ACOMODADORKUNA. Pëkunaqa yanapayäshunëkipaqmi këkäyan, tsëmi cärru cuadrakunan sitiuchö, pasadïzukunapa purir, asientukunata rakirnin y maskunachöpis pëkuna niyäshunqëkinölla ruranëki.

BAUTISMU. Säbadum kanqa, tsëmi bautizakoqkunapaq discursu manaraq qallaptin, bautizakoqkunaqa pëkunapaq rakishqa asientukunachö jamakuyänan. Llapankunam juk toällata y yakuman yëkuyänampaq röpata apayämunan. Plataformapa frentinchömi pëkunapaqqa asientu rakishqa kanqa. Ima cambiukunapis kaptinqa tiempuwanmi willakayämunqa.

QELLËWAN YANAPAKUNAPAQ. Kë asamblëa rurakänampaqqa mëtsika gastukunam kashqa: asientukunapaq, shumaq wiyanapaq, pantällachö rikänapaq y maskunapaqpis. Tsëkunam yanapakun asamblëata shumaq wiyakunapaq y Jehoväman mas confiakunapaq. Cäjakunaman ëkallatapis winarinqantsikmi, gastukunata pagakunapaq y Diospa Gobiernumpita mëtsëchö yachatsikunapaq yanapakunqa. Tsëpaqmi entëru localman cäjakunata churayämushqa. Internetpapis qellënikiwan yanapakuyta puëdinkim, tsëpaqqa donate.pr418.com päginaman yëkuy. Agradecikuyaqmi qellënikikunawan yanapakuyanqëkipita. Jehoväpa Testïgunkunata Pushaqkunaqa agradecikuyäshunkim Diospa Gobiernunta yanapar ëkallawampis yanapakuyanqëkita.

QESHYANAQKUNATA YANAPAQKUNA. Imapis alläpa grävi pasakuptinllam tsëmanqa ëwanëki.

OQRAKASHQA CÖSASKUNA. Imallatapis tarïkurqa Oqrakashqa Cösaskuna neq sitiuman apayë. Y imatapis oqrashqa karqa tsë sitiumanmi ëwanëki. Tsëmanqa apankimanmi oqrakashqa këkaq wamrakunatapis. Tsënö kaptimpis, tsë sitiutaqa manam wamrakunata cuidayänampaqtsu alistayashqa. Teytakuna, wamrëkikunata alli cuidayë y läduykikunallachö katsiyë.

ASIENTUKUNA. Asientutaqa rakinëki familiëkillapaq, qamwan cärruchö ëwaqkunallapaq, juntu täräyanqëkikunallapaq o qamwan Bibliata yachakuykaqkunallapaqmi. Mana utilizänëkipaq kaq asientukunamanqa ama cösasnikikunata churëtsu.

YANAPAKUYTA MUNAQKUNAPAQ. Asamblëachö yanapakuyta munarqa, Willakuykuna y Yanapakuyta Munaqkunapaq neq sitiuman ëwayë.