VAKUA KU TAMBULA Vakua ku tambula va ka mi kuasa. Sukulukambu vononokenu mu ku kava viose vi va mi leka ku tuala ha kua ku tutika makalu, kua ku kovelela na ku tuhuka, kua ku tumama na vikuavo.

MBATIZIMU Vituamo via vaze va va ka mbatiza ku ciuano ca muhato, via pande ku kala ku lutue lua mutula, noho nga kuli cimo ku aluluka. Vakua kuya ku mbatizimu va pande ku tumama ha cihela cavo ntsimbu kanda cimpande ci putuke lia Sapalalo cimene. Muntu ku muntu na pande ku neha tualia yeni na vuzalo vua mbatizimu vu muesa kasingimiko.

MILAMBU Ha ku vuahesa ciuano ca muhato, he ku ya milambu ya ingi, linga va viukise ha ku tumama, via cikumo, vikuata via vivideo na vikuavo via vingi linga ciuano cende vuino na ku tu kuasa ku suena mu hiehi na Yehova. Milambu yenu ye ku kuasa ku fuetela evi viose na ku kuasa ku cipanga ca mu mavu ose. Hano ha cihela hali vikasa via ku haka milambu vi mu hasa ku pangesa. Mu hasa naua ku hana milambu yenu ku hitila mu saiti ha mutamba donate.pr418.com. Milambu yenu ye ku kuasa cikuma. Vakua Civunga ca Vantuamena va santsela cikuma ku milambu yenu ye ku kuatesa vipanga via Vuangana.

VAKUA KU OHIELA Sukulukambu vulukenu ngecize vutumbe vua seketa yaco, vua pua ku kuasa lika vaze vali mu visoti via ku tungumuna.

VIA ZIMBALA NEVI VIA SOLOKA Nga mua uana vimo ka mu tantekeya ivenevio, sukulukambu vi tualenu ku Seketa ya Tala via ku Zimbala Nevi via Soloka. Nga mua zimbalesa vimo, yenu ku seketa yaco mu ka mone vienu via zimbala. Vanike va na zimbala, va pande ku va tuala ku seketa yaco. Ngeci tua mi vundila nguetu, niungenu vuino vana venu kati mu vecele vendangane ngoco.

KUA KU TUMAMA Kati mu suve ku muesa kasingimiko ku vakuenu. Vulukenu ngecize, mua pande lika ku kuatela vakua ndzivo yenu vihela ni vaze va mu nende navo mu likalu limo, ni vakua ku lilongesa nenu Mbimbiliya. Sukulukambu kati mu tulike vikuata vienu ha cihela ka mu tumama.

VAKUA KU LIHANA Nga mu tonda ku lihana mu ku kuasa ku vipanga via ciuano ca muhato, sukulukambu, ye mu ka lisolole ku vakua Seketa ya Vakua ku Lihana.