حاضر باش:‏ حاضر باش تواڈی مدد کرن لئی تیار نیں۔ جدوں اوہ توانوں پارکنگ یاں سیٹاں رکھن بارے ہدیت دیندے نیں یاں فیر توانوں اندر یاں باہر جان والے رستے وچ نہ کھلون دی درخاست کردے نیں تے مہربانی نال اوہناں نال تعاون کرو۔‏

بپتسمہ:‏ بپتسمے دے امیدواراں لئی سٹیج دے سامنے والیاں سیٹاں رکھیاں جان گیاں۔ اوہناں نُوں ہفتے والے دن بپتسمے دی تقریر دے شروع ہون توں پہلاں اوہناں سیٹاں تے بیٹھنا چاہی دا اے۔ ہر اِک نُوں اپنا تولیہ تے بپتسمہ لین لئی مناسب کپڑے نال لیانے چاہی دے نیں۔‏

عطیے:‏ کنونشن تے لاؤڈسپیکرز، ویڈیوز وکھان لئی سکرینز، سیٹاں تے دُوجیاں سہولتاں دا اِنتظام کیتا گیا اے تاکہ تُسی پورے پروگرام نُوں اسانی نال ویکھ سکو تے یہوواہ خدا نُوں ہور چنگی طرحاں جان سکو۔ ایہناں سہولتاں دے خرچے تواڈے خوشی نال دِتے عطیے دے ذریعے پورے کیتے جاندے نیں۔ ایہدے علاوہ ایہہ عطیے دُنیا بھر وچ مُنادی دے کم لئی وی استمال کیتے جاندے نیں۔ کنونشن ہال چ فرق فرق تھانواں تے عطیہ پان لئی ڈبے رکھے گئے نیں۔ تواڈے عطیے دی بڑی قدر کیتی جاندی اے۔ گورننگ باڈی تواڈا شکریہ ادا کرنا چاہندی اے کہ تُسی مُنادی دے کم نُوں اَگے ودھان لئی عطیہ دے رہے او۔‏

ابتدائی طبّی اِمداد:‏ یاد رکھو کہ ایہہ شعبہ صرف ہنگامی حالت لئی اے۔‏

گواچیاں چیزاں:‏ جے توانوں کسے دی گواچی چیز ملے تے ایہنوں ایس شعبے دے حوالے کر دَوو۔ جے تواڈی کوئی چیز گواچ جاوے تے ایس شعبے نال رابطہ کرو۔ ماں پیو توں وچھڑن والے بچیاں نُوں وی ایسے شعبے کول پونچا دیو۔ پر ایس شعبے دا مقصد ایہہ نئیں کہ ماں پیو اپنے بچیاں نُوں اوتھے چھڈ دین۔ مہربانی کر کے اپنے بچیاں دا خیال رکھو تے اوہناں نُوں اپنے نال رکھو۔‏

سیٹاں بارے معلومات:‏ دُوجیاں لئی لحاظ وکھاؤ۔ یاد رکھو کہ تُسی صرف اپنے گھر والیاں تے اوہناں لوکاں لئی سیٹاں رکھ سکدے او جیہڑے تواڈے نال گڈی وچ سفر کردے نیں یاں جنہاں نُوں تُسی بائبل کورس کرا رہے او۔ مہربانی کر کے اپنے آسے‌پاسے دِیاں سیٹاں تے چیزاں نہ رکھو۔‏

رضاکارانہ خدمت:‏ جے تُسی کنونشن تے کیتے جان والے کماں وچ ہتھ ونڈانا چاہندے او تے مہربانی نال ایس شعبے نال رابطہ کرو۔‏