OLKETA ATTENDANT Waka blo olketa attendant hem for helpem iumi. Plis followim direction blo olketa lo wea for park, wea for kam insaed and for go aot lo convention, ples for sidaon, and olketa nara samting.

BAPTISM Olketa markem samfala chair lo front for olketa wea bae baptaes for sidaon lo hem. Olketa shud sidaon lo there bifor tok for baptism start lo Saturday morning. Olketa wea bae baptaes mas tekem kam towel and kaleko for baptaes wea fitim.

DONATION Olketa spendem staka selen lo saond system, video equipment, olketa chair, and lo staka nara samting wea mekem iumi enjoyim convention wea savve helpem iumi for fren gud witim Jehovah. Donation wea iu givim savve help for peim olketa kost hia and for sapotim waka wea iumi duim evriwea lo world. Olketa contribution box stap lo olketa difren ples lo convention. Iu savve go lo donate.pr418.com tu for givim donation online. Mifala tinghae tumas lo donation blo iu and Governing Body tu laek for talem thankiu from iufala willing for sapotim Kingdom waka.

FIRST AID Plis tingim, disfala department hem for emergency nomoa.

LOST AND FOUND If iu faendem eni samting, tekem datwan go lo Lost and Found Department. If iu lusim eni samting, go askem olketa wea waka lo disfala department. If iu lukim eni pikinini wea lus, tekem hem go lo disfala department. Bat tingim, diswan hem no ples for olketa narawan lukaftarem pikinini. Plis lukaftarem gud pikinini blo iu and olketa shud stap witim iu.

PLES FOR SIDAON Plis tingim nara pipol. Iu savve keepim samfala chair for famili blo iu and eniwan wea iu studyim Bible witim hem. Plis no putim basket or eni samting lo chair wea iufala bae no sidaon lo hem.

VOLUNTEER SERVICE If iu laek for volunteer for duim samfala waka lo convention, plis go lo Information and Volunteer Service Department.