Sooleeliherya wa Alipa a Muthukumano
ATHOONYERYI Aakhalavo athoonyeryi wi yookhaviheryeeni. Ninnoovekaani wi munawiiwelela phaama, mucharihaka ohoolela waya vooloca sa nipuro na soowela, wookiraathivo ni miyaha mikina.
OPATISO Mipaco wa yaale anaya opatisiwa sinahaala okuhiwa ohoolo yaahikhalavo yooleeliherya ekina. Ale anaya opatisiwa anaphwanela okiraathi mmipaco seiha ohaakumve mwaha wa opatiso, Nawoorowa wooxixelo. Muchu ti muchu onaphwanela oruuha etuwalya awe ni yoowara yoophwanelela.
SOOVELEELA Soophariheliwa ikhorowa sincipale wi sikhalevo mipaco, ikhankoonya sa sooruma ni sa wooniha ixilema, vamoha ni ichu ikina sinakhaviherya wi muthukumano ola okhale wa mphurelo, nave wi onikhaviherye omwaacamela Yehova. Sooveleela sanyu soochuna sinnakhaviherya omaliha soothowa seiha ni okhaviherya muteko wa elapo yoothene. Va nipuro nenla sookhalavo ikaaxa sa sooveleela. Nyuwaano tho munanwerya opaka sooveleela moorweela wa ovolowa mu esaiti donate.pr418.com. Sooveleela sanyu sinnathamaleliwa vancipale. Chiryene, Nikhuuru Noolamulela ninnathamalela mahala anyu a okhaviherya soothowa sa Omwene.
NIKHAVIHERYO NOOPACERYA Suwelani wi Etepartamentu ela enakhaviherya pahiru soophacuwa soohiwehereryeya.
SOORIMEELA NI SOOCOCIWA Ichu soothene inacociwa inaphwanela okerihiwa o Etepartamentu ya Soorimeela ni Soocociwa. Wakhala wi ehoorimeelani echu muye onipuro nenla wi mwaavye echu anyu. Anamwane arimeeliwe asitiithi aya anaphwanela okerihiwa o nipuro nenla. Muhuupuwele wi nla nipuro na waakhapelelawo anamwane. Mwawiihiiha,wi nsepe mukhalelo vyakala woonyenyeiha wa oothene yaale enahaala ovoloweliwa, khwoo ninnoovekaani wi muhaahiyeke anamwane anyu ocai, nave ekhaleke vakhiviru ni nyuwaano.
MIPACO Ninnoovekaani wi mwaathokororyeke akina. Mwaavye nipuro pahiru wa yaale muruulaanyuno vamoha, munakhalaanyuno vamoha, naari ale munaahusihaanyu Piipiliya. Khwoo ninnoovekaani wi muhiheleke ichu va mpaco muhinahaalaanyu okiraathivo.
MUTEKO WAWIIVELEELA Wakhala wi munnachuna okhaviherya miteko ineereya va muthukumano yoola, khwoo ninnoovekaani wi mwaloce o Etepartamentu enavareryela Muteko Wawiiveleela.
Orehereryiwe ni Nikhuuru Noolamulela na Anamoona a Yehova
© 2024 Watch Tower Bible and Tract Society of Pennsylvania
Akhweya Tho Mwaahaala Osiveliwa
HIYAANO NAANI
Ophwanyeya va Muthukumano wa muceche wa 2024—‘Mulaleerye Michaka Saphaama!’
Ninnoowopaani ntakhara muthukumano wa muceche wa mahiku mararu wa eyaakha yeela, yoowo onii weeriweno ni Anamoona a Yehova.
MITHUKUMANO SA MICECHE
Nyuwaano Munnawompwa Ntakhara Muthukumano wa Muceche wa Anamoona a Yehova wa 2024, oni: ‘Mulaleerye Michaka Saphaama!’
Moohakalala, ninnoowopaani ntakhara muthukumano wa muceche wa mahiku mararu wa eyaakha yeela, yoowo onahaala operekhiwa ni Anamoona a Yehova.
MITHUKUMANO SA MICECHE
Etrama ya Mpiipiliya: Michaka Saphaama Mwawiiwanana ni Yesu: Exilema Yoopacerya—Eparipari ti Omwaleela wa Mweelaponi
Moone makupa ekwatiwe a Exilema yoopacerya ya Michaka Saphaama Mwawiiwanana ni Yesu. Exilema yeela, enahaala wooniwa va muthukumano wa muceche wa 2024.
