BAABA ABAKUUKILA BANTU Baaba abakuukila bantu be kuanka bua nkukuasha. Kumiina kulonda kioso kiabakulungula pabitale mbalo ya kutuula motoka, ntukutuku, nkinga mbalo ya kutuelela na ya kutuukila, kukuatshila bangi mbalo ya kushaala, na pabitale ingi mianda.

BIA BUNTU Nkutuushibue makuta ebungi bua kulumbuula mbalo ibuwa ya kushaala, bikolo, bintu bia kulesha nabio ma video, na ingi midimo ayikuasha bua’shi kikongeno kikitshikie kalolo na kuitukuasha bua kuifubuila pepi na Yehowa. Bia buntu bienu abikuasha bua kukumbasha ino mianda na bua kukuatshishena mudimo wa mu nsenga ishima. Bua oso akumiina kutuusha bia buntu, kui tusheto tuabadi batuule patooka mu ino mbalo. Nui balombene dingi kutuushila bia buntu bienu ku Internete pa mbalo ifunde’shi donate.pr418.com. Bia buntu bienu bioso bi na muulo ukata. Kasaka ka Bakunkushi-Bakulu akenutumbula bua kalolo keenu kanulesha mu kukuatshishena mpango ya Bufumu.

BINTU BISHIMINE BIBASANGULUA Su bosangula kintu na touku shanakio, enda nakio ku Departema a bintu bishimine bibasangulua. Su boshimisha bintu, enda ku uno departema na okatundule bintu biobe. Su bopete muana bashimina shauku kui baledi baaye, enda naaye ku uno departema. Anka bua kupela yaaya nkalakashi yoso, atuinutekie buanudia kulama bana benu kalolo na kushaala pamune nabo.

BUKUASHI BUA BUANGA Tentekieshayi’shi bino mbitale penda bukuashi bua bukidibukidi.

BUKUASHI BUA KU MUDIMO Su okumiina kukuasha ku midimo ya ku kikongeno, enda ku Departema a ngukisho na a bukuashi bua ku midimo.

MBALO YA KUSHALA Kumiina namu kunemeka bangi. Tetenkiesha’shi anka penda muntu odi mushale naaye nshibo imune, muina kifuko noobe, muntu anuende naaye mu motoka umune na okuete kulonga naaye Bible ndio odia kukuatshila mbalo. Tukumanga namu kutuula bintu pa mbalo i peepi noobe yoshii mukuatshile.

LUBATSHISHO Mbalo ya kushaala baaba abakiebe kubatshishibua ku kikongeno ayikala kumpala italeene na yawa akitshi muisambo, su ta kui angi mayi a kulonda. Abitungu’shi baaba abakiebe kubatshishibua bashaale pa yaaya mbalo kumpala kua’shi muisambo wa lubatshisho ubangie mu dia Mposo kumpala kua midi. Muntu oso afikie na bilamba bibuwa bia kumuina nabio mpana kilamba kia kuikumuna nakio meema.