ပှၤလၢအတူၢ်လိာ် ပှၤတမှံၤ ပှၤလၢအတူၢ်လိာ် ပှၤတမှံၤတဖၣ်န့ၣ် အိၣ်ဒီးမူဒါလၢ ကမၤစၢၤနၤအဂီၢ်. ဝံသးစူၤ ဒိကနၣ်အဝဲသ့ၣ် အတၢ်ဟံးစုနဲၣ်ကျဲ ဘၣ်ဃးဒီး တၢ်ပာ်ကတီၢ်ကါအလီၢ်, တၢ်လဲၤထီၣ်က့ၤလီၤလၢ ဘျီၣ်ဒိၣ်အပူၤ, တၢ်ဟံးန့ၢ်ပာ်စၢၤတၢ်လီၢ် ဒီးတၢ်ဂ့ၢ်အဂၤတဖၣ်.

တၢ်ဒိးဘျၢထံ လီၢ်ဆ့ၣ်နီၤလၢ ပှၤဒိးဘျၢထံအဂီၢ်န့ၣ် အအိၣ်လၢ တၢ်မဲာ်ညါကတၢၢ်. ဖဲမုၢ်ဃုနံၤဂီၤခီ တချုးလၢ တၢ်ဒိးဘျၢထံ တၢ်စံၣ်တဲၤတဲလီၤတၢ် စးထီၣ်ဒံးဘၣ်န့ၣ် ပှၤလၢကဒိးဘျၢထံတဖၣ် ကဘၣ် ဆ့ၣ်နီၤပာ်စၢၤလၢ တၢ်လီၢ်လၢ ပှၤပာ်ပနီၣ်န့ၢ်အီၤ. ပှၤလၢကဒိးဘျၢထံတဖၣ် ကဘၣ်ဟဲစိာ်ခိၣ်ဖၢၣ် ဒီးကူတၢ်ကၤတၢ်လၢ အကြၢးဝဲဘၣ်ဝဲ.

တၢ်မၤဘူၣ်တဖၣ် တၢ်အိၣ်ဖှိၣ်ဖးဒိၣ်အံၤ မၤစၢၤပှၤဒ်သိး ပတၢ်ရ့လိာ်သးဒီး ယဟိဝၤယွၤ ကဂ့ၤဒိၣ်ထီၣ်. အဃိ ဖဲပထီၣ် တၢ်အိၣ်ဖှိၣ်ဖးဒိၣ်အံၤအခါ ဒ်သိး ပကအိၣ်ဒီး တၢ်သးခုအဂီၢ် ပှၤကတဲာ်ကတီၤန့ၢ်ပှၤ တၢ်ကလုၢ် ဒီးတၢ်ဂီၤမူ အတၢ်ရဲၣ်တၢ်ကျဲၤ ဒီးဒ်သိး ပကငါတၢ်လီၢ် လၢအကြၢးအဘၣ်အဂီၢ် တၢ်လၢာ်ဘူၣ်လၢာ်စ့ၤ လၢာ်ဝဲစ့ၢ်ကီး. အဃိ တၢ်မၤဘူၣ်လၢ နထၢနုာ်အီၤန့ၣ် ပသူက့ၤအီၤလၢ တၢ်လၢာ်ဘူၣ်လၢာ်စ့ၤအံၤအဂီၢ် ဒီးလၢတၢ်မၤစၢၤလၢ ဟီၣ်ခိၣ်ဒီဘ့ၣ်တၢ်မၤအဂီၢ်. တၢ်မၤဘူၣ်တလါတဖၣ်န့ၣ် ပှၤပာ်လီၤအီၤလၢ တၢ်လီၢ်ကိးပူၤဒဲး လၢဘျီၣ်ဒိၣ်ပူၤ. နကဟ့ၣ်တၢ်မၤဘူၣ်အဂီၢ် နနုာ်လီၤလၢ donate.pr418.com သ့စ့ၢ်ကီး. ပစံးဘျုးနၤဒိၣ်မးလၢ နဟ့ၣ်တၢ်မၤဘူၣ်အဃိ. ဒီးခီဖျိလၢ နသးအိၣ်ဟ့ၣ်တၢ်မၤဘူၣ် လၢကဆီၣ်ထွဲ ဘီမုၢ်တၢ်မၤ အဂီၢ်အဃိ ပှၤပၢဆှၢတၢ်ကမံးတံာ် စံးဘျုးနၤဒိၣ်မး.

တၢ်ကူစါယါဘျါဆိဝဲၤကျိၤ ဝံသးစူၤ သ့ၣ်နီၣ်ထီၣ်လၢ ဝဲၤကျိၤအံၤ မ့ၢ်ထဲဒၣ် တၢ်ကဲထီၣ်သးသတူၢ်ကလာ် အဂီၢ်.

တၢ်ဟါမၢ် ဒီးတၢ်ထံၣ်က့ၤဝဲၤကျိၤ တၢ်လၢ သုထံၣ်န့ၢ်အီၤတဖၣ်န့ၣ် လဲၤဆှၢလၢ တၢ်ဟါမၢ် ဒီးတၢ်ထံၣ်က့ၤဝဲၤကျိၤ. သုတၢ်ဖိတၢ်လံၤ မ့ၢ်ဟါမၢ်တမံၤမံၤန့ၣ် လဲၤလၢဝဲၤကျိၤအံၤ ဒီးတဲဘၣ် ပှၤမၤစၢၤတၢ်ဖဲန့ၣ်လၢ သုတၢ်ဖိတၢ်လံၤဟါမၢ်. ဒီးဖိသၣ်လၢ အဃုအမိအပါ တဘၣ်ဘၣ် ဒီးလဲၤတဘၣ်က့ၤတဘၣ်ဘၣ်န့ၣ် ပကဘၣ် လဲၤဆှၢအဝဲသ့ၣ် လၢဝဲၤကျိၤအံၤ. ဘၣ်ဆၣ် ဝဲၤကျိၤအံၤ ပတဘၣ်ပာ်အီၤဒ် တၢ်ကွၢ်ထွဲဖိသၣ် ဝဲၤကျိၤဘၣ်. ဝံသးစူၤ ပာ်သုဖိလၢသုကပၤ ဒီးကွၢ်ထွဲအီၤထီဘိ.

တၢ်လီၢ်တၢ်ကျဲ ဝံသးစူၤ ဆိမိၣ်န့ၢ်တၢ်လၢ ပှၤဂၤအဂီၢ်. သ့ၣ်နီၣ်ထီၣ်လၢ နဟံးန့ၢ်ပာ်စၢၤတၢ်လီၢ် သ့ထဲဒၣ် ပှၤလၢအဒိးကါ တခိၣ်ဃီဒီးနၤ, အိၣ်ဟံၣ် တဖျၢၣ်ဃီဒီးနၤ မ့တမ့ၢ် နပှၤမၤလိလံာ်စီဆှံဖိအဂီၢ်. ဒီးလီၢ်ဆ့ၣ်နီၤလီၤဟိ လၢနကပၤန့ၣ် ဝံသးစူၤ တဘၣ်ပာ်လီၤ တၢ်ဖိတၢ်လံၤ လၢအဖီခိၣ်တဂ့ၤ. နမ့ၢ်တမၤဒ်န့ၣ်ဘၣ်န့ၣ် ပှၤဂၤကသ့ၣ်ညါဝဲလၢ အဝဲသ့ၣ် ဆ့ၣ်နီၤဝဲသ့.

မုာ်သးမၤကလီဝဲၤကျိၤ နမ့ၢ်အဲၣ်ဒိး မၤစၢၤတၢ် လၢတၢ်အိၣ်ဖှိၣ်ဖးဒိၣ်န့ၣ် ဝံသးစူၤ လဲၤလၢ မုာ်သးမၤကလီဝဲၤကျိၤ.