АНХНЫ ТУСЛАМЖ Зөвхөн яаралтай тусламж үзүүлдэг болохыг анхаарна уу.

БАПТИСМ Танхимын урд эгнээг баптисм хүртэх хүмүүст зориулсан. Өөр газар суудал гаргахаар бол урьдчилан мэдэгдэнэ. Баптисм хүртэх хүмүүс бямба гаргийн өглөө баптисмын илтгэлийг тавихаас өмнө, заасан суудалд суусан байх ёстой. Хүн бүр алчуур болон Бурхны үйлчлэгч хүнд зохистой усны хувцас авчирсан байх шаардлагатай.

ЗОХИЦУУЛАГЧИД Зохицуулагчид танд туслах үүрэгтэй. Машин тавих, эмх замбараатай байх, бусдад суудал авах тухай зааврыг нь дагаж мөрдөөрэй.

ОЛСОН, ГЭЭСЭН ЭД ЗҮЙЛС Эзэнгүй эд зүйлсийг энэ тасагт хүлээн авна. Эд зүйлээ гээсэн бол энэ тасгаас сураглаарай. Эцэг эхээсээ төөрсөн эсвэл ганцаараа яваа хүүхдийг бас энд авчирна уу. Ийм асуудал гаргахгүйн тулд эцэг эхчүүд хүүхдээ хараа хяналтгүй орхихгүй байхыг анхаараарай.

САЙН ДУРЫН АЖИЛ Чуулганаар сайн дурын ажилд оролцох хүсэлтэй бол уг ажлыг хариуцсан тасагт хандаарай.

СУУДАЛ Бусдыг бодолцож үзнэ үү. Нэг унаагаар ирсэн эсвэл нэг гэрт амьдардаг хүн, гэр бүл юм уу суралцагчдаа л суудал авч болно. Хүнд суудал аваагүй бол суудал дээр юм тавихгүй байхыг хүсье.

ХАНДИВ Чуулганаа таатай болгож, хүрэлцэн ирэгсдийг Еховатай дотносоход туслах үүднээс хангалттай суудал, дүрс бичлэг болон дуу чимээний төхөөрөмж гэх мэт зүйлд багагүй зардал гардаг. Таны өргөсөн сайн дурын хандиваар энэхүү зардлыг нөхөхөөс гадна манай байгууллагын дэлхий дахинд явуулж буй үйл хэргийг дэмждэг. Танхимд хандивын олон хайрцаг тавьсан. Хандив өргөх бүх хүнд талархъя. Хаант төрийн үйл хэргийг дэмжин өгөөмөр сэтгэл гаргадаг та бүхэнд Удирдах Зөвлөл ч мөн чин сэтгэлээсээ талархдаг.