Au Uianga a te Aronga Tatau

Eaa te aiteanga kia akamori ia Iehova “ma te vaerua”?

I te akakiteanga ki tetai vaine Samaria tei aere atu i te tiki vai ki te ruavai o Iakoba vaitata i te oire o Sikara, kua tuatua atu a Iesu Karaiti: “E Vaerua te Atua, e te aronga e akamori iaia ra, kia akamori ma te vaerua e te tuatua-mou ra e tikaʼi.” (Ioane 4:24) Kia raveia te akamori anga mou ‘ma te tuatua-mou’ i roto i te tu e kia rotai te reira ki ta te Atua ko Iehova i akakite mai i roto i te Pipiria no runga iaia uaorai e tana au akakoroanga. Kua ki i te toto mapu, me kare kia maroiroi katoa ta tatou tavini anga i te Atua, tei akakeuia e te ngakau ki i te aroa e te akarongo. (Tito 2:14) Inara, te akaari maira te tumu manako o te tuatua a Iesu no runga i te ‘akamorianga i te Atua ma te vaerua’ e e maata atu i te tu manako ua ma te reira te tavini ra tatou ia Iehova.

Te uriuri anga a Iesu ma taua vaine i te ruavai kare e no runga i te vai ua anga o te tu maroiroi me kare te ngere anga i te reira i roto i te akamori anga. Ka rauka rai e kia raveia te akamori anga pikikaa ma te maroiroi e te akono ua. Mari ra, i muri mai i te tuatua anga e ka akamoriia te Metua kare i te au maunga i Samaria e kare katoa i te iero i Ierusalema​—e nga ngai tika tikai​—kua tou tika atu a Iesu ki tetai ravenga ou o te akamori anga tei akanooia ki runga i te tu tikai o te Atua. (Ioane 4:21) Kua tuatua aia e: “E Peretana vaerua te Atua.” (Ioane 4:24, Charles B. Williams) Kare te Atua mou i te tangata e kare e kiteia me kare e amiriia. Kare tana akamorianga i akanooia ki roto i tetai iero kitea uaia me kare i te maunga. No reira, te taiku ra a Iesu no runga i tetai tu akamori anga tei aere mamao atu mei tei kiteia.

I te pae mai i tei tuatuaia e e tuatua mou, kia akaaere katoaia te akamori anga arikiia e te vaerua tapu​—to te Atua mana ririnui kitea koreia. “E kimi oki te Vaerua [tapu] i te au mea katoa nei,” i tata ei te apotetoro ko Paulo, “e te au mea oonu rai o te Atua ra.” Kua na ko mai aia: “E teianei te Vaerua i rauka ia tatou nei, kare ïa to teianei ao, ko te Vaerua ra no ko mai i te Atua ra: kia kite tatou i te au mea i oronga uaia mai e te Atua no tatou nei.” (1 Korinetia 2:​8-12) Kia akamori ariki ua i te Atua, kia rauka ia tatou tona vaerua e kia aratakiia e te reira. Pera katoa, e mea puapinga kia akarotaiia to tatou tu, me kare te tu manako anga, ki tona ra na roto i te apiianga e te taangaanga anga i tana Tuatua.

[Tutu i te kapi 28]

E akamori i te Atua “ma te vaerua e te tuatua-mou”