ᲛᲝᲛᲬᲔᲡᲠᲘᲒᲔᲑᲔᲚᲔᲤ: მომწესრიგებელეფ თქვან მახვარებელო რენა დანიშნულ. რთხინთ, ქიმიაჸუნათ თინეფიშ მითითებეფს მანქანეფიშ გერნაფა, ხალხიშ მოძრაობა, ადგილიშ მოკავება ვარდა შხვა საკითხეფწკუმა დაკავშირებით.

ᲜᲐᲗᲣᲐ: ნათუაშ მოხსენებაშ დოჭყაფაშახ, ნამუთ იჸუაფ საბატონს, ოჭმარეშ პროგრამას, ნათუაშ კანდიდატეფ ოკო ხედან მუნეფშო გიშართილ ადგილეფს, სცენაშ წოხოლე. თითოულს ოკო უღუდას პიშქოსალ დო წყარშა ინაულარო მოკრძალებურ მიკაქუნალ.

ᲨᲔᲡᲐᲬᲘᲠᲐᲕᲔᲤ: დიდ ხარჯეფქ იჸუ საჭიროქ, ნამდა კომფორტულო ქიმიფრჩქილუათ კონგრესიშ პროგრამა, ნამუთ იეჰოვაწკუმა დაახლოებას მიმეხვარებუნა. თქვან ნებაყოფლობით კეთებულ შესაწირავეფ გიმორნაფილ იჸუაფ თე ხარჯეფიშ ოფორალო დო ჩქინ საქმიანობაშო მთელ მსოფლიოს. თქვანო მოხუჯურქ ქიჸუასინ, შესაწირავიშ ყუთეფ ირდიხას რე საკონგრესო ტერიტორიას დო უღჷ შესაბამის წარწერა. თეწკუმა ართო, შესაწირავიშ ოკეთებელო შეილებუნა გიმირინუათ ვებგვერდ donate.pr418.com. მანგარო ვაფასენთ თითოულიშ კეთებულ შესაწირს დო ხემძღვანელ საბჭო წინასწარ დიდ მადლობას გირაგადუნა, ნამდა გურხვეთ უკინენთ ხუჯის სამეფოშ საქმეს.

ᲡᲐᲛᲔᲓᲘᲪᲘᲜᲝ ᲛᲝᲮᲕᲐᲠᲐ: რთხინთ, რშუდან, ნამდა პირველად დახმარება ხვალე გადაუდებელ სიტუაციეფშო რე.

ᲓᲘᲜᲐᲤᲘᲚ ᲜᲘᲕᲗᲔᲤ: არძა ნაძირეფ ნივთ ქიმიღით დინაფილ ნივთეფიშ განყოფილებაშა. მუთუნქ მეიდინეს-და, თე განყოფილებას ქიმიაკითხეთ. თაქ მიჸუნათ ოკო თი ბაღანეფ ხოლო, მიდგაქ მშობლეფს გამაჩირთეს. რთხინთ, ირიათო ყურადღება ქიმიაქცუათ ბაღანეფს დო თქვანწკუმა რჸუნდან, ნამდა ვართ თქვა ინერვიანათ დო ვართ შხვეფქ.

ᲐᲓᲒᲘᲚᲔᲤ: რთხინთ, შხვეფ ხოლო გეთვალისწინათ. რშუდან, ადგილეფიშ მოკავება შილებე ხვალე ოჯახიშ წევრეფშო, ბიბლიაშ მაგურაფალეფშო დო თინეფშო, მიდგაწკუმა ართო მანქანათ მორთით. რთხინთ, ვეგიონწყუათ ნივთეფ თქვან გოხოლუას სკამეფს, ნამდგაშ მოკავება ვაილამუნა.

ᲛᲝᲮᲐᲚᲘᲡᲔᲗ ᲛᲡᲐᲮᲣᲠᲔᲑᲐ: კონგრესიშ დროს მოხალისეთ მსახურება ქუგოკონა-და, ქუწით თეშ გურშენ საინფორმაციო დო მოხალისეეფიშ განყოფილებას.