IKIORTIT Ikiortit najuuttunik ikiuisar­tuupput. Taamaattumik biilinik inissiinermut, tulleriiaartuni utaqqinermut, issiavis­sarsiornermut allanullu tunngatillugu ilitsersuus­sutaasa maleruar­nerisigut suleqatik­kuminar­tooqqullutit kajumis­saarneqarputit.

IKIUEQQAARNEQ Eqqaamajuk aatsaat ajortoqavitsillugu saaffigin­nittoqassammat.

IMERMUT MORSUTSITSINEQ Allatut innersuus­sisoqan­ngippat issiaviit saarliit morsutsin­neqartussanut innimin­nerneqassapput. Arfinin­ngornermi ullaap tungaani morsutsin­neqartussanut oqalugiaat sioqqullugu morsutsin­neqartussat taakkununnga issaaqquneqarput. Morsutsin­neqartussat namminneq naluutinik isornaatsunik allarummillu nassassapput.

ISSIAVISSAT Allat eqqarsaatigikkit. Ilaquttanut qaniginerpaasanut, inoqutigiinnut, Biibilimik ilinniar­titanut biileqatigisimasanullu taamaallaat innimin­niisoqarsinnaavoq. Issiaviit atornian­ngisatit pigisannik ilitsivigis­sanngilatit.

KAJUMIS­SUTSIMIK SULEQATAANEQ Ataatsimeersuarnermi suliassanut assigiin­ngitsunut peqataajumaguit kajumis­saarneqarputit saaffigin­neqqullutit.

KATATAT NASSAALLU Nassaat tamarmik immikkoortumut pineqartumut tunniuk­kiartor­neqassapput. Katataqarsimaguit saaffigin­nissinnaavutit. Meeqqat angajoq­qaaminnit qimagus­simallutik tammartajaartut aamma tassunngaan­neqassapput. Pisariaqan­ngitsumilli annilaangasoqarnissaa pinaveersaar­tinniarlugu qinnuigineqarpusi qitornasi nakkutigil­luaqqullugit.

TUNISSUTIT Ataatsimeersuarnermi atortut, højtalerit, videunik takutitsinermi atortut allarpassuillu ataatsimeersuarnermik nuanner­nerulersitsisartut Jehovamullu qanillinissamut iluaqutaasartut akisungaatsiarput. Illit kajumis­sutsinnik tunissutitit aningaasartuutit tamakkua akilerneqar­nissaannut matussutaassapput nunarsuarlu tamakkerlugu suliamut tapiissutaas­sallutik. Ataatsimeersuarnermi tunissutinut nakkaatitsiveqarpoq. Kajumis­saarusup­patsigilli ajornan­ngippat internetikkut donate.pr418.com-ikkut tunissuteqaq­qullutit. Tunissutit tamarmik pingaar­tinneqangaarput. Tunisiumatungaarlusi Guutip kunngeqarfia taperserlugu tunissuteqar­tarassi Siulersuisoqatigiit qutsavigaasi.