Guutip naalagaaffianik oqaluus­sissutigin­ninnermit nutaarsiassat

Inuunerup siunertaa nassaaraa

JIISUSI oqarpoq savaatini ilisarisimallugit. (Johannesi 10:14) Inuk uummatigikkuni aamma eqqissinermik naapertuil­luarnermillu nuannarisaqaruni Jiisusip ilinniar­titaanut kajungilersin­neqassaaq. Inuup taamaattup inuunerup siunertaa nassaarissavaa. Arnaq Belgiamiu oqaluttuar­teriartigu:

“Jehovamik Nalunaajaasuusut kasuttormata nikallungarujus­suangaarama imminut toqukkusullunga eqqarsaatigaara. Nunarsuarmi ajortumi ajornar­torsiutinik aaqqiis­sutissatut Nalunaajaasut eqqartugaat nuannaraakka Guutilli akuutinnera nuannarinagu. Ukiummi arfineq-pingasut matuma siorna uanga upperisarsiornermi ilaaffigisanni ilumoor­tuusaarneq akuerisin­naannginnakku naalagiar­tarunnaarpunga. Nalunaajaasulli oqaasii ilumoorsorigakkit paasilerpara guuteqarnani inuuneq sapernartoq.

Ajoraluartumik Nalunaajaasut pulaallat­taarsimasut takoqqin­ngilakka. Inuunera nuanniis­suaarpoq. Ullormut sikaritsit poortat marluk pujortar­tarpakka. Allaallu ikiaroor­talerlunga. Aataga toqoreernikoq attavigerusukkakku anersaarsiornerit soqutigalugit misissor­talerpakka. Tamatuma kingunerisaanik amiilaarisannik unnukkut kisimiik­kaangama anersaapilunnit saassun­neqartalerpunga. Qaammatini arlalinni taamatut saassun­neqartalerama unnukkut kisimiin­nissara annilaangagisalerpara.

Ullut ilaanni aqqutigineq ajukkakkut pisuttuar­tillunga takulerpara sanaartorferujussuaq inuppas­suarnit ulappuffiusoq. Qanilligakkulu paasivara Jehovap Nalunaajaasui ataatsimiit­tarfiliortut. Eqqaalerpara Nalunaajaasunit pulaarneqar­tarnikuullunga. Eqqarsaatigaaralu qanoq nuanner­tigissagaluarnersoq nunarsuarmiittut tamarmik taakkunatut ikkaluarpata.

Jehovamik Nalunaajaasunit pulaaqqin­neqarusukkama sanaartortut ilaat oqaloqatigaakka. Guutimut qinuvunga, ullullu qulit qaangiuttut uannut pulaaqqaar­nikuusoq matukkut kasuttorpoq. Siunnersuutigaa Biibilimik misissueqatigiinnerput nangeqqis­sagipput angipal­lappungalu. Ingerlaannarlu ataatsimiigiaqataasar­nissannik kajumis­saarmanga piumavunga. Misiginikuun­ngisaan­nakkannik takusaqarpunga. Sivisoorujus­suarmik ujarsimasakka tassa inuit asaqatigiittut pilluartullu kiisami takuakka!

Tamatigut ataatsimiigiar­tualerpunga. Sapaatit-akunneri pingasut missaat qaangiuttut pujortar­tarunnaarpunga. Atuagaatikka anersaarsiornermut nipilersuutillu saatanisiornermut tunngasut igippakka. Malugisin­naavaralu anersaapiluit susinnaajun­naariar­toraannga. Inuunera Jehovap najoqqutas­siaanut Biibilimeersumut naapertuut­tunngor­tikkiar­tuaarpara. Qaammatillu pingasut qaangiummata nutaarsiassamik nuannersumik oqaluus­sisalerpunga. Qaammatillu arfinillit qaangiummata imermut morsutsin­neqarpunga. Ullullu marluk qaangiuttut ikiorti-pionerin­ngorpunga.

Jehova uanga pillunga iliuuserisimasai qujamasuutigingaarpakka. Kiisami inuunera siunertaqalerpoq. Jehovap atia pallittaalisaavoq isumannaatsumik qimaanasuarfigisara. (Ussatit 18:10) Tussiaasiortut Tussiaat 84:11-mik allattutut maanna misigivunga: ‘Illit silarliutinni ulloq ataaseq ajunngin­neruvoq tuusintinit uanga nammineq qinersimasannit. Guutima illuata alloriusaani nalassaguma iluarnerutippara iluaatsut toqqini ineqarnermit.’”

Taassuma arnap eqqortuliorusuttup inuunerup siunertaa nassaarivaa. Aamma ilumoorlutik Jehovamik ujarlersut nassaarisin­naavaat.