စစ်မှန်သောဝတ်ပြုမှု လူတို့ကို စည်းလုံးစေ
စစ်မှန်သောဝတ်ပြုမှု လူတို့ကို စည်းလုံးစေ
ဘာသာတရားသည် လူတို့ကို အများအားဖြင့် စိတ်ဝမ်းကွဲပြားစေသော်လည်း စစ်မှန်သောဘုရားသခင်တစ်ပါးတည်းကိုသာ ဝတ်ပြုကိုးကွယ်မှုသည် လူတို့ကို စည်းလုံးစေနိုင်၏။ ဣသရေလလူမျိုးသည် ဘုရားသခင်၏ရွေးချယ်ထားသောလူမျိုးဖြစ်စဉ်က စိတ်ရင်းမှန်သော တစ်ပါးအမျိုးသားများစွာသည် စစ်မှန်သောဝတ်ပြုမှုကို ကြိုက်နှစ်သက်ခဲ့ကြသည်။ ဥပမာ၊ ရုသသည် သူ၏နေရင်းပြည်မောဘနိုင်ငံ၏ဘုရားများကိုစွန့်ကာ နောမိအား “ကိုယ်တော်အမျိုးသည် ကျွန်မအမျိုး၊ ကိုယ်တော်ဘုရားသည် ကျွန်မဘုရားဖြစ်ပါစေ” ဟုပြောခဲ့သည်။ (ရုသ ၁:၁၆) စီ.အီး. ပထမရာစုတိုင်သော် တစ်ပါးအမျိုးသားများစွာသည် စစ်မှန်သောဘုရားသခင်ကို ဝတ်ပြုသူများဖြစ်လာကြလေသည်။ (တမန်တော် ၁၃:၄၈; ၁၇:၄) နောက်ပိုင်းတွင် ယေရှု၏တမန်တော်များသည် သတင်းကောင်းဟောပြောရန် ဝေးလံသောဒေသများသို့ ခရီးစထွက်သောအခါ အခြားစိတ်ရင်းမှန်သူတို့သည် စစ်မှန်သောဘုရားသခင်၏ဝတ်ပြုမှု၌ စည်းလုံးလာခဲ့ကြသည်။ “အသက်နှင်ပြည့်စုံလျက် မှန်တော်မူသောဘုရားသခင်၏အမှုတော်ကို သင်တို့သည် ဆောင်ခြင်းငှာ . . . တို့ကိုပစ်ပယ်၍ ဘုရားသခင့်အထံတော်သို့ ပြောင်းလဲကြသည်” ဟုတမန်တော်ပေါလုရေးသားခဲ့၏။ (၁ သက်သာလောနိတ် ၁:၉၊ ၁၀) ယနေ့ စစ်မှန်သောဘုရားသခင်ကို ဝတ်ပြုကိုးကွယ်မှုသည် ထိုသို့စည်းလုံးနိုင်ပါသလော။
“စစ်မှန်သောဝတ်ပြုသူများ” သို့မဟုတ် “စစ်မှန်သောဘုရားသခင်” ဟူ၍ပြောဆိုခြင်းသည် မှား၏ဟု သံသယသမားများကဆိုကြသည်။ အမှန်တရားကိုသင်ယူနိုင်သည့် အဘယ်ဇာစ်မြစ်ကိုမျှ သူတို့မသိကြခြင်းကြောင့် ထိုသို့ယူမှတ်ခြင်းဖြစ်ပေမည်။ သို့ရာတွင် နောက်ခံအမျိုးမျိုးမှ အမှန်တရားကိုကြိုးစားရှာဖွေသူတို့က ဝတ်ပြုရေးမှာ ကြိုက်နှစ်သက်ရာကို ရွေးချယ်စရာမဟုတ်ကြောင်း သဘောပေါက်လာခဲ့ကြပြီ။ ကျွန်ုပ်တို့၏ဝတ်ပြုကိုးကွယ်မှုကို ရထိုက်သောအရှင်တစ်ပါးတည်းမှာ အရာခပ်သိမ်းကိုဖန်ဆင်းသော ယေဟောဝါဘုရားသခင်သာလျှင်ဖြစ်သည်။ (ဗျာဒိတ် ၄:၁၁) ကိုယ်တော်သည် စစ်မှန်သောဘုရားသခင်ဖြစ်၍ ကိုယ်တော့်အား မည်သို့ဝတ်ပြုကိုးကွယ်ရမည်ကို ကိုယ်တော်သာ ဆုံးဖြတ်ပိုင်ခွင့်ရှိသည်။
ယေဟောဝါသည် မိမိ၏တောင်းဆိုချက်များကို ကျွန်ုပ်တို့ပိုင်းခြားသိမြင်စေရန် ကိုယ်တော်၏စကားတော် သမ္မာကျမ်းစာကိုပေးထားသည်။ ယနေ့ မြေကြီးပေါ်ရှိ လူတိုင်းနီးပါးသည် သမ္မာကျမ်းစာတစ်အုပ်လုံး သို့မဟုတ် ၎င်း၏အစိတ်အပိုင်းများကို ရရှိနိုင်သည်။ ထို့ပြင် ဘုရားသခင်၏သားတော်က “သင်တို့သည် ငါ၏[တရားတော်]၌တည်လျှင် . . . [အမှန်]တရားကိုလည်းသိကြ” လိမ့်မည်ဟု မိန့်ဆိုခဲ့သည်။ (ယောဟန် ၈:၃၁၊ ၃၂) သို့ဖြစ်သောကြောင့် အမှန်တရားကို သိရှိနိုင်ကြ၏။ ဘာသာတရားနောက်ခံအမျိုးမျိုးမှ သန်းနှင့်ချီစိတ်နှလုံးရိုးဖြောင့်သူများသည် ဤအမှန်တရားကို သတ္တိရှိရှိလက်ခံလာလျက် စစ်မှန်သောဝတ်ပြုရေး၌ စည်းလုံးလာလျက်ရှိနေကြ၏။—မဿဲ ၂၈:၁၉၊ ၂၀; ဗျာဒိတ် ၇:၉၊ ၁၀။
ကျွန်ုပ်တို့ခေတ်တွင် ကမ္ဘာချီစည်းလုံးမှု
ဇေဖနိကျမ်းမှ မှတ်သားလောက်ဖွယ် ပရောဖက်ပြုချက်တစ်ခုက နောက်ခံမတူသူလူများစွာ စုရုံးလာကြမည်ဟုဖော်ပြထားသည်။ ယင်းက ဤသို့ဆိုသည်– “ထိုအခါ လူမျိုးအပေါင်းတို့သည် အမှုတော်ကို ပခုံးချင်းယှဉ်၍ ထမ်းဆောင်မည်အကြောင်း ယေဟောဝါ၏နာမတော်ကို ဆုတောင်းစေခြင်းငှာ စင်ကြယ်သောဘာသာစကားကို သူတို့အား ငါ [ယေဟောဝါဘုရားသခင်] ပေးမည်။” (ဇေဖနိ ၃:၉၊ ကဘ) ဘုရားသခင့်အမှုတော်ကို စည်းလုံးစွာဆောင်ရွက်နေကြသော ပြောင်းလဲလာသူများကို တကယ်လှပတင့်တယ်စွာဖော်ပြထားပါသည်တကား!
ယင်းသည် မည်သည့်အချိန်တွင် ဖြစ်ပျက်မည်နည်း။ “ထာဝရဘုရားမိန့်တော်မူသည်ကား ‘ဖမ်းဆီးလုယက်ခြင်းငှာ ငါမထမီတိုင်အောင် ငါ့ကိုငံ့လင့်ကြလော့။ တိုင်းနိုင်ငံပြည်သားအမျိုးမျိုးတို့ကို စုဝေးစေ၍ ငါ့အမျက်၊ ငါ့ဒေါသအရှိန်ကို အကုန်အစင်သွန်းလောင်းမည်ဟု ငါအကြံရှိ၏။ ငါ့ဒေါသမီးသည် မြေတစ်ပြင်လုံးကို လောင်ရလိမ့်မည်’” ဟုဇေဖနိ ၃:၈ ကဆိုသည်။ မှန်ပါသည်၊ တိုင်းနိုင်ငံသားများကို ယေဟောဝါစုဝေးနေစဉ် ကိုယ်တော်၏ဒေါသအမျက်မီး သူတို့အပေါ် မသွန်းလောင်းမီအချိန်အတွင်း မြေကြီးပေါ်ရှိ နူးညံ့သိမ်မွေ့သူများကို စင်ကြယ်သောဘာသာစကား ပေးထားတော်မူသည်။ ၎င်းအချိန်သည် ယခုပင်ဖြစ်၏၊ အကြောင်းမှာ အာမဂေဒုန်၌ အဆုံးမဲ့တန်ခိုးရှင်ဘုရားသခင်၏နေ့ကြီးစစ်ပွဲသို့ တိုင်းနိုင်ငံအသီးသီးတို့ကို စုဝေးနေပြီဖြစ်သောကြောင့်တည်း။—ဗျာဒိတ် ၁၆:၁၄၊ ၁၆။
ယေဟောဝါသည် မိမိလူတို့ကို စည်းလုံးမှုရှိစေရန် သူတို့အား စင်ကြယ်သောဘာသာစကားကို ပေးထားသည်။ ဤဘာသာစကားအသစ်တွင် ဘုရားသခင်နှင့် ကိုယ်တော်၏ရည်ရွယ်ချက်များဆိုင်ရာ ကျမ်းစာအမှန်တရားကို မှန်ကန်စွာသဘောပေါက်နားလည်ခြင်းပါဝင်သည်။ စင်ကြယ်သောဘာသာစကားကိုပြောဆိုခြင်းတွင် အမှန်တရားကိုယုံကြည်ခြင်း၊ အခြားသူများအား ယင်းကိုသွန်သင်ပေးခြင်းနှင့် ဘုရားသခင်၏ပညတ်တော်များ၊ မူများနှင့်အညီ အသက်ရှင်နေယောဟန် ၁၇:၁၄; တမန်တော် ၁၀:၃၄၊ ၃၅) အမှန်တရားကိုချစ်မြတ်နိုးကြသော စိတ်နှလုံးရိုးဖြောင့်သူအားလုံးသည် ဤဘာသာစကားကို သင်ယူနိုင်ကြ၏။ ရှေ့ဆောင်းပါးတွင်ဖော်ပြထားသည့် ယခင်က ဘာသာရေးအရ အလွန်ကွဲပြားနေသော အဆိုပါလူငါးဦးသည် ယခု စစ်မှန်သောဘုရားသခင် ယေဟောဝါတစ်ဆူတည်းကိုသာ ဝတ်ပြုကိုးကွယ်မှု၌ မည်သို့စည်းလုံးလျက်ရှိနေကြကြောင်း သုံးသပ်ကြည့်ပါ။
ထိုင်ခြင်းတို့ပါရှိသည်။ ကွဲပြားစေသောနိုင်ငံရေးကို ရှောင်ကြဉ်ပြီး ဤလောက၏ထင်ရှားသောအမှတ်အသားဖြစ်သည့် လူမျိုးရေးခွဲခြားမှုနှင့် စိတ်ဝမ်းကွဲစေသောမျိုးချစ်စိတ် အစရှိသည့် အတ္တသဘောထားများကို နှလုံးမှဖယ်ရှားပစ်ဖို့လိုအပ်သည်။ (သူတို့သည် စစ်မှန်သောဝတ်ပြုမှု၌ စည်းလုံးလျက်ရှိကြ
. . . ဘာသာကိုင်းရှိုင်းသူ ဖီဒေလ်ယားသည် သမီး၏ကျောင်းစာအတွက် ကျမ်းစာတစ်အုပ်ဝယ်ပေးသောအခါ မိမိ၏သေဆုံးသွားသောကလေးငါးယောက်သည် မည်သို့ဖြစ်ပျက်နေမည်ကိုသိရှိရန် ကျမ်းစာမှရှင်းပြပါဟု ခရစ်ယာန်ဘုန်းကြီးအားတောင်းဆိုခဲ့သည်။ “တကယ့်ကိုစိတ်ပျက်ဖို့ကောင်းတယ်” ဟုသူပြောပြသည်။ ထို့ကြောင့် ယေဟောဝါသက်သေများ သူ့ထံလည်ပတ်လာသောအခါ ထိုမေးခွန်းကိုပင် သူမေးခဲ့သည်။ သေလွန်သူ၏အခြေအနေအမှန်ကို သူ့ကိုယ်ပိုင်ကျမ်းစာအုပ်တွင် သူဖတ်ကြည့်ပြီးနောက် မိမိ၏ချာ့ခ်ျသည် မိမိကို မည်မျှလှည့်စားခဲ့ကြောင်း သူသဘောပေါက်ခဲ့၏။ သေလွန်သူများသည် အဘယ်အရာမျှမသိရှိသောကြောင့် လင်ဘို သို့မဟုတ် အခြားမည်သည့်အရပ်၌မဆို ဝေဒနာခံစားနေသည်မဟုတ်ကြောင်း သူသိရှိခဲ့သည်။ (ဆာလံ ၁၄၆:၄; ဒေ. ၉:၅) ထိုအခါ ဖီဒေလ်ယားသည် သူ၏ဘာသာရေးပုံများကို စွန့်ပစ်ပြီး ချာ့ခ်ျမှနုတ်ထွက်၍ သမ္မာကျမ်းစာကို စတင်လေ့လာခဲ့သည်။ (၁ ယောဟန် ၅:၂၁) ယခု သူသည် အခြားသူများအား ကျမ်းစာအမှန်တရားကို သွန်သင်ပေးခြင်း၌ ပျော်မွေ့ခဲ့သည်မှာ ဆယ်နှစ်ရှိနေပြီ။
ခတ္တမန္ဒူမြို့မှ တာရာသည် ဟိန္ဒူဘုရားကျောင်းအနည်းငယ်ရှိသည့် နိုင်ငံတစ်နိုင်ငံသို့ ပြောင်းရွှေ့ခဲ့သည်။ သို့ဖြစ်၍ သူ၏ဝိညာဉ်ရေးလိုအပ်ချက်များကို ဖြည့်ဆည်းလို၍ မက်သဒစ်ချာ့ခ်ျကို သွားတက်ခဲ့၏။ သို့သော် လူ့ဆင်းရဲခြင်းနှင့်ပတ်သက်သော သူ့မေးခွန်း၏အဖြေကိုမရရှိခဲ့ပေ။ ထို့နောက် ယေဟောဝါသက်သေများက သူ့ကိုဆက်သွယ်ပြီး ကျမ်းစာသင်အံမှုကမ်းလှမ်းခဲ့သည်။ “ကမ္ဘာမှာ ခံစားနေရတဲ့ဆင်းရဲခြင်းအားလုံးရဲ့ တရားခံဟာ မေတ္တာရှင်ဘုရားသခင် မဟုတ်နိုင်ဘူးဆိုတာကို ကျွန်မသဘောပေါက်လာတယ်။ . . . ငြိမ်းချမ်းပြီး စည်းလုံးမှုရှိမယ့် ကမ္ဘာသစ်ကိုစောင့်မျှော်ခွင့်ရှိတာကို ကျွန်မအားရကျေနပ်မိတယ်” ဟုတာရာကပြောပြသည်။ (ဗျာဒိတ် ၂၁:၃၊ ၄) တာရာသည် သူ၏ဟိန္ဒူပုံများကို စွန့်ပစ်ပြီး သူ၏နေရင်းတိုင်းပြည်၏ ဘာသာရေးဓလေ့ထုံးစံများကို မလိုက်တော့ချေ၊ ယေဟောဝါသက်သေတစ်ဦးအဖြစ် အခြားသူများ၏ဝိညာဉ်ရေးလိုအပ်ချက်များကို ကူညီဖြည့်ဆည်းပေးခြင်း၌ ပျော်ရွှင်မှုအစစ်ကို သူတွေ့ရှိလေပြီ။
ဘန်ကောက်မြို့မှ . . . ပါန်ယာထံ ယေဟောဝါသက်သေများ ဦးဆုံးလည်ပတ်ချိန်၌ သူသည် ဗေဒင်ဆရာတစ်ဦးဖြစ်သောကြောင့် သမ္မာကျမ်းစာပါ ပရောဖက်ပြုချက်များသည် သူ့အတွက်ဆွဲဆောင်မှုရှိခဲ့သည်။ “လက်ရှိအခြေအနေတွေဟာ ဖန်ဆင်းရှင်ရဲ့ မူလရည်ရွယ်ချက်နဲ့ တခြားစီဖြစ်တဲ့အကြောင်း၊ ကိုယ်တော်နဲ့ ကိုယ်တော်ရဲ့ပိုင်သအုပ်ချုပ်မှုကို ငြင်းပယ်သူတွေလုပ်ထားတဲ့ ဆိုးကျိုးတွေကို ချေဖျက်ပစ်ဖို့ ဘာတွေစီစဉ်ထားတယ်ဆိုတဲ့အကြောင်းတွေကို ကျွန်တော်သိလာတဲ့အခါ ကျွန်တော့်မျက်စိကနေ အကာကြီးတစ်ခုပြုတ်ကျသွားသလိုပဲ။ ကျမ်းစာရဲ့သတင်းတရားအားလုံးဟာ တကယ့်ကိုကျိုးကြောင်းညီညွတ်တယ်။ ယေဟောဝါကို ပုဂ္ဂိုလ်တစ်ပါးအဖြစ် ကျွန်တော်ချစ်မြတ်နိုးလာတယ်; အဲဒါကြောင့် မှန်တယ်လို့ကျွန်တော်သိတာကို လက်တွေ့ကျင့်သုံးဖို့ လှုံ့ဆော်ပေးခံရတယ်။ လူ့ဉာဏ်ပညာနဲ့ ဘုရားသခင့်ဉာဏ်ပညာရဲ့ ကွာခြားချက်ကို အခြားသူတွေလည်း သိလာရအောင် ကူညီပေးချင်တဲ့စိတ် ပြင်းပြလာတယ်။ စစ်မှန်တဲ့ဉာဏ်ပညာက ကျွန်တော့်ဘဝကို တကယ်ပဲပြောင်းလဲစေခဲ့တယ်” ဟုပါန်ယာပြောပြခဲ့သည်။
အချိန်တန်သော် ဗာရ်ဂျာလ်သည် သူ၏ဘာသာရေးယုံကြည်ချက်များကို အကြီးအကျယ်သံသယဝင်လာသည်။ လူမဲများကိုကူညီပေးဖို့နှင့် လူဖြူများကို မုန်းတီးစေပုံရသည့် လူမျိုးရေးခွဲခြားသောအဖွဲ့အစည်းတစ်ခုဟု သူရိပ်မိသောအခါ ၎င်းအတွက် ဘုရားသခင်ထံ သူဆုတောင်းမည့်အစား အမှန်တရားသည် မည်သည့်အရာဖြစ်ပါစေ၊ မည်သည့်နေရာတွင်ဖြစ်ပါစေ ၎င်းကိုတွေ့ဖို့အတွက် သူဆုတောင်းခဲ့၏။ “ဘုရားသခင်ကို ထက်ထက်သန်သန်ဆုတောင်းပြီး နောက်တစ်နေ့ ကျွန်တော်အိပ်ရာထတဲ့အခါ အိမ်ထဲမှာ ကင်းမျှော်စင် တစ်စောင်တွေ့ခဲ့တယ်။ . . . တံခါးအောက်ကနေ ထိုးထည့်ထားတာဖြစ်ရမယ်” ဟုဗာရ်ဂျာလ်က ပြန်ပြောပြသည်။ မကြာမီပင် သူသည် ယေဟောဝါသက်သေများနှင့် စိတ်အားထက်သန်စွာ ကျမ်းစာလေ့လာခဲ့သည်။ သူက ဤသို့ဆက်ပြောပြသည်– “ကျွန်တော့်ဘဝမှာ ပထမဆုံးအကြိမ် စိတ်ကျေနပ်မှုရရှိခဲ့တယ်။ . . . မျှော်လင့်ချက်ရောင်ခြည် ပေါ်ထွက်လာသလိုပဲ။” ထို့နောက် ဗာရ်ဂျာလ်သည် ဘုရားသခင့်စကားတော် သမ္မာကျမ်းစာ
တွင်ဖော်ပြထားသည့် တစ်ခုတည်းသောမျှော်လင့်ချက်အစစ်ကို လူတို့အား ကမ်းလှမ်းပေးသူများနှင့် မကြာမီ တစည်းတလုံးတည်းရှိလာလေသည်။လက်တင်အမေရိကမှ ချာရိုသည် သူ၏ကလေးငယ်များနှင့်မနိုင်မနင်းဖြစ်နေကြောင်းကို သက်သေခံဂလက်ဒီစ်မြင်၍ သူ့ကို ဈေးခေါ်သွားပေးခြင်းဖြင့် စတင်ကူညီပေးမှုကို စိတ်ထဲစွဲမှတ်သွားသည်။ အချိန်တန်သော် ဂလက်ဒီစ်ကမ်းလှမ်းသော အခမဲ့အိမ်တွင်းကျမ်းစာသင်အံမှုကို ချာရိုလက်ခံလိုက်သည်။ ချာရိုသည် လူကောင်းအားလုံး ကောင်းကင်သို့မသွားဘဲ မြေကြီးပေါ်တွင် ထာဝရအသက်တာဖြင့် လူသားများကို ယေဟောဝါကောင်းချီးပေးမည်ဟု သူ၏ကိုယ်ပိုင်ကျမ်းစာမှ သိရှိလာသောအခါ အံ့အားသင့်ခဲ့၏။ (ဆာလံ ၃၇:၁၁၊ ၂၉) ချာရိုကိုယ်တိုင် ယခု ဤမျှော်လင့်ချက်ကို အခြားသူများအား ဝေမျှခဲ့သည်မှာ ၁၅ နှစ်ရှိပြီ။
ကမ္ဘာမြေကြီးတစ်ခွင် စစ်မှန်သောဘုရားသခင် တစ်ဆူတည်းဖြစ်သောယေဟောဝါအား ဝတ်ပြုကိုးကွယ်မှု၌ စိတ်ရင်းမှန်သူများ စည်းလုံးစွာနေထိုင်ကြမည်ကို မြင်ယောင်ကြည့်လိုက်ပါ! ယင်းသည် ကြံဖန်စိတ်ကူးယဉ်နေခြင်းမျှမဟုတ်ချေ။ ယေဟောဝါ၏ကတိတော်ဖြစ်သည်။ ဘုရားသခင်သည် ကိုယ်တော်၏ပရောဖက်ဇေဖနိအားဖြင့် ဤသို့ကြေညာခဲ့သည်– “နှိမ့်ချဆင်းရဲသောအမျိုးကို သင့်အလယ်၌ ငါချန်ထားမည်။ ထိုသူတို့သည် ထာဝရဘုရား၏နာမတော်ကို ခိုလှုံကြလိမ့်မည်။ . . . မတရားသောအမှုကိုမပြုရကြ။ မုသာမပြောရကြ။ သူတို့နှုတ်၌ လှည့်စားတတ်သောလျှာမရှိရ။ အဘယ်သူမျှမကြောက်စေ” ရ။ (ဇေဖနိ ၃:၁၂၊ ၁၃) ဤကတိတော်ကို သင်စိတ်ဝင်စားမည်ဆိုပါက ကျမ်းစာ၏ဤတိုက်တွန်းချက်ကို နှလုံးထဲမှတ်ကျုံပါလေ– “တရားတော်အတိုင်းကျင့်၍ စိတ်နှိမ့်ချသောပြည်သူပြည်သားအပေါင်းတို့ ထာဝရဘုရားကိုရှာကြလော့။ ဖြောင့်မတ်ခြင်းနှင့် စိတ်နှိမ့်ချခြင်းကိုလည်းရှာကြလော့။ ထာဝရဘုရားအမျက်တော်ထွက်တော်မူသောနေ့၌ သင်တို့သည် ပုန်းရှောင်ရာကို တွေ့ကောင်းတွေ့ကြလိမ့်မည်။”—ဇေဖနိ ၂:၃။