ABARUKUTANGIRRA Abarukutangirra batairweho kukukonyera. Nosabwa kukoragana nabo kurungi obu nohondera oburagirizi obubarakuha oburukukwata nambere osemeriire kuta ekiiruka kyawe, nambere abantu basemeriire kuraba, kwahurra abandi ebiikaro, hamu n’ensonga ezindi.

OKUBATIZIBWA Entebe ez’omu maiso ezirukubanza niziija kusigirwa abarukugenda kubatizibwa bonka oihireho obukiraaba kyolekerwe kundi. Abarukugenda kubatizibwa basemeriire kuba baikaliire omu ntebe zinu orubazo rw’abarukugenda kubatizibwa rutakatandikire ha Kyamukaaga nyenkyakara. Abarukugenda kubatizibwa basemeriire kwija na tawulo, hamu n’engoye z’okubatirizibwamu ezirukuhaisa omukoro ekitiinisa.

OKUHAYO Tukozeseze sente kusobora kutunga entebe ezirukumara, ebyoma by’amaraka, ebya vidiyo hamu n’ebintu bindi bingi nukwo kitukonyere kurora orusorrokano runu rwagenda kurungi kandi rwatukonyera kwirra haihi na Yahwe. Okuhayo kwawe okw’okwegondeza nikukonyera omu kusasurra ebintu binu n’okusagika omulimo gw’okutebeza omu nsi yoona. Kusobora kukukonyera kwanguhirwa kuhayo, haroho obusanduuko obutairwe omu kyombeko kinu obuhandikirweho. Ekindi n’osobora n’okuhayo n’okozesa omukura gwa donate.pr418.com. Kyona eky’orahayo nikisiimwa. Akatebe Akalemi nikagonza kukusiima habw’okuhayo kusagika omulimo gw’Obukama.

OBUJANJABI Nitugonza mumanye ngu obujanjabi oburukuheebwa nubwo obwa bwangu bwangu bwonka.

EBIBUZIRE N’EBIZOIRWE Ebintu byona ebitamanyirwe mukama wabyo bisemeriire kutwarwa nambere hali ekitongole ky’Ebibuzire n’Ebizoirwe. Obworaaba oine ekintu ekikubuzireho, genda okebere omu kitongole kinu orole obukiraaba kizoirwe. Abaana ababuzire kuruga hali abazaire baabo nabo basemeriire kutwarwa omu kitongole kinu. Baitu kusobora kukonyera abarukukora omu kitongole kinu okutajwaha muno, abazaire nimusabwa kurolerra kurungi abaana banyu.

ENTEBE Nyaburaiwe nosabwa kufaaho abantu abandi. Noijukibwa ngu ab’eka yaawe, ab’oizire nabo omu kiiruka, abantu ab’orukwikara nabo, rundi ab’orukwegesa Baibuli nubo osemeriire kukwatira entebe. Nosabwa kutateeka ebintu ha ntebe ez’otakwatiire abandi.

KWEHAYO KUKONYERA Obworaaba nogonza kukonyera omu mirimo ha rusorrokano runu, genda orole ow’oruganda arukujunanizibwa n’ekitongole eky’Eby’amakuru n’eky’Abakonyezi.