VARINDZI Varindzi va vekiwe leswaku va ku pfuna. Hi kombela leswaku u tirhisana na vona hi ku yingisela nkongomiso wa vona mayelana ni ku paka timovha, ku lawula ntshungu, ku vekela van’wana ndhawu yo tshama ni timhaka tin’wana.

NKHUVULO Switulu leswi hlayiseriweke lava yaka eku khuvuriweni swi ta vekiwa emahlweni ka xiteji, handle ka loko ku ri ni nkongomiso wo karhi. Loko mbulavulo wa nkhuvulo wu nga si sungula hi Mugqivela nimixo, lava yaka eku khuvuriweni va fanele va va va tshame kwalaho. Un’wana ni un’wana u fanele a ta ni thawula ni swiambalo leswi xiximekaka leswi a nga ta khuvuriwa ha swona.

MINYIKELO Ku tirhisiwe mali yo tala leswaku ku lunghiseleriwa ndhawu, michini yo kurisa mpfumawulo, switirhisiwa swo komba tivhidiyo ni mitirho yin’wana yo tala leyi endlaka hi tiphina hi nhlengeletano leyi, leyi hi pfunaka ku tshinela swinene ekusuhi na Yehovha. Minyikelo ya wena ya ku tirhandzela yi pfuna leswaku ku hakeleriwa swilo leswi naswona yi seketela ntirho wa misava hinkwayo. Leswaku swi ku olovela ku nyikela, ku ni mabokisi lama funghiweke etindhawini to hambanahambana laha nhlengeletanweni. Loko swi koteka, u nga tlhela u nyikela hi ku tirhisa donate.pr418.com. Minyikelo hinkwayo ya tlangeriwa swinene. Huvo Leyi Fumaka ya yi khensa swinene minyikelo ya n’wina leyi seketelaka timhaka ta Mfumo.

XILAMULELAMHANGU Tsundzuka leswaku u ya kona, ntsena loko u lava vutshunguri bya xihatla.

LESWI LAHLEKEKE Swilo hinkwaswo leswi thumbiweke swi fanele swi yisiwa eka Ndzawulo ya leswi Lahlekeke. Loko u lahlekeriwe hi swin’wana, yana eka ndzawulo leyi u ya kamba swilo swa wena. Vana lava lahlekeleke vatswari va vona, va fanele va yisiwa eka ndzawulo leyi. Kambe leswaku mi papalata ku tidyisa mbitsi, hi kombela mi hlayisa vana va n’wina ni ku tshama mi ri na vona.

VUTSHAMO Hi kombela leswaku u anakanyela van’wana. Tsundzuka, switulu swi nga hlayiseriwa ntsena swirho swa ndyangu ni lava u fambaka na vona hi movha, lava u tshamaka na vona ekaya kumbe lava u dyondzaka na vona Bibele. Hi kombela leswaku u nga veki swilo eswitulwini leswi u nga taka u nga swi tirhisi.

NTIRHO WA KU TIRHANDZELA Loko u tsakela ku pfuneta eka mitirho yo hambanahambana enhlengeletanweni leyi, hi kombela u tivisa Ndzawulo Ya Vatirhi.