INDICADORI Arquanti fradei i ze stati metesti come indicadori e i vol giutarte. Colabora sempre con lori e aceta le so orientassion sora ndove meter el auto, sora come ndar rento e fora del posto, sora reservar careghe par sentarse e sora altre robe.

BATÉSIMO Se no ghen’è altre orientassion, le careghe par quei che i ndarà batesarse le sarà reservade davanti del palco. Lori i gavarà de sentarse in queste careghe reservade vanti del scomìnsio del discorso del batésimo, che el sarà nel sabo de matina. Cada un el ga de portar una toaia e robe apropiade de bagno.

DONATIVI Ghen’è tante spese par far questo congresso e par giutarte a rivar pi darente de Geovà. Par esémpio, ghemo bone careghe, sistema de àudio e vìdeo e tante altre robe. I to donativi de cuor i giuta a pagar queste spese e apoiar el laoro che le Testimònie de Geovà le fà in tuto el mondo. Par esser pi fàcile, ghen’è cassete col scrito “Donativi” in diversi posti in questo congresso. Ti te pol far donativi anca par meso del site donate.pr418.com. El Corpo Governante el ghe dà valor a tuti i donativi e el vol ringrassiarte parché te ghè caro de dar qualcossa par giutar el laoro del Regno.

PRIMI SOCORI Ricòrdate che l’è sol par emergense.

COSE PERSE Tute le cose che te cati, pòrtale al Departamento de Cose Perse e Catade. Se te ghè perso qualcossa, va a questo departamento e proa veder se la ze lì. Tosatei che i se ga perso i ga de esser menadi a questo departamento. Tendi ben dei to fioi e mantégneli darente de ti, cossita ghen sarà manco problemi con questa situassion.

POSTI PAR SENTARSE Pensa nei altri. Ricòrdate che te pol reservar el posto par sentarse sol par quei dela to fameia imediata, quei che i viaia con ti nel auto, quei che i ze de star con ti o quei che i stùdia la Bìblia con ti. No stà mia assar gnente sora le careghe che no te vè doperar.

SERVÌSSIO VOLONTÀRIO Se te vol laorar nel congresso come volontàrio, te pol ndar al Departamento de Informassion e Servìssio Volontàrio.