BAPETIZORAA To mua roa te mau parahiraa no te feia e bapetizohia. I te poipoi Mahana maa, e parahi ratou i te vahi faataahia hou a haamata ˈi te oreroraa parau bapetizoraa. E afai mai te taata tataitahi i to ˈna tauera e ahu hopuraa au maitai.

FARIIRAA TAATA Ua faataahia te mau taeae no te tauturu ia oe. A pee maite i ta ratou faanahoraa no te tapea i to oe pereoo, no te tomo aore ra haere i rapae i te vahi tairururaa, no te tapao i te parahiraa e no te tahi atu â mau ohipa.

Ô Mea rahi te haamâuˈaraa ravehia no te faaineine i te mau parahiraa au maitai, ravea haapurororaa parau e hohoˈa e te vai ra ˈtu â ia naho maitai te tairururaa e ia piri atu â tatou ia Iehova. E aufauhia te mau haamâuˈaraa no te tairururaa e no te ohipa na te ao atoa nei maoti ta oe mau ô horoa noa. Ua tuuhia ati aˈe i te piha tairururaa te mau afata e e mea faufaa roa te mau ô atoa. E nehenehe atoa e pûpû i te ô i nia donate.pr418.com. Te hinaaro nei te Tino aratai e haamauruuru ia oe no te mau ô ta oe e horoa ra no te turu i te ohipa na te ao nei.

PARAHIRAA A tâuˈa atoa na ia vetahi ê. A haamanaˈo e nehenehe e tapao i te mau parahiraa no te fetii piri anaˈe, te feia i haere mai na muri ia oe, tei faaea i ǒ oe aore ra te haapii ra i te Bibilia e oe. Eiaha na e vaiiho i te tahi mau mea i nia i te mau parahiraa na pihai iho mai.

RIMA TAUTURU A haere i tera vahi aore ra i te tuhaa haamaramaramaraa ia hinaaro oe e horoa i te tauturu i te tairururaa.

TAOˈA I MOˈE E TEI ITEHIA MAI E hopoihia te taoˈa e itehia mai i tera vahi. Ia moˈe noa ˈtu ta oe, a haere e hiˈo i reira. E nehenehe atoa e aratai i ǒ i te tamarii i moˈe. E ere râ i te vahi haapaoraa tamarii. A ara ia faaea noa ta oe tamarii i pihai iho ia oe.

UTUUTURAA MATAMUA A haamanaˈo na e no te mau utuuturaa ru noa te reira.