TAYEKTALIANIJ. Nejin tokniuan kinixtaliaj maj techpaleuikan. Xikonchiua tein mitsoniluiskej seki taman kemej kani tikonkauas mocarro, kanikauin tikalakiskej oso tikisaskej, keniuj tikxeloskej kampa timotaliskej uan okseki tamanok.

AKIN MOAUISKEJ. Iixpan plataforma kintaxelouiliskej kampa motaliskej akin moauiskej. Motanauatis komo okseko motaliskej. Sábado kualkan monekis motaliskej ompa taixpan achto ke peuas tanojnots tein kinmakaj yejuan. Sejse moneki kiuikas tasal tein kinamikis uan se toalla.

KENIUJ SE TAPALEUIS IKA TOMIN. Moneki moixtauas sekin taman kemej kampa se motalis, teposmej tein ika tikakiskej ueyi nechikol uan tikitaskej videos, uan okseki taman tein moneki para kuali tikakiskej tamachtilis tein techpaleuia maj okachi timotokikan iuan Jehová. Nochi nejon moixtaua ika tomin tein tikontemaka uan no ika mochiua itekiyo Dios noyampa taltikpak. Kampa mochiua ueyi nechikol moajsij cajas kampa uelis se kitalis tomin. No uelis tikontemakas itech donate.pr418.com. Semi tiktasojkamatij xiontapaleui ika tomin. Oloch Taojtokaltianij kinekij mitsontasojkamatiliskej nejon nepaleuil para mochiuas itekiyo Dios.

KAMPA KIITAJ SE IJSIUJKAYOT. Xikonelnamiki ke nikan tapaleuiaj sayoj keman mochiua se ijsiujkayot.

KAMPA KIKAUAJ TEIN POLIUI. Komo tikonajsi teisa, xikonkauati kampa kikauaj tein poliui. Komo tikonpoloj teisa, no ompa xikontemoti. Konemej akin mopolouanij no ompa moneki tikonuikas. Kemej amo tiknekij maj nion akin motekipachojto, xikonyekpia mokoneuan uan xikonita maj nochipa mouan moajsikan.

KAMPA SE MOTALIS. Maj inintech titanemilikan oksekin. Xikonelnamiki ke uelis tikonxelouilis kampa motaliskej sayoj mochankauan, akin yaskej mouan itech tepos, akin nemiskej mochan oso akin tikonmachtia ika Biblia. Amo xikontali teisa kampa se motalia komo amo tikonkuis.

TAPALEUIANIJ. Komo tikonneki tiontapaleuis ika tein monekis kampa mochiua ueyi nechikol, xionyoui Kampa Tematiltiaj seki taman uan kampa Moijkuilouaj Tapaleuianij.