ABAKAKOKAYA Abakakokaya bawite omubiiri w’erikuwatikya. Tukakusaba erihambana nabo buke bwa kuboko omw’ikwama obusondoli bwabo obulebirye eparkingi, erisondola abandu, ah’erikala, n’eyindi myatsi.

ABAKAYIHERERA Wamanza eriwatikya oko mibiiri y’oko muhindano munene ono, tukakusaba kisi ubwire abaghala betu abakahanganira e departema y’Omubiiri w’Abakayiherera.

EBIHEMBO Mutukakolesaya esyofranga nyingyi tutoke eribana emyanya eyuwene ey’eriikalamo, ebindu by’emirenge n’eby’esyovideo ebyuwene, n’erikola eyindi myatsi mingyi tutoke eritsemera emihindano n’eriyitunda hakuhi na Yehova. Ebihembo ebyo ukateka bikawatikaya erisubyaho esyofranga esiryakolesibawa kandi byanganawatikya n’oko mubiiri w’omo kihugho kyosi. Eryolobya omwatsi, ebibweta by’eritogheryamo ebihembo byabirihirwa omo myanya mbiriri-mbiriri. Kandi wanganateka ebihembo erilabira esite yetu ye enternete oko donate.pr418.com. Tukasima kutsibu busana n’ebihembo byosi ebyo mukateka. Ekyaghanda Ekikasondola kikabasima busana n’omutima wenyu w’erihitya ow’eriwatikya emyatsi y’oBwami.

EBIRYABUGHULAWA Ebindu byosi ebikabughulawa bitolere eritwalwa oko Departema y’Ebindu Ebiryabughulawa. Wamabya iwabiriherya ekindu, ughende oko departema eyo erirondya ekindu kyaghu. Abana ababirihera oko babuti babo, batolere ibatwalwa oko departema eyo. Aliwe, e departema eyo siyitolere erilangirwa nga w’omwanya w’erilemberera mw’abana. Babuti, tukabasaba kisi, muteghaye abana benyu kandi mw’ikale haghuma nabo.

EBITUMBI Tukakusaba, utsomane abandi. Wibuke ngoko, wanganahamba omwanya busana n’ab’omo kihanda kyaghu, abo ulyasa nabo omo mutoka mughuma, abo wikere nabo omo nyumba nguma, kutse abo uk’igha nabo eBiblia. Isiwahira ekindu ky’oko kitumbi ekyo utalyahambira omundu mulebe.

OBUBALYA BWA LUBA-LUBA Kisi, w’ibuke ngoko obubalya buno ni bw’abandu abakalwala kitsumbukirania basa.

OLUBATISO Ebitumbi by’embere sye jukwaa bikendisyateghekanibwa busana n’abakendibatisibwa hamatendibya embinduka. Abakendibatisibwa batolere ibikala omo mwanya oyo embere sy’omukania w’olubatiso owakendisyabya omo asubuyi y’omo poso. Obuli mundu atolere inyaleta esume n’esyongyimba esitolere esy’eryambala akabatisibwa.