A SAA KPA I ZUA A MI Akaa a a saa kpa i zough a mi cii i̱ va a mi hen Gbaatom u Veren Akaa a A Saa Kpa I Zough a Mi La. Aluer ma kwagh saa u yô, za hen afishi ne za nenge una lu her yô. Mbayev mba kiriki mba ve tsum ve undu mbamaren vev man i zough a ve cii i̱ yem a ve hen afishi ne. Nahan kpa, ver ishima sha mbayev ou, ve luun vea we hanma shighe, sha er kwagh ne una na or môm ishimanyian a ityôkyaa shio ga yô.

BATISEMA I ver akaateman sha ci u mba i lu u a er ve batisema la sha ishigh ki tsembe u nan kwaghôron la, saa di a tese ijiir igen. Mba i lu u á er ve batisema la ve tema hen ijiir i i ver sha ci ve la sha iyange i Sati pepe cii man kwaghôron u batisema la una hii ye. Hanmô ve nana̱ va a taor u nan u uman iyol man ikyondo i gban iyol i i lu sha inja yô.

IYUA I EREN I vihi inyaregh kpishi sha u wan ago iyol sha akaateman man akaa a samber a iliam man ikyav mbi tesen vidio, kua akaa agen kpishi a ka a na i kpe se mbavan mkohol iyol shi a wase se se seer kporom ikyua a Yehova yô. Iyua i u er a ishima you la ia wase u kimbin inyaregh sha akaa ne shi ia sue tom u i eren tar sha won cii la kpaa. I ver mbaakwati mba eren iyua shimi sha ajiir kposo kposo hen mkohol ne cii sha er u zende u ker a ker ga yô, shi i nger kwagh sha mi kpeher kpeher sha er a nzughul we ga yô. Shi u fatyô u za eren iyua hen ijiir i sha Intanet i donate.pr418.com la. Se wuese uiyua mba ne eren la kpishi je. Mbahemenev mba Shin Itine mba sughun ne sha uiyua mba ne eren mgbeghaa sha u suen tom u Tartor la.

KWAGHTEMAN Wa mbagenev ikyo. Umbur wer, ka tsombor wou shin mba u henen Bibilo a ve gayô mba ve ve mkohol a we imôngo shin mato môm shin mba ve tse hen ya wou la tseegh, u fatyô u tsôron akaateman sha ci ve ye. De pende akaa sha akaateman a u lu tsôron ga la ga.

MBASÔRON MTEM I ver mbasôron mtem ér ve wase u. Ungwa imo ve sha akaa cii sha u dondon gbendatesen ve sha kwagh u ijiir i veren kwaghhendan shi nengen sha ikpelaior shi tsôron akaateman, kua akaa agen kpaa.

TOM U NAN IWASEN Aluer ú soo u wasen tom u i lu eren sha u mkohol ne a za i doo la yô, za hen Gbaatom u Nan Mkaanem man Gbaatom u Nengen sha Tom u Nan Iwasen sha Mkohol la.

TWERSÔRON U ABURABUR Umbur wer, ijiir ne ngi sha ci u kwagh u a er or aburabur tseegh.

USATI MBA I LU SANITESHEN YÔ Ashighe a i we a ken ikyav i kangen la nga sha ci u mbamkohol mba a lu eren ken sati u i lu saniteshen man i eren Saniteshen sha ajiir shon yô. Nahan ken usati mba i lu saniteshen la, kwaghôron u tan agbaa u a lu a itinekwagh ér “Hemba Loho u Bo sha Loho u Dedoo” u ma i ne sha iyange i Sati atetan la, i yem a mi sha iyange i Tomataan pepe.