ព័ត៌មានសម្រាប់អ្នកចូលរួម
ឆ្មាំ ពួកឆ្មាំមានភារកិច្ចផ្ដល់ជំនួយដល់អ្នក។ សូមសហការយ៉ាងពេញលេញជាមួយពួកគាត់ស្ដីអំពីការចតយានជំនិះ ការចេញចូលសាល ការទុកកន្លែងអង្គុយ និងរឿងផ្សេងៗទៀត។
ការជ្រមុជទឹក កៅអីដែលបានកំណត់ទុកសម្រាប់អ្នកទទួលការជ្រមុជទឹកនឹងត្រូវរៀបចំនៅខាងមុខវេទិកា។ បើមានការរៀបចំផ្សេងពីនោះ នឹងមានការជូនដំណឹងជាមុន។ អ្នកដែលនឹងទទួលការជ្រមុជទឹក គួរតែមកអង្គុយនៅទីនោះ មុននឹងសុន្ទរកថាការជ្រមុជទឹកចាប់ផ្ដើម នៅពេលព្រឹកថ្ងៃសៅរ៍។ បុគ្គលម្នាក់ៗគួរយកកន្សែង និងខោអាវសមរម្យសម្រាប់ជ្រមុជទឹក។
វិភាគទាន មានការចំណាយជាច្រើនទៅលើការរៀបចំឲ្យមានកៅអី ប្រព័ន្ធសំឡេង ឧបករណ៍បញ្ចាំងវីដេអូ និងសេវាផ្សេងទៀតដើម្បីឲ្យការចូលរួមមហាសន្និបាតជាឱកាសដ៏សប្បាយរីករាយ និងជួយយើងឲ្យមានចំណងមិត្តភាពកាន់តែជិតស្និទ្ធជាមួយព្រះយេហូវ៉ា។ វិភាគទានដែលបងប្អូនជូនស្ម័គ្រពីចិត្ត ជួយបង្គ្រប់ចំណាយទាំងនេះ ថែមទាំងជួយគាំទ្រកិច្ចការទូទាំងពិភពលោកផងដែរ។ មានប្រអប់វិភាគទានដែលងាយសម្គាល់នៅកន្លែងផ្សេងៗក្នុងអគារនេះដែលនៅជិតបងប្អូន។ អ្នកក៏អាចផ្ដល់វិភាគទានតាមប្រព័ន្ធអ៊ីនធឺណិតដោយចូលគេហទំព័រdonate.pr418.com។ យើងពិតជាមានចិត្តដឹងគុណចំពោះវិភាគទានរបស់បងប្អូន។ គណៈអភិបាលក៏អរគុណបងប្អូនដែលបានបង្ហាញចិត្តទូលាយក្នុងការជួយគាំទ្រកិច្ចការដែលជាប់ទាក់ទងនឹងរាជាណាចក្រ។
ការសង្គ្រោះបន្ទាន់ សូមចាំថា នេះគឺសម្រាប់តែគ្រាអាសន្នប៉ុណ្ណោះ។
របស់រើសបាន និងកន្លែងទុកអីវ៉ាន់ របស់ទាំងអស់ដែលរើសបានគួរយកទៅផ្នែករបស់រើសបាន និងកន្លែងទុកអីវ៉ាន់។ បើអ្នកបានបាត់របស់អ្វីមួយ សូមទៅផ្នែកនេះដើម្បីរកអីវ៉ាន់របស់ខ្លួន។ សូមនាំកូនក្មេងដែលបានវង្វេងចេញពីឪពុកម្ដាយទៅផ្នែកនេះ។ ប៉ុន្តែ ដើម្បីជៀសវាងពីស្ថានភាពដ៏ពិបាកនេះ សូមមើលថែកូនៗរបស់អ្នក ហើយកូនៗត្រូវនៅជាមួយនឹងអ្នកជានិច្ច។
កន្លែងអង្គុយ សូមចេះគិតដល់អ្នកដទៃ។ សូមចាំថា អ្នកអាចទុកកៅអីសម្រាប់តែសមាជិកក្រុមគ្រួសារឬសាច់ញាតិជិតស្និទ្ធរបស់អ្នក ឬអ្នកដែលជិះយានជំនិះជាមួយនឹងអ្នក អ្នកដែលរស់នៅផ្ទះជាមួយនឹងអ្នក ឬសិស្សគម្ពីររបស់អ្នក។ សូមកុំដាក់អីវ៉ាន់លើកៅអីដែលសល់នៅជុំវិញអ្នក បើគ្មានអ្នកណាអង្គុយទេ។
កិច្ចបម្រើស្ម័គ្រចិត្ត បើអ្នកស្ម័គ្រចិត្តជួយធ្វើកិច្ចការដែលទាក់ទងនឹងការរៀបចំមហាសន្និបាត សូមទៅកាន់ផ្នែកព័ត៌មាននិងកិច្ចបម្រើស្ម័គ្រចិត្ត។
រៀបចំដោយគណៈអភិបាលនៃសាក្សីព្រះយេហូវ៉ា
© 2024 Watch Tower Bible and Tract Society of Pennsylvania
លោកអ្នកក៏ប្រហែលជាចូលចិត្តដែរ
អំពីយើង
សូមចូលរួមមហាសន្និបាតឆ្នាំ២០២៤ដែលមានប្រធានថា‹ចូរប្រកាសដំណឹងល្អ!›
យើងសូមអញ្ជើញលោកអ្នកយ៉ាងកក់ក្ដៅឲ្យចូលរួមមហាសន្និបាតបីថ្ងៃរបស់សាក្សីព្រះយេហូវ៉ា។
មហាសន្និបាត
យើងសូមអញ្ជើញលោកអ្នកចូលរួមមហាសន្និបាតរបស់សាក្សីព្រះយេហូវ៉ាឆ្នាំ២០២៤ ដែលមានប្រធានថា‹ចូរប្រកាសដំណឹងល្អ!›
យើងសូមអញ្ជើញលោកអ្នកយ៉ាងកក់ក្ដៅឲ្យចូលរួមមហាសន្និបាតបីថ្ងៃដែលរៀបចំដោយសាក្សីព្រះយេហូវ៉ា។
មហាសន្និបាត
ឈុតឆាកខ្លីៗក្នុងភាពយន្តពីគម្ពីរ៖ ពន្លឺដ៏ពិតនៃពិភពលោកនេះ
សូមទស្សនាឈុតឆាកខ្លីៗក្នុងភាពយន្ត ដំណឹងល្អរៀបរាប់ដោយលោកយេស៊ូ ភាគទី១។ ភាគនេះនឹងត្រូវចាក់បញ្ចាំងក្នុងមហាសន្និបាតឆ្នាំ២០២៤។
