BASA YAKUNDODZIPEREKA Peno munkufuna kudzakhala nawo pa basa yokonzakonza vinthu pa malo ya nsonkhano, tinkukumbira kuti mudziwise omwe ali mu Dipatimenti ya basa yakundodzipereka.

MALO YOKHALA Pulizi dzaganizireni anzanu. Dziwani kuti mungasungire malo wanthu wa m’banja yanu, omwe mwabwera nawo pabodzi, omwe mwakwera nawo karo ibodzi panango omwe munkupfunzira nawo Baibolo. Pulizi ayi kuikha vinthu pa malo yomwe ni yanulini.

UBATIZO Malo yokhala okabatizika yadzasungiwe kutsogolo kwa pulatifomu, kuchosapo peno padzakhale kuchinja. Wanthu okabatizika afunika kudzakhala pamipando yawo nkhani ya ubatizo ikanati kuyamba pa Satade kumachibese. Aliyese afunika kudzatakula tuwadya na vovala vochinjira vopereka ulemu.

VADZIDZIDZI Pulizi, dziwani kuti dipatimenti mweyi ni ya vadzidzidzi basi.

VOPEREKA Padzongeka kobiri zizinji kuti pakhale malo ya nsonkhano, vokuzira mawu, vowonesera mavidiyo na basa zinango zomwe zichitisa kuti nsonkhano ukhale wokomedza nakuti tikhale pa ushamwali wolimba na Yahova. Vopereka vakufuna kwanu vingathandize pa basa mwezi komasoti pa basa ya padziko yose. Mungakwanise kuwona makasha ya vopereka pa malo ya nsonkhano ndipo mungaponye mu makasha mwaya. Mungachitepomwe vopereka vanu pa donate.pr418.com. Tidzatembeje chilichose chomwe mungakwanise kupereka. Bungwe Yotonga inkutembeja ntima wanu wopasa kuti basa za Ufumu ziyende patsogolo.

VOTAYIKA NA VOGUMANIKA Vinthu vose votayika vidzatengewe nkuyikhiwa ku dipatimenti ya votayika na vogumanika. Peno imwepo mudzataye chinthu, mudzayende ku dipatimenti mweyi kuti mukawone peno chidzakhaleko. Wana womwe adzasokere kwa abereki wawo afunika kudzayendesewa ku dipantimenti mweyi. Olo kuti pali dipatimenti mweyi, imwepo mufunika kudzasamala bwino wana wanu, ndipo mudzawonesese kuti munawo pabodzi.

WOTAMBIRA ALENDO Otambira alendo ayikhiwa kuti akuthandizeni. Tinkukumbira kuti mumbawabvere pakutewedza vomwe akuuzani, ninge pakuyimisira njinga, mota, karo, malo yakukhala na vinthu vinango.