Ngaˬ hui Yaˬhoˉvaˬ ve Shaˉhkiˆhkanˍ ve chaw A shu hpehꞈ ve le
Ngaˬ hui lehˬ laiˉ ha chaw ceuˬ awˬ hkʼaw lo maˇ kʼoˆ tawˇ hkawˇ laiˉ ha ceuˬ awˬ hkʼaw lo laˬ taˍ ve yoˬ. Yaꞈ hkʼaˇ, ngaˬ hui teˇ gʼaˇ le le dawˇ law kuiˬ hkʼa shuˍ˗ehˍ cawˬ ve yoˬ. Awˬ kaˍ awˬ nu dawˇ law ve aꞈ kehˉ, ngaˬ hui lehˬ Liꞈ hpu hkʼaw kʼoˆ taˍ ve Gʼuiˬ sha lehˬ awˬ ceuˬ hkʼa peu˗eˬ htaꞈ Te hpanˍ shehˍ hpaˇ Yaˬhoˉvaˬ htaꞈ yawˆ yan piˇ gaˇ ve yoˬ. Yeˍsuˆ Hkriꞈ te ve hkʼa shuˍ, ngaˬ hui gʼaˇ hteꞈ coˇ caˇ leh te ve yoˬ. Ngaˬ hui htaꞈ Hkriꞈ yaˇ tehꞈ kʼoˆ laˇ ve, ha lehˬ jaˇ ve yoˬ. Liꞈ hpu leh Gʼuiˬ sha ve mvuhˇ miˬ awˬ lawn henˇ tuˬ ngaˬ hui teˇ gʼaˇ le le awˬ yanˇ yehˇ leh shu htaꞈ ga piˇ ve yoˬ. Yaˬhoˉvaˬ Gʼuiˬ sha leh yawˇ ve mvuhˇ miˬ awˬ lawn htaꞈ shaˉ hkiˆ hkanˍ leh maˍ piˇ ve pa taw, Yaˬhoˉvaˬ ve Shaˉhkiˆhkanˍ ve chaw tehꞈ meh piˇ ve yoˬ.
Ngaˬ hui ve vehˆ saiˉ nyi ve. Awn lai hpawˇ Liꞈ hpu gʼaw ve. Ngaˬ hui ve awˬ lawn leh ngaˬ hui ve yonˍ hkʼaˇ htaꞈ shiˍ maˇ la sheˍ.
