ABA BIKWAMBILILA ABAHESYA Aba bikwambilila abahesya babikiwe ukuti babatule. Tukubasuma ukuti mukolelaneghe nabo mwa kubapilikila linga bikubabula pakwimika ifyakwendapo, na pa malo aghakuti mukikale kangi ni fingi.

ULOSYO Aba bikuya pakosiwa bikuya pakwikala pamipando iyi yibikiwe pa nkyeni bo inkhani yalosyo yikali ukufwana Pachobeluka nulubunju. Aliwesa asise nimyenda iminunu iyi isakufwala pakabalilo ka kosiwa kangi ni kyakwipuputila.

IFYABUPE Indalama nyingi sibombile imbombo ukuti tuye namalo amanunu, amamayikolofoni, amasikilini agha tukuya pakuketelelapo amavidiyo ni findu ifingi ifi fikuya pakututula ukuti ulukomano ulu luye lwakuhobosya nu kututula ukukasya ubumanyani bwitu na Yehova. Ifyabupe fyinu fikutula ukulipila ifindu ifi kangi nimbombo isya pa kisu kyosa. Amabokosi aghakubikamo ifyabupe ghabikiwe mumalo mingi palukomano ulu. Linga mubaghile ukufwanisya mubaghile ukubika ifyabupe finu ukwendela pa intaneti mwakubuka pa donate.pr418.com. Tukubandaghisya fiyo panongwa ya fyabupe finu Akabughatila Kakulongosya kikubandaghisya fiyo panongwa yakutulapo pambombo iya Bunyafyale.

IKIPATALA Mukulondiwa ukukumbuka ukuti ikipatala iki kikutula pene linga pabombiwe ingozi.

IFYAKUYONGA NIFYAKWAGHIWA Ifindu fyosa ifi musalile palukomano ulu mukulondiwa ukufibika ku Dipatimenti iya Fyakuyonga Nifyakwaghiwa. Linga muyongisye ikindu kimo, mukulondiwa ukubuka ku dipatimenti iyi nukulingania muno ikindu kyinu kiyilile. Abana aba bayongile tukulondiwa ukubuka nabo ku dipatimenti iyi. Loli idipatimenti iyi yikaya yakusungilako abana. Abapapi mukulondiwa ukubapwelelela abaninu kangi mukulondiwa ukwikala nabo pampene.

UKUSUNGA AMALO Mubinong’oneleghe abininu. Mubaghile ukubasungila amalo aba mufumile nabo pampene bo aba mumbumba yinu kangi na aba mwendile nabo igalimoto yimoyene aba mukwikala nabo pampene na aba mukumanyila nabo Ibaibolo. Komma ukubika ifindu pa malo agha mutikuya pakwikalapo.

UBUBOMBELI BWAKWIYIPA Linga mukulonda ukwiyipa ukuti mubombepo imbombo iyakwiyipa palukomano ulu, mubamanyisye aba bali mu Dipantimenti Iyakutula pa Bubombeli.