DOKTARIE Denkj doaraun: Daut es bloos fa dee, waut doa krank woaren ooda veojjlekjen.

DOOP Verem Plautform sent fa deejanje, waut sikj wellen deepen loten, uzhent Steela friejehoolen. Deejanje sellen sikj Sinowent ver Meddach, noch ea de Räd fa de Doop es, doa dolsaten. Wan sikj doa irjentwaut endat, woat daut bekauntjejäft woaren. Jieda eena saul een Haunduak un paussende Bodkjleeda methaben.

FA VELOARNE SACHEN Aules, waut doa jefungen woat, saul no dise Städ jebrocht. Wan du waut veloaren hast, go doa han un see no, aus daut doa es. De Kjinja, waut sikj veloaren haben, sellen uk doa hanjebrocht. Oba om onneedje Sorjen väatobieejen, sellen de Elren no äare Kjinja oppaussen un dee bie sikj haben.

FRIEWELJE OABEIT Wan du wurscht jleichen, opp dän Kongress irjentwua mettohalpen, dan mald die bie de Aufdeelunk fa Informazion un friewelje Oabeit. Doa woaren dee die sajen, waut du doonen kaust.

GOWEN Daut kjemt sea dia, fa jenuach Settich to sorjen, fa Toontoobehia, fa Videotoobehia un aundre Sachen, daut ons dis Kongress kaun scheen gonen un ons kaun halpen, Jehowa noda to komen. June friewelje Gowen halpen, aul dise Onkosten to betolen un woaren uk jebrukt, om daut Woakj oppe gaunze Welt enne Go to hoolen. Doatoo sent opp miere Städen Gowenkaustes oppjestalt. Wan daut oba mäajlich es, dan jäft june Gowen äwa Internet opp donate.pr418.com. De Gowen von jieda eenem woaren sea jeschazt. De Väastaunt von Jehowa siene Zeijen dankt junt doafäa, daut jie soo wellich sent, Gott sien Kjennichrikj to unjastetten.

ORDNUNGSDEENA De Ordnungsdeena sent aunjestalt to halpen, wan daut wua fält. Recht die doano, wan dee die sajen, wua du dien Foatich loten kaust, to wua du nenngonen un rutgonen saust un wan daut om Settich friehoolen jeit ooda om aundre Sachen.

SETTICH Denkj uk aun aundre. Vejät nich, daut du daut Settich bloos fa dien notstet Frintschoft ooda diene Bibelschiela friehoolen doascht ooda fa dee, waut met die toop en dautselwje Foatich reisen ooda met die toop wonen. Laj nuscht opp de aundre Setten dicht bie die. Lot dee frie fa aundre.