Waewoyelo le ase losanganya
WANƐ WALONGOLA ANTO Wanɛ wakamba olimu w’olongwelo wekɔ l’oyango wa kokimanyiya. Lam’alangayɛ, tambokɔlɔmba dia wɛ nkamba kaamɛ la wɔ lo ndjelaka alako wayowokosha lo kɛnɛ kendana la dihole dia mbɛkɛ dikalo, memɛ mututu kana mutuka, wetetelo wa lo ahole wa losanganya, wombelo w’ahole wa mbidjasɛ ndo l’awui akina.
BATISIMU Ahole wahomba mbidjasɛ wanɛ wayolongola batisimu pombaka monga la ntondo, mbɛlanɛ la lɔyɛnga naka ndooko otshikitanu wongi. Wanɛ wayolongola batisimu pombaka mbidjasɛ la ntondo ka sawo dia batisimu ntatɛ Lushi la samalo la pindju. Onto l’onto pombaka ndja la ɛsiyamɛ ande ndo l’ahɔndɔ wakoka dia ndjɔtɔ la wɔ l’ashi.
WESHASHA Falanga efula yakatombe dia tɛdikɔ tɔmɔtshi mbɔsama dia nɔngɔsɔla ahole wa mbidjasɛ, dihomɔ dia sɔnɔrizasiɔ, dihomɔ dia tovidɛo ndo elimu ekina efula l’oyango wa wanɛ wɔtɔ lo nsanganya ya weke ngɛnangɛna ndo dia tokimanyiya dia ndjasukanya la Jehowa. Weshasha anyu wa la lolango kimanyiyaka dia nkaloya falanga yatomba shɔ ndo nsukɛ olimu wakambema l’andja w’otondo. Dia nyokimanyiya, tɔshɛtɛshɛtɛ ta weshasha tekɔ lo dihole diasalema losanganya. Nyu koka nto nkimɔ weshasha anyu l’Ɛtɛrnɛtɛ lo mbɔtɔ lo donate.pr418.com Weshasha tshɛ mandɔmaka efula. Olui-walɔmbɔla nangaka nyosha losaka lo woho wasukɛnyu wahɔ wa Diolelo la lokaho tshɛ.
ESAKELO KA WANYANDJA Lam’alangayɛ, ohɔ dia departɛma nɛ mendanaka paka la esakelo ka wanyandja.
DIANGƆ DIASHISHƆ NDO DIƐNAMA Diangɔ tshɛ diatɔngɔnama pombaka tɔlama lo departɛma dia Diangɔ diashishɔ ndo diɛnama. Naka wɛ amboshisha ɛngɔ, kete tshɔka lo departɛma sɔ dia tokiyanga. Ana wambonganɛ oma lale ambutshi awɔ pombaka tɔlama lo departɛma diakɔ. Koko dia mbewɔ mbisha anto wakamba lo departɛma sɔ olimu wamboleka, tambonyɔlɔmba dia nyu nama ananyu ndo watotapɔke oma lalenyu.
AHOLE WA MBIDJASƐ Lam’alangayɛ, tambokɔlɔmba dia wɛ kanɛ anto akina. Ohɔ dia wɛ koka nama ahole wa mbidjasɛ paka lo dikambo dia wanɛ woye la yɛ kana wodjashi la yɛ lo luudu ɔtɔi kana wanɛ weka la yɛ Bible nshi nyɛ. Lam’alangayɛ, tambokɔlɔmba diaha wɛ nkitsha diangɔ laadiko di’ekala ekina.
WANƐ WAYAKIMƆ LA LOLANGO Naka wɛ nangaka nkamba olimu ɔmɔtshi lo losanganya la woke lɔnɛ, kete ewoya Departɛma diendana la wanɛ wayakimɔ la lolango.
Lakalɔngɔswama oma le Olui-walɔmbɔla w’Ɛmɛnyi wa Jehowa
© 2024 Watch Tower Bible and Tract Society of Pennsylvania
Enda ndo lo...
AWUI WENDANA LA SO
Kɔɔtɔ lo losanganya la woke la lo 2024—“Tosambisha lokumu l’ɔlɔlɔ!”
Tambokelɛ la wangasanu tshɛ dia ndjɔtɔ lo losanganya la woke l’Ɛmɛnyi wa Jehowa la nshi shato l’ɔnɔnyi ɔnɛ.
NSANGANYA YA WEKE
Tambokelɛ lo Losanganya la woke l’Ɛmɛnyi wa Jehowa la lo 2024 lele l’ɔtɛ a dui ɔnɛ: “Tosambisha lokumu l’ɔlɔlɔ!”
Tambokelɛ la wangasanu tshɛ lo nshi shato ya Losanganya la woke l’Ɛmɛnyi wa Jehowa.
NSANGANYA YA WEKE
Awui wayɛnyama lo dramɛ di’oma lo Bible: Lokumu l’ɔlɔlɔ lendana la Yeso: Epizodɛ 1—Osase wa mɛtɛ wa l’andja
Enda vidɛo ya mondo y’epizodɛ wa 1 wa Lokumu l’ɔlɔlɔ lendana la Yeso. Epizodɛ ɔnɛ wayɛnyama lo Losanganya la woke la lo 2024.
