ANAMATHOONYERA Muteko aya wookhaviherani. Txontte, nwiiweleleke muttharaka itthu anhima aya woohima sa weemexa itxinka, moota wooweetteetta, moota woowasunkera mapuro amusaanyu ni ale munaasuwelaanyu, ni nyaha ikina awo anhima aya.

ITTHU SOORIHEYA NI SOOTTOTTIWA Itthu sootheene siriheñye naari sittottiewe siroihiwe edepartamentu ela wakhala weera yohooriheyani etthu, txontte murowe wa asinna yaawo envara edepartamentu eyo, weera mwahime etthu yoomonreni. Naari-tho wakhala weera moomuttotta mwaana, mmuroihe nipuronnene nenna. Nto weera asinna awo muhavahe muteko mutokotoko, txontte mwaathokororeke anamwane anyu, muhahiyeke yoorakamelakani.

MAKHAVIHERO A ERETTA YOOTUTUXERA Txontte, musuwele weera enkhaviheriwa paahi atthu yaakhumelenle eretta yootutuxera.

MAPURO OOKILAATHI Txontte, nwuupuweleke atthu akina. Muupuweleleke weera mwatthunaka waasunkera nipuro amusi anyu, ale munaasomiha anyu Biblya ni atthu munaasuwelaanyu mwaasunkereke yaaworu paahi. Muhisunkeke nipuro nneera nihikilaathiwe.

OPATISO Ale anrowa opatisiwa mapuro aya eri ohoolo, waattamela otribuna yaahikhanle matxentxo makina. Ale anrowa opatisiwa, ekilaathiki mapuro ala ohinaakuve ene mwaha wa opatiso, yoowo onrowa opakiwa nihiku na esaabadu oxeexelo. Txontte, ale anrowa opatisiwa eruuheke yoowaraaya ni ekhaleke yoohuliha muru.

SOOVELEELA Weera nipake muthukumano ola, waatthuneya musurukhu mwintxipale weera irehereriwe ihitxe, ikaruma sooruma, ikaruma sa iviidiyu ni miteko mikina, weera muthukumano ola okhale wootepa oreera ni onikhavihera omwaattamela Yehova. Yooveleela anyu yoohinyesereriwa enookhavihera vantxipale muteko wootheene ovariwe ni muteko wa elapo yootheene. Mwaaatthunaka ovaha musurukhu anyu, sookhala ikaaxa siri mukhwipi va muthukumanoni va. Nyuwo-tho pooti ovaha yooveleela anyu nvarelaka muteko esaite ahu, donete.pr418.com. Sooveleela sootheene sinnaheliwa mwiitti. Mukuttula Woolamulela onnaxukurela vantxipale mwaha wa soovaha sanyu sinkhavihera miteko sa Omwene.

WIIVAHERERA OVARA MUTEKO Wakhala weera munnatthuna okhavihera ovara muteko ori poothe vamuthukumanoni va, mwaaleele asinna anvara edepartamentu yoowivaherera ovara muteko.