VA INDICADOR Va indicador va vekiwe leswaku va ku pfuna. Hi kombela leswaku u tirhisana kahle na vona, u yingisa leswi va ku byelaka swona loko swi ta ka lani u nga ta veka kona movha, lomu u faneleke u famba hi kona, ku vekela van’wani ndhawu ya ku tshama ni timhaka tin’wani.

LAVA YAKA KU TSAKAMISIWENI Loko ku nga tivisiwi swin’wani, switshamu swa lava yaka ku tsakamisiweni swi ta vekiwa phambeni ka palku. Lava yaka ku tsakamisiweni va fanele va tshama ka ndhawu leyi va nga vekeliwa yona na dixkursu la lava yaka ku tsakamisiweni li nga se sungula, hi Sábado nimixo. Lava va yaka ku tsakamisiweni va fanele va ta ni thawula va tlhela va yambala mpahla ya ku hlonipheka loko va ya ku tsakamisiweni.

MINYIKELO Ku tirhisiwe male ya yinyingi swaku ku lunghiseleliwa ndhawu leyi hi nga ka yona, michini ya ku kulisa marito, swa ku kombisa hi swona mavhidiyo ku tlhela ku yendliwa ni mintirho yin’wani ya yinyingi leyi yendlaka leswaku hi swi tsakela ku va ka kongresu leyi ni ku hi pfuna leswaku hi tshinela ka Yehovha. Minyikelo ya n’wina leyi mi yi humesaka hi ku swi rhandza yi pfuneta leswaku ku hakeliwa swilo leswi ni ku pfuneta ka ntirho wa misava hinkwayu. Leswaku swi ku vevukela ku nyikela, ku ni makaxa lawa ma nga vekiwa ka tindhawu ta ku hambanahambana kola ka kongresu leyi. U nga ha nyikela hi ku tirhisa interneti ka donate.pr418.com. Hinkwayu minyikelo ya n’wina ya khensiwa swinene. Naswona Ntlawa Lowu Rhangelaka wa mi khensa hinkwenu hileswi mi pfunisaka ka ntirho wa Mfumu wa Xikwembu.

PRIMEIROS SOCORROS Khumbuka leswaku u ya kona ntsena loko u lava ku dahiwa swa xihantla.

LESWI NGA LAHLEKA NI LESWI NGA RHOLIWA Swilo hinkwaswu leswi nga rholiwa swi fanele swi yisiwa ka Departamentu La Leswi Nga Lahleka Ni Leswi Nga Rholiwa. Loko u lahlekeliwe hi nchumu, yana ka departamentu leli leswaku u ya kamba swilo swa wena. Vana lava nga lahlekelana ni vapsali va vona va fanele va yisiwa ka ndhawu leyi. Kambe hi kombela leswaku mi hlayisa vana va n’wina naswona mi tshama na vona leswaku hi nga karhateki.

SWITSHAMU Hi kombela u pimisela van’wani. Khumbuka leswaku a switshamu u fanele u vekela ntsena vanhu va ndjangu wa wena ni lava u taka na vona amovheni, lava u tshamaka na vona kaya kumbe lava u djondzaka na vona Bibele. Hi kombela leswaku u nga veki swilo ka switshamu kumbe ka tindhawu leti u nga ta kala u nga ti tirhisi.

VAVHOLUNTARIYU Loko u lava ku pfuneta ka mintirho ya ku hambanahambana ka kongresu leyi, hi kombela u tivisa Departamentu La Vavholuntariyu.