tu ehene popepi elela naJehova. Omayambidido eni ehalo liwa otaa ka kwafela okufuta eefuto odo, notaa yambidida yo oilonga yomounyuni aushe. Didilika kutya molupale loshoongalele omwa tulwa oukefa vomayambidido va shangwa neendada da twa, omo to dulu okutula omayambidido oye. Oto dulu yo okuyandja omayambidido okupitila komalungula ko donate.pr418.com. Omayambidido eni aeshe otaa pandulwa unene, nOlutuwiliki otali mu pandula omolwomayambidido eni ehalo liwa, oo hamu yandje, opo mu xumife komesho oinima yOuhamba.

EKWAFO LOTETE Dimbuluka kutya ekwafo olo otali pewa ashike ovo va hakukilwa koudu, ile va mona oshiponga ombadilila.

ONHELE YOINIMA YA TOOLWA Oinima aishe oyo ya toolwa oi na okutwalwa koshikondo eshi. Ngeenge owa kanifa sha, inda koshikondo osho, ndele to popi osho wa kanifa. Ounona ovo va kana notava kongo ovakulunhu vavo ove na okutwalwa koshikondo eshi. Otamu indilwa mu pashukile ounona veni nokukala mu li navo efimbo alishe.

OIPUNDI Oto indilwa u yavelele vamwe. Dimbuluka, oipundi otai dulu ashike okuvalekelwa ovaneumbo leni, ile ovo wa enda pamwe navo mosheendifo shimwe, ile ovakonakonimbiibeli voye. Ino fiya oinima koipundi oyo i li pwoove, ngeenge ino i valeka.

OILONGA YEHALO LIWA Ngeenge owa hala okukwafela nehalo liwa moilonga oyo i na sha nelongekido loshoongalele, inda kOshikondo shOmauyelele nOilonga yEhalo Liwa, opo u ka ulikilwe oko kwa pumbwa ekwafo.