MIA-MƐ-GBU-MIA Mia-mɛ-gbu-miaa o yi kɛ o gbu i mɔ. Ɓa kpe lɛ sɛ, i to wɔ̃ lɛ o gee i lɛɛ pie e gbɛ̃ã taapɛ dɔpia, tàa mia ku fĩã, yala tò mia lɛɛ, ɛ̃ɛ̃ wɔ̃ ye e toa mɔ.

BATAI KƐƐ Yalapia lɛ ɓe mia lɛ o lo o batai kɛɛ wɛĩ wɔ̃geepiaa wɛlɛmɔ o lɛɛ kɛ leĩ o gee. Mia lɛ o lo o batai kɛɛ, laa mɔ o kɛ yaá yi kɛ mia batai kɛɛ mɔɔ Baabo yiwɔ̃ geeea e tĩã gbɛ̃ɛ̃ Salade laapie ka. Mi seĩ e nu e la-solo-pɛ [taɓa] wa la zulu-sɔ kpeĩ ka.

GBAAPƐ Wɔ̃ bunuzɛ yàa lɛ e kie le kɛ yalapie, weepɛ, vilo zɔ̃ɔ̃pɛ ni o kɛ ɓe, ɛ̃ɛ̃ e daá wɔ̃ ye e toa ba, kɛ e mia nù kɔ̃vɛ̃ĩsɔ̃ɔ mɔ kɛ nyɔnɔ-nyɔnɔzɛ ɛ̃ɛ̃ kɛ e gbu ko mɔ ko nu Zihova ka kɔɛ. Pɛ i loa ɓoo i kɔle kɛ ɓa nɔɔ, lɛɛ lo gbumɔ nɔɔ pɛlee lɛ wa go pɔɔ nia wɛĩ ɛ̃ɛ̃ lɛɛ lo kɛɛ gbumɔ ka kpoula lɛ̀ seĩ mɔɔ yɛɓoa wɛĩ nɔ kili. Kɛ wɔ̃ e kea e kɛ i mɔ lɔ́ɔ-lɔ̀ɔɔ, gbɔlɔ lɛɛ lo kɛɛ yaá lɛ̀ɛ mɔ pie nɔ-lɛɛ-pɛ daa-yi-gbɔlɔ ka. E kɛ bɛ̃ɛ̃ kilia, bɛi e kɛa i mɔɔ, ɓa kpe, i a kɛ mia kɔdapia lɛ e fããlaa mɔ donate.pr418.com. Pɛ nɔɔfe lɛ i loa nɔɔ kɔda kaa, ko kɔyaa lɛ a wi kpokpo ɓo. Mia Diedievɔ Kpo Ɓeĩa oo naa o i zuo ɓo ɓa gbumɔ lɛ ɓa nɔ zo-wɛlɛ-wɛlɛ-la ka Taomiala yɛɓo wɛĩa mɔɔ wɔ̃ mɔ.

GBU-YÁAMIA-MƆ-MIA A yidɔ kelɛ o yi mia lɛ yáa è o kũ nɔ zalea wɛĩ.

PƆƆ GINIIAZƐ GƐ̃PIA I lo pɔɔ nɔɔfe lɛ e to daáa ka pɔɔ giniiazɛ gɛ̃pia. E kɛa ɓa pɛ nɔɔfe e ginia, i lo lɛ e kea mɔ ɛ̃ɛ̃ i pɛ e ɓa pɛ kaa zɔ̃ɔ̃. Nɔɔɓe lɛ waa kɔ̃ o mia ni ka ɛ̃ɛ̃ lɛ waa ginia, laa mɔ o lo o ka lɛ̀ e kea mɔ. E kɛ bɛ̃ɛ̃ kilia, kɛ wɔ̃ nia yekɛ e kɛɛ, ɓa kpe i i zokɛ ɓa nɔɔɓe pie ɛ̃ɛ̃ o kɛ i ka kɔɛ.

YALAPIA Ɓa kpe, mia ye o toa o mɔɔ wɔ̃ kpaa e kɛ i mɔ. A yidɔ kelɛ, laa mɔ nɔ i yala si i kɔpiemia wa mia lɛ ka ye ni ka nu taapɛ doo yi ɛ̃ɛ̃ lɛ ka ká doo wi, ɛ̃ɛ̃ zeĩ mia lɛ i Baabo zɔ̃ɔ̃pia o lɛɛ, lɛɛ. Ɓa kpe, yekɛ i pɔɔ ya yalapia lɛ ií gbaa si mia lɛɛ la.

DIENƆ YƐƁO E kɛa ɓaa naa i gbumɔ nɔ yɛɓoa do ka kɔ̃vɛ̃ĩsɔ̃ɔ mɔɔ, ɓa kpe, i lo mia lɛ o Wɔ̃laũ wa Dienɔ Yɛɓo Wũlaa pie.