EJAANAKINAK Ekapakina ejaanakinak aingarakin jo. Kilipit jo atupakin nuelimokinete kesi jo kanuikamunitos epaking, nuibusakinit jo aitup ilomuni toma keda ilomari kinga kanoinoi arai ketakanu engeso, ayuwar iboisio kanuka luce, ka ace da.

AIBATISAO Arai caat icorakinitai ace, icolongo luka ngul luebeit aibatisaun, ejaunos ngaren. Naemukaga tupuruc ibusakinit ngul luebeit aibatisaun abunere aiboikin ngaren eringa einer loka aibatisao egeuna. Ibusakinit nginidiope kakesi ayaun ataulo keda igoen luibusakinito luenapakinete kesi kanu aibatisaun.

AINANAKINETA Itwasamatai ikapun luipu kanu adumunia icolongo, acuuman nuka emiusik, acuuman nuitodiere ibidion, ka iceboro luisipedoritos oni alelakin atukonokin na naingarakini oni aikunyakin neejai Yawe. Ainanakinetakon, ingarakinete aburokin ikapun luitwasamatai ka aigang aswam naka alimonokin kotoma akwap kere. Kanu jo apedor alemun ainanakinetakon kotoma atukonokin kana, ibwaikinitai asadukun nuka ainanakineta toma aiboisio nuegelegela kane. Ipedori bobo jo aijaikin ainanakinetakon kolago kopone loka aipejokin donate.pr418.com. Isiyalamikinitai noi ainanakineta kere. Isiyalamikinit yes Atukot Naeyait kanuka ainanakinetakus nuigangitos aswam naka alimonokin.

AMUKIAN NAKATIPET Kojen ebe eraasi ainapeta nu nuka engeso bon.

IBORO LUEWOLIORITO KA LUADUMUN Arai kidum ijo ibore yenimam ijo ijeni ilopet, kilipit koyanga neejai Edipatiment Loka Iboro Luewoliorito ka Luadumun. Arai ewoliorit ikonibore, ipedori ijo adolokin edipatiment ngon kanu awanyun arai ejai ngina. Idwe da luawolikis neejaasi ikeceuriak, ibusakinit ayangaar odipatiment ngon. Konye, kanu alemar aitapasitoi, kilipit kidar ikonidwe ejok.

ICOLONGO Ilipitai oni apodokinit luce. Kiitunite ebe ipedori jo aidar iboisio kanu itunga lukokalekon bon arai bo kanuka ngul bon lueupuna kajo, ka aticepak ngul bon lukopaana isisiaete kajo Ebaibuli. Sirikibwaik idisibore oicolong loemamei idiotunganan yenidaritor jo.

ALEMUN KANU AINGARAKIN Arai ipuda ijo aingarakin iinacan aswam kotoma atukonokin kana, ilipitai jo ainerakin keda luko odipatiment loikamunitos akiro nuka Iinacan Luelemunos Aingarakin.