Te Faifakalelei ʼe Ko Te Kalavi ʼo Te Tokalelei
Te Faifakalelei ʼe Ko Te Kalavi ʼo Te Tokalelei
“ ʼE MĀLOHI te ʼu faifakalelei, heʼe lava fakatokatoka ʼi te tokalelei he ʼu fihifihia, mo he ʼu maveuveu faka puleʼaga, pea ʼe feala ki te ʼu puleʼaga ke nātou mahino ki te ʼu mamahi ʼo te hahaʼi ʼo tonatou ʼu fenua, pea mo faka felogoi te hahaʼi.” Neʼe fai te ʼu palalau ʼaia e Deborah Tannen, ʼi te Univelesitē ʼi Washington, ko te fafine faitohi ʼiloa pea ʼe ina sivi ia te felogoi ʼa te hahaʼi.
Ko te Tohi-Tapu ʼe ina fakamoʼoni, ʼi te agamāhani ka tou faifakalelei fakamalotoloto pea ʼe tou fakatokatoka ai te ʼu tokakovi. Ohage la ko te lea fakatātā ʼa Sesu ʼo ʼuhiga mo te tama maumau koloā. Neʼe toe liliu mai ki tona ʼapi pea neʼe ina fai tana fakalelei fakamalotoloto, pea neʼe toe tali atu aipe e te tāmai ke toe liliu mai ki te famili. (Luka 15:17-24) Ei, ʼaua naʼa tou fialahi fau, heʼe mole feala ai anai ke tou faifakalelei, pea ʼe mole feala ai anai ke tou kole ki he tahi neʼe kita tokakovi mo ia ke fakamolemole mai. ʼE moʼoni, ki te hahaʼi ʼaē ʼe agavaivai moʼoni, ʼe mole faigataʼa kia nātou hanatou faifakalelei ki he tahi.
Te Mālohi ʼo Te ʼu Faifakalelei
Ko Apikaela neʼe ko he fafine poto ʼi te Iselaele ʼāfea, neʼe ina tuku mai te faʼifaʼitaki lelei ʼo ʼuhiga mo te mālohi ʼo te faifakalelei, logola neʼe ko tona ʼohoana ʼaē neʼe ina fai te aga kovi. ʼI tana nofo ʼi te toafa, pea ki muli age neʼe liliu ko te hau ʼo Iselaele, neʼe puipui e Tavite mo tana ʼu hahaʼi te ʼu manu ʼa Napale ia te ʼohoana ʼo Apikaela. Kae ʼi te temi ʼaē neʼe kole ai e te hahaʼi ʼa Tavite hanatou meʼa kai pea mo hanatou meʼa ʼinu kia Napale, neʼe ina kapu nātou pea mo fakalainoaʼi ia nātou. ʼI tona ʼita ki te faʼahi ʼaia, neʼe fakamāʼopoʼopo atu aipe e Tavite te toko 400 tagata ke nātou ʼolo ʼo tauʼi ia Napale pea mo tona loto fale. ʼI tana ʼiloʼi te meʼa ʼaē neʼe hoko, neʼe foimo 1 Samuele 25:2-35.
tuʼu atu aipe ia Apikaela ʼo ʼalu ʼo fakafetaulaki kia Tavite. ʼI tana sio kia Tavite, neʼe tulolo ifo ki tona ʼu vaʼe, ʼo ʼui maʼana: “Ke tō kia te ʼau, Ê toku ʼaliki, te hala, pea fakalelei age, ke ke fakagafua age ki tau fafine kaugana ke lea atu ki ʼou taliga, pea fagono mai ki te ʼu palalau ʼo tau fafine kaugana.” Pea neʼe fakamahino age e Apikaela te fihifihia pea mo ina foaki kia Tavite te ʼu meʼa ʼofa ko te meʼa kai pea mo te meʼa ʼinu. ʼI tana fai te faʼahi ʼaia, neʼe ʼui fēnei age e Tavite: “Hake mo te tokalelei ki tou ʼapi. Sio, neʼe ʼau fakalogo ki tou leʼo, ke ʼau fakaʼapaʼapa kia te koe.”—Neʼe feala ʼaki te agavaivai ʼa Apikaela pea mo tana faifakalelei, ke ina hāofaki tona loto fale ʼo ʼuhiga mo te aga fefeka ʼo tona ʼohoana. ʼO feiā mo Tavite neʼe fakamālo age ki tana tāʼofi tana fia ligi toto. Logola neʼe mole ko Apikaela ʼaē neʼe agakovi kia Tavite mo tana hahaʼi, kae neʼe fua e Apikaela te hala ʼo tona famili pea mo ina tofa te vāhaʼa ke nā tokalelei mo Tavite.
Ko te ʼapositolo ko Paulo ʼe ko te tahi faʼifaʼitaki lelei, he neʼe mahino kia ia te temi ʼaē neʼe tonu ke faifakalelei ai. ʼI te tahi ʼaho, neʼe ina hāofaki ia ia totonu ʼi muʼa ʼo te Sanetualio, te telepinale lahi Sutea. ʼI tona ʼita ʼuhi ko te ʼu palalau poto ʼa Paulo, neʼe fakatotonu age e te pelepitelo lahi ko Ananiasi kia nātou neʼe tutuʼu ʼi te ʼu tafa ʼo Paulo ke nātou paki tona gutu. ʼI te lakaga ʼaia, neʼe ʼui fēnei age e Paulo kia te ia: “E fuei anai koe e te Atua, kaupa lahe! E ke heka mai o fakamau o mulimuli ki te lao, pea ke maumauʼi pe te lao, i tau fakatotonu ke pâaki au?” Ko te hahaʼi neʼe nātou munaʼi ia Paulo ʼi tana leakoviʼi te pelepitelo lahi, pea neʼe fakalelei age te ʼapositolo ʼo ʼuhiga mo tana ʼu palalau, ʼo ʼui maʼana: “U tehina, nee mole au iloi, e ko te Pelepitelo lahi; koteuhi kua tohi: ‘e mole ke leakoviʼi anai he faipule o tau hahai.’ ”—Gaue 23:1-5.
Neʼe tonu te ʼu palalau ʼa Paulo, ʼi tana ʼui ki te tuʼi fakamāu ʼe mole tonu ke ina fai he agamālohi. Koia, neʼe faifakalelei ai ʼo ʼuhiga mo tana ʼu palalau ʼaē neʼe hage neʼe mole mata fakaʼapaʼapa, koteʼuhi neʼe mole ina ʼiloʼi ʼe palalau ki te pelepitelo lahi. a ʼAki te faifakalelei ʼaia ʼa Paulo neʼe feala ai ke fakalogo te Sanetualio ki te meʼa ʼaē ka palalau kiai. ʼI te ʼiloʼi ʼaē e Paulo ʼe mole felogoi te kau takitaki lotu ʼi te telepinale, neʼe ina ʼui age kia nātou neʼe fakamāuʼi ia ia ʼo ʼuhiga mo te fakatuʼuake. Koia, neʼe malaga ai te ʼu maveuveu lahi, pea neʼe lagolago te kau Faliseo kia Paulo.—Gaue 23:6-10.
Koteā te ako ʼe tou maʼu mai te ʼu faʼifaʼitaki faka Tohi-Tapu ʼaia? ʼI te ʼu faʼifaʼitaki ʼaia e lua, neʼe lava hoko te ʼu felogoi koteʼuhi neʼe fai te ʼu faifakalelei fakamalotoloto. Koia ʼe tou lava tokalelei mo he tahi mo kapau ʼe tou faifakalelei. Ei, ʼe tou maʼu te ʼu felogoi lelei mo kapau ʼe tou fakamoʼoni ki tatatou ʼu hala, pea mo tou faifakalelei ʼo ʼuhiga mo he ʼu meʼa kovi neʼe tou fai.
‘Neʼe Mole ʼAu Fai He Meʼa ʼe Kovi’
Kapau ʼe tou ʼiloʼi neʼe lotomamahi he tahi ʼi he ʼu palalau peʼe ko he meʼa neʼe tou fai, ʼe lagi tou manatu anai ʼe hoko ʼita peʼe lotomamahi Mateo 5:23, 24.
vave. Kae neʼe tokoniʼi fēnei e Sesu tana kau tisipulo: “Koia, ka ke aumai hou molaga ki te aletale pea e ke manatui, e i ai he mea e fakafehagai ai tou tehina kia te koe. Tuku tou molaga i te mua aletale, alu mua o fakatokatoka mo tou tehina, pea ke haù o momoli tou molaga.”—Ohage la, ʼe feala ke manatu e he tēhina neʼe kita fai age he meʼa ʼe kovi kia ia. ʼI te ʼaluʼaga ʼaia, ʼe ʼui e Sesu ʼe tonu ke kita ʼalu “o fakatokatoka mo [tokita] tehina,” tatau aipe pe neʼe kita fai peʼe kailoa he meʼa kovi ki ai. ʼI te tohi faka Keleka, ko te kupu ʼaē neʼe fakaʼaogaʼi e Sesu ʼi te vaega ʼaia, ‘ ʼe hā ʼaki ai te fefakamolemoleʼaki ʼi te ʼosi ʼo te fihi ʼa he toko lua.’ (Vine’s Expository Dictionary of Old and New Testament Words) ʼIo, mokā ʼe fihi he foʼi toko lua, ʼe lagi ʼe nā hala toko lua, koteʼuhi ʼe nā heʼe haohaoa pea mo nā agahala. Pea ʼe tonu ʼi te temi ʼaia ke nā fefakatokatokaʼaki.
Ka hoko he fihifihia, ko te meʼa ʼaē ʼe maʼuhiga ʼe mole ko te kumi pe ko ai ʼaē ʼe tonu pe ko ai ʼaē ʼe hala, kae ko ai anai ka ina kamata tofa te tokalelei. ʼI te ʼiloʼi e Paulo neʼe ʼave e te kau Kilisitiano ʼo Kolonito tonatou ʼu tēhina ki te ʼu telepinale, ʼuhi pe ko he ʼu fihifihia faka paʼaga, neʼe ina fakatonutonuʼi fēnei nātou: “He koʼe ʼe mole koutou tuku ke faka lākahalaʼi koutou? He koʼe ʼe mole koutou tuku ke koutou hala ʼi he meʼa?” (1 Kolonito 6:7, MN ) ʼI te ʼu palalau ʼaia neʼe tokoniʼi e Paulo tona ʼu tēhina ke ʼaua naʼa nātou ʼave tonatou ʼu fihifihia takitokotahi ki te ʼu telepinale, pea koʼeni te manatu tāfito ʼaē ʼe tonu ke tou mahino kiai: ʼE maʼuhiga age hatatou tokalelei mo totatou ʼu tēhina ʼi hatatou fia ʼiloʼi pe ko ai ʼe hala pe ko ai ʼe moʼoni. Kapau ʼe tou taupau maʼu te pelesepeto ʼaia ʼi totatou ʼatamai, pea ʼe tou fakamolemole gafua anai ki he tahi ʼe ina ʼui neʼe tou fai age he meʼa ʼe kovi.
ʼE Maʼuhiga Te Aga Fakamalotoloto
Kae ko ʼihi hahaʼi ʼe nātou fakaʼaogaʼi kovi te ʼu kupu ʼaē ʼe fakaʼaogaʼi moʼo faifakalelei. Ohage la ʼi Saponia, ʼe fakaʼaogaʼi lahi te kupu sumimasen mokā kita faifakalelei ki he tahi. ʼE feala pe ke toe fakaʼaogaʼi te kupu ʼaia moʼo fakamālo, ohage ʼe kita fia fakahā ʼe kita ufiufi heʼe mole kita lava liufaki te agalelei ʼaē neʼe fai mai kia kita. ʼI te kua lahi ʼo tona ʼu faka ʼuhiga, ʼe lagi manatu anai ʼihi ʼe lahi fau tona fakaʼaogaʼi pea mo nātou feʼekeʼaki peʼe fakaʼaogaʼi fakamalotoloto koa te kupu ʼaia e te hahaʼi. ʼI ʼihi fenua, ʼe lagi lahi fau te ʼu faifakalelei.
ʼI te ʼu lea kehekehe, ʼe maʼuhiga ke tou fakamalotoloto mokā ʼe tou faifakalelei. ʼE tonu ke ʼiloga ʼi te ʼu palalau pea mo totatou leʼo ʼe tou lotomamahi moʼoni ki te meʼa ʼaē neʼe tou fai. ʼI tana Akonaki ʼi te Moʼuga, neʼe akoʼi fēnei e Sesu tana kau tisipulo: “Ke faka ʼuhiga lelei takotou Ei ko te Ei, pea ko takotou Oho, ko te Oho; heʼe ko te meʼa ia ʼaē ʼe fakalahi ʼaki ʼe haʼu ia mai te agakovi.” (Mateo 5:37, MN ) Kapau ʼe koutou faifakalelei, koutou aga fakamalotoloto! Tou toʼo te fakatā: Ko te tagata ʼe fakatalitali ʼi te ʼatu ʼi muʼa ʼo te pilō fua pasikete ʼo te malaʼe vakalele, pea neʼe faifakalelei ki te fafine koteʼuhi neʼe ʼī tana pasikete ki te fafine ʼaē neʼe fakatalitali ʼi te tahi ʼatu. Hili te ʼu kiʼi minuta kiai, ʼi te fakaʼaluʼalu ʼo te ʼatu, neʼe toe ʼī tana pasikete ki te fafine. Pea toe faifakalelei te tagata ki ai. ʼI te toe hoko ʼo te meʼa ʼaia, neʼe ʼui age leva e te tagata ʼaē neʼe kaugā folau mo te fafine, kapau ʼe fakamalotoloto tau ʼu faifakalelei, pea ʼe tonu foki ke ke tokaga ki tau pasikete naʼa toe ʼī ki te fafine. Ei, ʼe tonu ke tou tokaga naʼa toe hoko liuliuga tatatou ʼu hala.
Kapau ʼe tou fakamalotoloto, pea ʼe tou tali gafua he faʼahiga hala pe, ʼo tou kumi ke tou fefakamolemoleʼaki, pea mo tou faiga ke tou tekeʼi te ʼu fihifihia. Kapau ʼe tou fai feiā, ko ia ʼaē neʼe lotomamahi ʼe fakamolemole vave anai ki he tahi ʼe fakahemala moʼoni. (Mateo 18:21, 22; Maleko 11:25: Efeso 4:32; Kolose 3:13) ʼUhi heʼe tou heʼe haohaoa, ʼe mole faigafua te faifakalelei ʼi te tokalelei. Kae ko te ʼu palalau ʼaē ʼe kita fai moʼo faifakalelei, ʼe ko he fakatafitoʼaga mālohi ʼaia ki te tokalelei.
Te ʼu Faifakalelei ʼAē ʼe Mole Lelei
Logola ʼe ʼi ai te ʼu fua lelei mokā kita fakahā ʼe kita fakahemala pea mo lotomamahi, pea ʼe lagolago ki te tokalelei, ko he tahi ʼe poto ʼe tokaga anai naʼa ina fakaʼaogaʼi te ʼu taʼi palalau ʼaia ʼi he ʼu temi ʼe mole ʼaoga ki ai. Ohage la, kapau ʼe Filipe 2:8) Kae neʼe mole faifakalelei ʼo ʼuhiga mo tana ʼu faiakonaki moʼo fakamaʼamaʼa ʼo tona ʼu mamahi. Pea neʼe mole faifakalelei Sesu ʼi te temi ʼaē neʼe fehuʼi fēnei age e te pelepitelo lahi: “ ʼAki te ʼAtua maʼuli ʼe ʼau fakamaʼua atu kia te koe te fakapapau, koteʼuhi ke ke fakahā mai peʼe ko koe ia Kilisito te ʼAlo ʼo te ʼAtua.” Neʼe mole fula ia Sesu, kae neʼe lototoʼa ʼo tali fēnei age: “Kua ke ʼui totonu pe e koe te meʼa ʼaia. Pea ʼe ʼau tala atu kia koutou, ʼi te temi leva ʼaē, ʼe koutou sisio anai ki te Foha ʼo te tagata ʼe heka ʼi te toʼomataʼu ʼo te mālohi pea mo tana haʼu ʼi te ʼu ʼao ʼo te lagi.” (Mateo 26:63, 64, MN ) Neʼe mole faiga ia Sesu ke felogoi lelei mo te pelepitelo lahi, pea ke ina fakamālaloʼi ai tana nofo agatonu ki tana Tāmai ko Sehova ʼAtua.
hoko he fihifihia ʼo ʼuhiga mo te agatonu ki te ʼAtua. ʼI te nofo ʼa Sesu ʼi te kele, “nee fakavaivai ifo, o liliu o fakalogo o kaku ki te mate, ki te mate i he [“pou fakamamahi”, MN ].” (Ko te kau Kilisitiano ʼe nātou fakaʼapaʼapa pea mo faka maʼuhigaʼi te hahaʼi ʼaē neʼe fakanofo ki tonatou ʼu tuʼulaga. Kae ʼe mole nātou faifakalelei ʼo ʼuhiga mo tanatou fakalogo ki te ʼAtua pea mo tonatou ʼofa ki tonatou ʼu tēhina.—Mateo 28:19, 20; Loma 13:5-7.
Te ʼu Meʼa ʼAē ʼe Fakatupu Kovi Ki Te Tokalelei
ʼI te temi nei, ʼe tou lākahala heʼe tou heʼe haohaoa pea mo agahala ʼuhi ko tatatou kui ko Atama. (Loma 5:12; 1 Soane 1:10) Neʼe agahala Atama koteʼuhi neʼe fakafeagai ki te ʼAtua. Kae ʼi te kamata ko Atama mo Eva neʼe haohaoa pea neʼe mole heʼeki nā agahala, pea ko te ʼAtua neʼe ina fakapapau ko te hahaʼi ʼe nātou toe haohaoa anai. ʼE ina pulihi anai te agahala pea mo tona ʼu fua kovi fuli.—1 Kolonito 15:56, 57.
Kae koteā anai tona faka ʼuhiga! ʼI tana tokoni ʼo ʼuhiga mo te fakaʼaogaʼi ʼo te ʼalelo, neʼe ʼui fēnei e Sakopo ia te tēhina ʼo Sesu: “Kapau e i ai he tagata e mole hala moka lea, ko te tagata aia e haohaoa pau, e ina mafai te pulei o te sino katoa.” (Sakopo 3:2) Ko he tahi ʼe haohaoa ʼe ina lava puleʼi tona ʼalelo, pea ʼe mole ina fai anai he faifakalelei koteʼuhi ʼe mole ina fakaʼaogaʼi kovi tona ʼalelo. ʼE ina ‘lava puleʼi tona sino katoa.’ ʼE ko he meʼa taulekaleka anai hatatou liliu ʼo haohaoa! Pea ʼe mole toe ʼi ai anai he ʼu meʼa ʼe fakatupu kovi ki te tokalelei ʼa te hahaʼi. Kae ʼi te temi ʼaenī, kapau ʼe tou fai he ʼu fakalelei fakamalotoloto ʼo ʼuhiga mo he aga ʼe kovi neʼe kita fai, ʼe tokoni ʼaupito anai te faʼahi ʼaia ki te tokalelei.
[Kiʼi nota]
a Neʼe lagi mole ʼiloʼi lelei e Paulo neʼe ko te pelepitelo lahi ʼuhi he neʼe mole sio lelei.
[Paki ʼo te pasina 5]
Koteā te ako ʼe tou maʼu mai te faʼifaʼitaki ʼa Paulo?
[Paki ʼo te pasina 7]
Ka haohaoa anai te hahaʼi fuli, ʼe mole toe ʼi ai anai he ʼuhiga ʼo te faifakalelei