Haꞈ yuˬ piˇ ve chaw Yawˇ hui nawˬ htaꞈ ga laˇ gʼa ve. Kaˇ jehˇ htaˇ, chaw laiˉ gʼaˇ teˇ geh juˇ htaˇ, mui kuiˬ veh teh taˍ htaˇ, yawˇ hui beˆ maˍ piˇ ve htaꞈ a ciˉ na yuˬ sheˍ.

Baˆtiˆsaˬ Baˆtiˆsaˬ haꞈ yuˬ ve chaw hpawnˬ daꞈ kuiˬ awˬ gʼuˇ suhˍ lo mui kuiˬ cawˬ ve yoˬ. Shinˉ peuˬ hkawꞈ nyi mvuhˇ shawˉ hpawˇ Baˆtiˆsaˬ haꞈ yuˬ tuˬ bon maˍ hkawˇ maˇ tanˬ sheˍ htaˇ, yawˇ hui oˇ kaˬ lo gʼa mui cawˇ ve yoˬ. Baˆtiˆsaˬ haꞈ yuˬ tuˬ ve chaw teˇ gʼaˇ le le uˉ nyiˉ leh aˉ poꞈ veuꞈ kʼaˇ keunˍ daꞈ ve yuˬ laˬ cawˇ ve yoˬ.

Hpu tanˇ tanˇ ve Teˇ gʼaˇ le le ve mui kuiˬ, awˬ hkawˇ awˬ han tawˆ kuiˬ awˬ hkʼeun teˇ hpaˍ, leh hpawnˬ daꞈ ve chi ngaˬ hui ha lehˬ gʼa tuˬ leh Yaˬhoˉvaˬ geh meuˆ daꞈ gʼa tuˬ awˬ nu ve kanˉ awˬ pon hpu gʼa yehˇ maˇ jaˇ. Chi teˇ hpaˍ awˬ pon hpu piˇ tuˬ, leh miˬ guiˬ hkʼa peu˗eˬ hkʼoˆ ve kanˉ ga piˇ tuˬ, nawˬ hpu tanˇ tanˇ taˍ ve ga laˇ gʼa ve yoˬ. Hpu tanˇ tanˇ kuiˬ ta kʼoˍ liꞈ bvuhꞈ taˍ ve hpawnˬ daꞈ kuiˬ hkʼaw laiˉ kaˬ teh taˍ ve yoˬ. Awn˗laiˉ hpawˇ hpu tanˇ tuˬ, vehˆsaiˉ donate.pr418.com hkʼaw loꞈ˗e sheˍ. Hpu tanˇ tanˇ taˍ ve hkʼa peu˗eˬ htaꞈ awˬ bon uiˍ jaˇ. Nawˬ Gʼuiˬ sha ve kanˉ ga piˇ ve, Uˉ peunˍ ve Kawˍmiˍtiˍ awˬ bon uiˍ jaˇ tehꞈ, kʼoˆ laˇ gaˇ ve.

Naˬ ve hpawˇ nyi haꞈ shaˉ ve Laꞈ haˉ hpehꞈ la htaˇ ceh tiˉ caˉ daꞈ ve tehꞈ, tawnˇ taˍ cawˇ ve yoˬ.

Mawˇ mehˉ ve Mawˇ gʼawˆ gʼa ve kʼo, mawˇ mehˉ ve hpawˇ nyi haꞈ shaˉ ve htaꞈ ca yuˬ piˇ sheˍ. Nawˬ mawˇ mehˉ ve kʼo, choˬ kaˬ lo ca nyi la sheˍ. Yaˇ awˬ pa awˬ e htaꞈ ca maˇ mawˬ ve kʼo, choˬ kaˬ lo shiˍ laˬ cawˇ ve yoˬ. Yaꞈ hkʼaˇ, yaˇ ehˉ nyi haꞈ shaˉ kuiˬ maˇ heˆ. A shu yawˇ yaˇ htaꞈ nyi haꞈ shaˉ leh teˇ geh chehˇ cawˇ ve yoˬ.

Mui kuiˬ Shu awˬ pon kaꞈ dawˇ nyiˍ sheˍ. A shu yawˇ yehˬ kʼa, teˇ geh laˬ ve chaw, chi teˇ hkui nawˬ Liꞈ hpu maˍ piˇ chehˇ ve chaw awˬ pon ceh tiˉ mui kuiˬ veh teh taˍ cawˇ ve yoˬ. Nawˬ maˇ veh taˍ ve mui kuiˬ hkʼoˆ mawˇ taˇ teh taˍ.

Kanˉ gʼa ga te piˇ ve Nawˬ ga piˇ gaˇ ve kʼo, kanˉ gʼa ga te ve hpawˇ nyi haꞈ shaˉ ve geh kʼai sheˍ.